మరో ఓటీటీలోకి వస్తున్న తెలుగు బోల్డ్ సైకలాజికల్ థ్రిల్లర్ మూవీ.. చీరలో సెక్సీగా కనిపించిన అమ్మాయి కోసం ఉన్మాదిగా మారి..

తెలుగు బోల్డ్ సైకలాజికల్ థ్రిల్లర్ మూవీ రెండు వారాల వ్యవధిలో మరో ఓటీటీలోకి వస్తోంది. చీరలో సెక్సీగా కనిపించిన అమ్మాయిని దక్కించుకోవడానికి ఉన్మాదిగా మారే ఓ యువకుడి చుట్టూ తిరిగే మూవీ ఇది. ప్రముఖ దర్శకుడు రామ్‌గోపాల్ వర్మ సమర్పించాడు.

థియేటర్లలో రిలీజైన మూడు నెలల తర్వాత తెలుగు బోల్డ్ సైకలాజికల్ థ్రిల్లర్ మూవీ శారీ (Saaree) రెండో ఓటీటీలోకి అడుగుపెడుతోంది. గత నెల 27 నుంచి ఈ సినిమా లయన్స్‌గేట్ ప్లే ఓటీటీలో స్ట్రీమింగ్ అవుతోంది. అయితే ఇప్పుడు ఆహా వీడియో ఓటీటీలోకి రాబోతోంది. ఈ సినిమాను ఆర్జీవీ సమర్పించిన విషయం తెలిసిందే.

మరో ఓటీటీలోకి వస్తున్న తెలుగు బోల్డ్ సైకలాజికల్ థ్రిల్లర్ మూవీ.. చీరలో సెక్సీగా కనిపించిన అమ్మాయి కోసం ఉన్మాదిగా మారి..

శారీ ఓటీటీ రిలీజ్ డేట్

ప్రముఖ దర్శకుడు రామ్గోపాల్ వర్మ సమర్పణలో వచ్చిన సినిమా శారీ. ఈ ఏడాది ఏప్రిల్ 4న థియేటర్లలో రిలీజైంది. అతని ఆర్జీవీ డెన్ ప్రోడక్ట్ ఈ సినిమా. ఈ మధ్యకాలంలో వర్మ చాలా సినిమాల్లాగే ఇది కూడా బాక్సాఫీస్ దగ్గర దారుణంగా బోల్తా పడింది. జూన్ 27 నుంచి లయన్స్‌గేట్ ప్లే ఓటీటీలో స్ట్రీమింగ్ అవుతోంది.

ఇక శుక్రవారం (జులై 11) నుంచి ఆహా వీడియో ఓటీటీలోనూ రానుంది. “అతడు ఆమెను చీరలో చూసి.. మతిస్థిమితం కోల్పోయాడు. ప్రేమగా మొదలైనది ఒక వ్యామోహంగా మారింది. ఆమెను తనదిగా చేసుకోవడానికి అతను ఎంత దూరం వెళ్తాడు? జులై 11 నుండి ఆహాలో మాత్రమే స్ట్రీమింగ్ కానున్న రామ్ గోపాల్ వర్మ శారీ చూడండి” అనే క్యాప్షన్ తో ట్వీట్ చేసింది.

శారీ మూవీ గురించి..

శారీ మూవీని నిజ జీవిత ఘటనల ఆధారంగా తెరకెక్కించినట్లు గతంలోనే డైరెక్టర్ రామ్ గోపాల్ వర్మ వెల్లడించాడు. ఈ సినిమాను ఆర్జీవీసమర్పించగా.. గిరి కృష్ణ కమల్ డైరెక్ట్ చేశాడు. ఓ అమ్మాయి కోసం ఉన్మాదిగా మారే యువకుడి చుట్టూ తిరిగే స్టోరీ ఇది. ఈ కాలం యువత సోషల్ మీడియా పేరుతో ఎలా పక్కదారి పడుతోందో, అమ్మాయిలు ఎలా బలవుతున్నారో చూపించే ప్రయత్నం ఈ సినిమా ద్వారా చేశారు.

ఈ సినిమా కిట్టు (సత్య యదు) అనే యువకుడి చుట్టూ తిరుగుతుంది. అతడు ఓ రోజు ఫ్రెండ్స్ తో కలిసి ఓ టూర్ వెళ్తాడు. అక్కడ ఆరాధ్య దేవి (ఆరాధ్య దేవి) అనే అమ్మాయి చీర కట్టుకొని ఎంతో అందంగా ముస్తాబై అతనికి కనిపిస్తుంది. అప్పటి నుంచే ఆమెను ఎలాగైనా దక్కించుకోవాలని అనుకుంటాడు. ఆమెకు ప్రపోజ్ కూడా చేస్తాడు. కానీ ఆమె నిరాకరిస్తుంది. దీంతో కిట్టు ఉన్మాదిలా మారిపోతాడు. ఆమెను దక్కించుకోవడానికి ఎంతకైనా తెగిస్తాడు.

ఓ బలమైన సామాజిక సందేశంతో తెరకెక్కిన సినిమానే అయినా.. దానిని స్క్రీన్ పై చూపించిన తీరు దారుణంగా ఉంది. మితిమీరిన హింస, బోల్డ్‌నెస్ తో ఫ్యామిలీ ప్రేక్షకులకు మూవీ దూరమైంది. థియేటర్లలో అసలు ఎవరూ పట్టించుకోలేదు. మరి ఆహా వీడియో ఓటీటీలో ఎలాంటి రెస్పాన్స్ వస్తుందో చూడాలి.