Bujji Thalli Song Sad Version Lyrics: గుండెల్ని మెలిపెట్టే ‘తండేల్’ బుజ్జితల్లి సాడ్ వెర్షన్ పాట.. లిరిక్స్ ఇవే

Bujji Thalli Song Sad Versions Lyrics: తండేల్ మూవీలో బుజ్జి తల్లి పాటకు సాడ్ వెర్షన్ కూడా ఉంది. థియేటర్లలో ఈ ఎమోషనల్ సాంగ్ ప్రేక్షకులను టచ్ చేసింది. ఈ పాట లిరిక్స్ ఇక్కడ చూడండి.

తండేల్ సినిమా బాక్సాఫీస్ వద్ద దుమ్మురేపుతోంది. నాగచైతన్య, సాయిపల్లవి హీరోహీరోయిన్లుగా నటించిన ఈ చిత్రం గత శుక్రవారం (ఫిబ్రవరి 7) థియేటర్లలో రిలీజైంది. ఈ మూవీ పాజిటివ్ టాక్‍తో మొదటి నుంచి మంచి వసూళ్లను రాబడుతోంది. మెలోడియస్ ‘బుజ్జితల్లి’ పాట రిలీజ్‍కు ముందే ఈ మూవీకి మంచి బజ్ తీసుకొచ్చింది. చాలా పాపులర్ అయింది. అయితే, తండేల్ సినిమాలో బుజ్జితల్లి పాటకు సాడ్ వెర్షన్ కూడా ఉంది. ఇది ఎమోషనల్‍గా మనసులను తాకేలా ఉంటుంది.

Bujji Thalli Song Sad Version Lyrics: గుండెల్ని మెలిపెట్టే ‘తండేల్’ బుజ్జితల్లి పాట సాడ్ వెర్షన్ పాట.. లిరిక్స్ ఇవే

పాట సందర్భం ఇది

తండేల్ చిత్రంలో సత్య అలియాజ్ బుజ్జితల్లి (సాయిపల్లవి) కోపంతో ఓ దశలో రాజు (నాగచైతన్య)తో మాట్లాడదు. చేపల వేటకు వెళ్లిన రాజు ఫోన్ చేసినా లిఫ్ట్ చేయదు. తన మాట వినకుండా చేపల వేటకు గుజరాత్‍కు వెళ్లి రాజుపై కోప్పడి.. మాట్లాడకుండా ఉంటుంది. ఆ సందర్భంలోనే రాజు బాధను తెలిపేలా బుజ్జితల్లి సాడ్ వెర్షన్ పాట వస్తుంది. ఎమోషనల్‍గా హృదయాలను మెలిపెట్టేలా ఈ సాంగ్ బిట్ ఉంటుంది. దేవీ శ్రీప్రసాద్ ఈ పాటకు మంచి భావోద్వేగ ఫీలింగ్ ఉండేలా ట్యూన్ ఇచ్చారు. ఈ వెర్షన్‍ను జావేద్ అలీ పాడగా.. శ్రీమణి రిలిక్స్ ఇచ్చారు. ఆ పాట లిరిక్స్ ఇక్కడ చూడండి.

బుజ్జితల్లి సాడ్ వెర్షన్ లిరిక్స్ ఇవే

ఏమి తప్పు చేశానే..

ఇంత శిక్ష వేశావే

ఊపిరాపి చంపేసే.. తీర్పు రాసి పంపావే

నిన్ను నన్ను ఈ దూరం..

వేరు చేయదన్నానే..

నాది ఎంత పేరాశో.. నేడు తెలుకున్నానే

ఏడు సంద్రాలను దాటి.. నాకై వస్తానన్నావే

వేడుకంటి ప్రేమను కోసి.. ఏడుపు నింపావే

నీకోసం.. నే వేచున్నా..

ఇన్నాళ్లు.. నా బుజ్జితల్లీ..

నా కోసం.. ఇక మిగిలాయి.. కన్నీళ్లూ..

ఓ బుజ్జితల్లి..

తండేల్ చిత్రంలో మొదట వచ్చిన రెగ్యులర్ బుజ్జితల్లి పాట సినిమాకు మంచి ప్రమోషన్లు తీసుకొచ్చింది. ఈ సాడ్ వెర్షన్ థియేటర్లలో జనాలకు బాగా కనెక్ట్ అయింది. ఇది సాంగ్ బిట్‍లా ఉంది. ఈ సాడ్ వెర్షన్‍పై సోషల్ మీడియాలోనూ చాలా మంది పోస్టులు చేశారు. ఎమోషన్‍తో ఏడిపించేసిందని కామెంట్లు చేశారు. ఈ సాడ్ వెర్షన్ ఆడియోను తాజాగా యూట్యూబ్‍లో మూవీ టీమ్ రిలీజ్ చేసింది.

తండేల్ చిత్రానికి చందూ మొండేటి దర్శకత్వం వహించారు. పాకిస్థాన్ జైలులో కొన్ని నెలల పాటు గడిపి ఆ తర్వాత భారత్‍కు తిరిగి వచ్చిన శ్రీకాకుళం జాలర్ల నిజజీవిత కథతో తెరకెక్కించారు. ప్రేమకథ ప్రధానంగా ఈ మూవీ రూపొందింది. తండేల్ చిత్రం నాలుగు రోజుల్లోనే ప్రపంచవ్యాప్తంగా రూ.73.20 కోట్ల గ్రాస్ కలెక్షను దక్కించుకుందని మూవీ టీమ్ వెల్లడించింది. ఈ మూవీని గీతా ఆర్ట్ పతాకంపై బన్నీ వాసు ప్రొడ్యూజ్ చేయగా.. అల్లు అరవింద్ సమర్పించారు.