20 రోజుల్లోనే ఓటీటీలోకి తెలుగు క్రైమ్ థ్రిల్లర్ మూవీ.. పోలీస్ వర్సెస్ కామన్ మ్యాన్.. స్ట్రీమింగ్ డేట్ ఇదే..
ఓటీటీలోకి ఓ తెలుగు క్రైమ్ థ్రిల్లర్ మూవీ 20 రోజుల్లోనే వచ్చేస్తోంది. ఓ పోలీస్, మరో కామన్ మ్యాన్ మధ్య వార్ తో సాగే సినిమా ఇది. నవీన్ చంద్ర లీడ్ రోల్లో నటించిన ఈ మూవీ ఏంటి? ఎక్కడ స్ట్రీమింగ్ అవుతుందన్న వివరాలు చూడండి.
తెలుగు క్రైమ్ థ్రిల్లర్ మూవీ షో టైమ్ (Show Time) ఓటీటీలోకి వచ్చేస్తోంది. ఈ నెలలోనే థియేటర్లలో రిలీజైన ఈ సినిమా.. ఇదే నెలలో డిజిటల్ ప్రీమియర్ కూ సిద్ధమవుతుండటం విశేషం. నవీన్ చంద్ర, రాజా రవీంద్ర, కామాక్షి భాస్కర్ల నటించిన ఈ సినిమాకు బాక్సాఫీస్ దగ్గర పెద్దగా రెస్పాన్స్ రాలేదు.
షో టైమ్ ఓటీటీ రిలీజ్ డేట్
తెలుగు క్రైమ్ థ్రిల్లర్ మూవీ షో టైమ్ జులై 4న థియేటర్లలో రిలీజైంది. దీనికి మిక్స్డ్ టాక్ వచ్చింది. ఓ డిఫరెంట్ స్టోరీతో వచ్చినా స్క్రీన్ప్లే దెబ్బ తీసిందంటూ రివ్యూలు వచ్చాయి. ఇప్పుడీ మూవీ వచ్చే శుక్రవారం (జులై 25) నుంచి సన్ నెక్ట్స్ ఓటీటీలో స్ట్రీమింగ్ కానుంది.
ఈ విషయాన్ని ఆ ఓటీటీ శనివారం (జులై 19) వెల్లడించింది. “ప్రశాంతంగా ఉండే ఓ ఇల్లు ఓ డెడ్లీ మిస్టరీకి కేంద్రంగా మారితే.. షో టైమ్ జులై 25 నుంచి సన్ నెక్ట్స్ లో స్ట్రీమింగ్ అవుతుంది” అనే క్యాప్షన్ తో ట్వీట్ చేసింది. దీనికి ఓ పోస్టర్ కూడా జోడించింది.
షో టైమ్ మూవీ గురించి..
షో టైమ్ మూవీని మదన్ దక్షిణామూర్తి డైరెక్ట్ చేశాడు. ఇందులో నవీన్ చంద్ర, రాజా రవీంద్ర, కామాక్షి భాస్కర్ల, నరేష్ లాంటి వాళ్లు నటించారు. ఈ సినిమాలో సూర్య అనే పాత్రలో నవీన్ చంద్ర నటించాడు. అతని భార్య శాంతి పాత్రలో కామాక్షి, లక్ష్మీకాంత్ అనే సీఐ పాత్రలో రాజా రవీంద్ర, లాయర్ వరదరాజులు పాత్రలో నరేష్ కనిపించారు.
ఈ సినిమా సూర్య, శాంతి, లక్ష్మీకాంత్ చుట్టూ తిరుగుతుంది. ఓ హత్య వీళ్ల జీవితాలను ఎలా మార్చేస్తుందన్నదే మూవీ కథ. సూర్య, లక్ష్మీకాంత్ మధ్య ఉన్న ఈగో సమస్యలు ఆ కుటుంబాన్ని మరింత ఇబ్బందుల్లోకి నెట్టేస్తుంది. ఆ తర్వాత ఏం జరిగింది? ఈ క్రైమ్ నుంచి వాళ్లు తప్పించుకుంటారా లేదా అన్నదే షో టైమ్ మూవీ స్టోరీ.
ఈ సినిమా జులై 4న థియేటర్లలో రిలీజైంది. అయితే ప్రేక్షకుల నుంచి పెద్దగా రెస్పాన్స్ రాలేదు. దీంతో మూడు వారాల్లోనే సన్ నెక్ట్స్ ఓటీటీలోకి వస్తోంది. జులై 25 నుంచి ఈ సినిమాను చూడొచ్చు.
