ఓటీటీలోకి ఇవాళ ఒక్కరోజే తెలుగులో వచ్చిన ఐదు సినిమాలు- సైబర్ క్రైమ్, సైకలాజికల్, బోల్డ్ జోనర్లలో - ఎక్కడెక్కడ చూడాలంటే?

ఓటీటీలోకి ఇవాళ ఒక్కరోజే తెలుగు భాషలో ఏకంగా ఐదు సినిమాలు డిజిటల్ స్ట్రీమింగ్‌కు వచ్చాయి. ఆ సినిమాలన్నీ క్రైమ్ థ్రిల్లర్, మిస్టరీ కోర్ట్ డ్రామా, సైకలాజికల్, డివోషనల్ యాక్షన్, బోల్డ్ రొమాంటిక్ జోనర్లలో ఓటీటీ రిలీజ్ అయ్యాయి. మరి ఆ సినిమాల, వాటి ఓటీటీ స్ట్రీమింగ్ ప్లాట్‌ఫామ్స్ ఏంటో ఇక్కడ తెలుసుకుందాం.

ఓటీటీలోకి ప్రతివారం అన్ని భాషల్లో సినిమాలు డిజిటల్ ప్రీమియర్ అవుతుంటాయి. అలా ఈ వారం ఎన్నో సినిమాలు ఓటీటీరిలీజ్ కాగా వాటిలో ఇవాళ 15 వరకు సినిమాలు డిజిటల్ స్ట్రీమింగ్‌కు వచ్చాయి. అయితే, ఇవాళ ఒక్కరోజే ఏకంగా ఐదు సినిమాలు తెలుగు భాషలో ఓటీటీ స్ట్రీమింగ్ అవుతున్నాయి. మరి ఆ సినిమాలు, వాటి ఓటీటీ ప్లాట్‌ఫామ్స్ ఏంటో లుక్కేద్దాం.

ఓటీటీలోకి ఇవాళ ఒక్కరోజే తెలుగులో వచ్చిన ఐదు సినిమాలు- సైబర్ క్రైమ్, సైకలాజికల్, బోల్డ్ జోనర్లలో - ఎక్కడెక్కడ చూడాలంటే?

మహావతార్ నరసింహా ఓటీటీ

హోంబళే ఫిల్మ్స్ బ్యానర్ నుంచి రూపొందిన డివోషనల్ యాక్షన్ థ్రిల్లర్ డ్రామా చిత్రం మహావతార్ నరసింహా. ప్రహ్లాద, హిరణ్యకశిపుడు, నరసింహా స్వామి వంటి మైథలాజికల్ కాన్సెప్ట్‌పై తెరకెక్కిన మహావతార్ నరసింహా ఇండియా వైడ్‌గా బీభత్సమైన క్రేజ్ సంపాదించుకుంది.

అంతేకాకుండా బాక్సాఫీస్ వద్ద రూ. 340 కోట్లకుపైగా కలెక్షన్స్ రాబట్టింది సత్తా చాటింది మహావతార్ నరసింహా. అలాంటి మహావతార్ నరసింహా ఓటీటీ స్ట్రీమింగ్ అవుతోంది. ఇవాళ (సెప్టెంబర్ 19) నెట్‌ఫ్లిక్స్‌లో మహావతార్ నరసింహా ఓటీటీ రిలీజ్ అయింది. కన్నడతోపాటు తెలుగు, హిందీ, మలయాళం, కన్నడ వంటి ఐదు భాషల్లో అందుబాటులో ఉంది ఈ సూపర్ హిట్ సినిమా.

ది ట్రయల్ సీజన్ 2 ఓటీటీ

బాలీవుడ్ స్టార్ హీరోయిన్ కాజోల్ ప్రధాన పాత్రలో నటించిన మిస్టరీ థ్రిల్లర్ కోర్ట్ రూమ్ డ్రామా వెబ్ సిరీస్ ది ట్రయల్. 2023లో వచ్చిన ఈ సిరీస్ హిట్ కావడంతో సీక్వెల్‌గా సీజన్ 2ను తెరకెక్కించారు. జియో హాట్‌స్టార్‌లో ఇవాళ్టీ నుంచి ది ట్రయల్ సీజన్ 2 ఓటీటీ స్ట్రీమింగ్ అవుతోంది. హిందీ, తెలుగు, తమిళం, మలయాళం, బెంగాలీ, మరాఠీ, కన్నడ వంటి 7 భాషల్లో ది ట్రయల్ 2 ఓటీటీ రిలీజ్ అయింది.

ది సర్ఫర్ ఓటీటీ

హాలీవుడ్ స్టార్ హీరో నికోలస్ కేజ్ నటించిన ఆస్ట్రేలియన్ సైకలాజికల్ సస్పెన్స్ థ్రిల్లర్ మూవీ ది సర్ఫర్. 2024లో తెరకెక్కిన ఈ సినిమాకు 85 శాతం ఫ్రెష్ కంటెంట్‌గా సర్టిఫికేట్ అందింది. సెప్టెంబర్ 19న ఇంగ్లీష్, హిందీ, తెలుగు, తమిళ భాషల్లో ది సర్ఫర్ ఓటీటీ రిలీజ్ అయింది. లయన్స్ గేట్ ప్లే ఓటీటీలో ది సర్ఫర్ మూవీని వీక్షించవచ్చు.

ష్ సీజన్ 2 ఓటీటీ

తమిళంలో సూపర్ హిట్ అయిన బోల్డ్ రొమాంటిక్ డ్రామా సిరీస్ ష్. తాజాగా ఈ సిరీస్ సీక్వెల్ ష్ సీజన్ 2 ఓటీటీలోకి వచ్చేసింది. నేటి నుంచి తెలుగు భాషలో ఆహాలో ష్ సీజన్ 2 ఓటీటీ స్ట్రీమింగ్ అవుతోంది. ఎఫైర్స్, శృంగారం వంటి అడల్ట్ కంటెంట్‌తో ఈ సిరీస్ సాగుతుంది.

ఐడీ: ది ఫేక్ ఓటీటీ

మలయాళంలో తెరకెక్కిన సైబర్ క్రైమ్ థ్రిల్లర్ మూవీ ఐడీ: ది ఫేక్. మాలీవుడ్ పాపులర్ యాక్టర్స్ ద్యాన్ శ్రీనివాసన్, దివ్య పిల్లై, ఇంద్రాన్స్ నటించిన ఐడీ ది ఫేక్ మూవీ సైనా ప్లే ఓటీటీలో స్ట్రీమింగ్ అవుతోంది. ఇవాళ ఓటీటీ రిలీజ్ అయిన ఐడీ ది ఫేక్ చిత్రం మలయాళం, తమిళం, తెలుగు భాషల్లో నేటి నుంచి డిజిటల్ ప్రీమియర్ అవుతోంది.