...
...
Next Story

రైతుల‌ జీవితాల నేప‌థ్యంలో వీడే మ‌న వార‌సుడు - రిలీజ్ డేట్ ఇదే!

ర‌మేష్ ఉప్పు హీరోగా న‌టిస్తూ ద‌ర్శ‌క‌త్వం వ‌హించిన వీడే మ‌న వార‌సుడు మూవీ రిలీజ్ డేట్ ఫిక్స‌యింది. జూలై 18న ఈ మూవీ థియేట‌ర్ల‌లో రిలీజ్ కాబోతోంది. ఈ సినిమాలో లావ‌ణ్య రెడ్డి, స‌ర్వాణి మోహ‌న్ హీరోయిన్లుగా న‌టించారు.

Published on: Jun 28, 2025, 09:11:15 IST
By
Prefer HTon Google
Advertisement

ర‌మేష్ ఉప్పు హీరోగా న‌టిస్తూ ద‌ర్శ‌క‌త్వం వ‌హించిన మూవీ ‘వీడే మన వారసుడు’. సందేశాత్మ‌క క‌థాంశంతో తెర‌కెక్కుతోన్న ఈ మూవీలో లావణ్య రెడ్డి, సర్వాణి మోహన్ హీరోయిన్లుగా న‌టించారు. సమ్మెట‌ గాంధీ, విజయ రంగరాజు, ఆనంద్ భారతి, గూడూరు కిషోర్, శిల్ప (వైజాగ్) కీలక పాత్రలు పోషించారు. జూలై 18న తెలుగు రాష్ట్రాల‌లో ఈ సినిమా విడుద‌ల‌కాబోతుంది. వీడే మ‌న వార‌సుడు మూవీకి హీరో, డైరెక్ట‌ర్‌గానే కాకుండా స్క్రీన్‌ప్లే, మాటలు, పాటలు కూడా ర‌మేష్ ఉప్పు అందించారు.

సెన్సార్ నుంచి ప్ర‌శంస‌లు...

వీడే మ‌న వార‌సుడు
వీడే మ‌న వార‌సుడు

తాజాగా వీడే మ‌న వార‌సుడు సినిమా చూసిన సెన్సార్ సభ్యులు చిత్రయూనిట్‌ను అభినందించారు. కుటుంబం, రైతుల పోరాటం, యువతపై మాదకద్రవ్యాల ప్రభావం వంటి అంశాలను సమర్థవంతంగా చూపించిన మూవీ మెచ్చుకున్న‌ట్లు మేక‌ర్స్ వెల్ల‌డించారు.

ప్రీమియ‌ర్ షో...

ఈ సంద‌ర్భంగా ద‌ర్శ‌క‌నిర్మాత రమేష్ ఉప్పు మాట్లాడుతూ.. “స‌మాజానికి మంచి సందేశం అందించే మూవీ ఇది. సినిమాలోని ఎమోష‌న్స్‌ ప్ర‌తి ఒక్క‌రిని క‌దిలిస్తాయి. సెన్సార్ బోర్డు స‌భ్యుల‌తో పాటు, ప్రీమియ‌ర్ షో చూసిన ప‌లువురు ప్ర‌ముఖులు సినిమాపై ప్ర‌శంస‌లు కురిపించ‌డంతో మా న‌మ్మ‌కం మ‌రింతా పెరిగింది.మా క‌ష్టానికి త‌గిన ఫ‌లితం అందుతుందనే నమ్మకం బ‌లంగా ఉంది. రైతుల కష్టాలను అర్థవంతంగా సినిమాలో చూపించాం” అని పేర్కొన్నారు. జూన్ 29న మూవీ ప్రీరిలీజ్ ఈవెంట్ నిర్వహించనున్నారు.

ఇద్ద‌రు మ్యూజిక్ డైరెక్ట‌ర్లు…

ఈ సినిమాకు ఇద్ద‌రు మ్యూజిక్ డైరెక్ట‌ర్లు ప‌నిచేశారు. పాట‌ల‌ను స‌దివే దేవంద్ర అందించ‌గా...బీజీఎమ్ శ్రీవెంక‌ట్ స‌మ‌కూర్చారు.

 
ABOUT THE AUTHOR
HT Telugu Desk

హెచ్ టీ తెలుగు డెస్క్ టీమ్ సుశిక్షితులైన, సుదీర్ఘ అనుభవం ఉన్న జర్నలిస్టులతో కూడిన బృందం. ప్రాంతీయ, జాతీయ, అంతర్జాతీయ వార్తలు సహా అన్ని విభాగాలకు ఆయా రంగాల వార్తలు అందించడంలో నైపుణ్యం కలిగిన సబ్ ఎడిటర్లతో కూడిన బృందం. జర్నలిజం విలువలను, ప్రమాణాలను కాపాడుతూ జర్నలిజంపై అత్యంత మక్కువతో పనిచేస్తున్న బృందం. సంపూర్ణ వార్తావిలువలతో కూడిన కథనాలను పాఠకుల ముందుకు తెస్తున్న బృందం.

SHARE THIS ARTICLE ON
Notifications

Get breaking alerts directly from the newsroom

Notifications are on!You'll be notified when news breaks