హాఫ్ ఇయర్ రిపోర్ట్.. ఈ ఏడాది టాప్ 6 మలయాళం మూవీస్ ఇవే.. రెండు బ్లాక్‌బస్టర్లు.. ఈ ఓటీటీల్లో చూడండి.. అన్నీ తెలుగులోనే..

మలయాళం సినిమా ఈ ఏడాది కూడా సత్తా చాటింది. తొలి ఆరు నెలల్లోనే ఓ అత్యధిక వసూళ్లు మూవీ సహా రెండు బ్లాక్‌బస్టర్లు ఇచ్చింది. మరి తొలి ఆరు నెలల్లో మలయాళం ఇండస్ట్రీ నుంచి వచ్చిన టాప్ 6 సినిమాలు ఏవి? వాటిని ఎక్కడ చూడాలో తెలుసుకోండి.

మలయాళం సినిమా రేంజ్ ప్రతి ఏటా పెరుగుతూ వస్తోంది. కమర్షియల్‌గానూ ఆ ఇండస్ట్రీ నుంచి వచ్చిన సినిమాలు భారీ విజయాన్ని సాధిస్తున్నాయి. ఈ ఏడాది అలా మోహన్‌లాల్ నటించినవే రెండు మూవీస్ ఉన్నాయి. వీటితోపాటు మరికొన్ని కూడా బాక్సాఫీస్ దగ్గర సక్సెస్ సాధించాయి. జూన్ 30తో ఈ ఏడాది తొలి ఆరు నెలలు ముగిసింది. ఈ ఆరు నెలల్లో మలయాళం నుంచి వచ్చిన టాప్ 6 మూవీస్ ఏవో చూడండి.

హాఫ్ ఇయర్ రిపోర్ట్.. ఈ ఏడాది టాప్ 6 మలయాళం మూవీస్ ఇవే.. రెండు బ్లాక్‌బస్టర్లు.. ఈ ఓటీటీల్లో చూడండి.. అన్నీ తెలుగులోనే..

టాప్ 6 మలయాళం మూవీస్ ఇవే

1. తుడరుమ్ - జియోహాట్‌స్టార్

మోహన్లాల్తన స్టార్‌డమ్‌ను మరోసారి నిరూపించుకున్నాడు. తరుణ్ మూర్తి దర్శకత్వంలో వచ్చిన యాక్షన్ థ్రిల్లర్ 'తుడరుమ్' బాక్సాఫీస్ వద్ద అద్భుతమైన విజయాన్ని సాధించింది. ఈ మూవీ రూ.28 కోట్ల బడ్జెట్‌తో తెరకెక్కగా.. ప్రపంచవ్యాప్తంగా రూ.232 కోట్లకు పైగా వసూలు చేసి, ఈ ఏడాది అత్యధిక వసూళ్లు సాధించిన మలయాళ సినిమాల్లో రెండో స్థానంలో నిలిచింది.

కేరళలో రూ.118 కోట్లకు పైగా వసూలు చేసి.. ఆ రాష్ట్రంలో రూ.100 కోట్ల మార్క్ అందుకున్న తొలి మలయాళం మూవీగా రికార్డు క్రియేట్ చేసింది. ఈ సినిమా ప్రస్తుతం తెలుగులోనూ జియోహాట్స్టార్ లో స్ట్రీమింగ్ అవుతోంది.

2. ఎల్2: ఎంపురాన్ - జియోహాట్‌స్టార్

పృథ్వీరాజ్ సుకుమారన్ దర్శకత్వంలో.. మోహన్‌లాల్ ప్రధాన పాత్రలో వచ్చిన 'ఎల్2: ఎంపురాన్' సంచలనం సృష్టించింది. ఇది 2019 హిట్ మూవీ 'లూసిఫర్'కు సీక్వెల్. ఇది అత్యధిక వసూళ్లు సాధించిన మలయాళం మూవీగా చరిత్ర సృష్టించింది. కేవలం 16 రోజుల్లోనే ప్రపంచవ్యాప్తంగా రూ.262.72 కోట్లకు పైగా వసూలు చేసింది. ఈ ఏడాది అత్యధిక వసూళ్లు సాధించిన సౌత్ ఇండస్ట్రీ మూవీ కూడా ఇదే. ఈ సినిమా కూడా తెలుగులో జియోహాట్‌స్టార్ లో అందుబాటులో ఉంది.

3. రేఖాచిత్రమ్ - సోనీలివ్

జోఫిన్ టి చాకో దర్శకత్వం వహించిన ఈ క్రైమ్ థ్రిల్లర్ కూడా ఈ ఏడాది మంచి వసూళ్లు సాధించిన సినిమాగా నిలిచింది. ఆసిఫ్ అలీ ఇందులో సీఐ వివేక్‌గా నటించాడు. 40 ఏళ్ల కిందట జరిగిన ఓ హత్య కేసును ఛేదించే అఫీసర్ గా అతడు కనిపించాడు. రేఖాచిత్రమ్ మూవీ బాక్సాఫీస్ దగ్గర రూ.57.31 కోట్లు వసూలు చేసి, 2025లో మొదటి బ్లాక్‌బస్టర్‌గా నిలిచింది.

4. ఆఫీసర్ ఆన్ డ్యూటీ - నెట్‌ఫ్లిక్స్

కుంచకో బోబన్ ప్రధాన పాత్రలో నటించిన మూవీ ఆఫీసర్ ఆన్ డ్యూటీ. ఇది కూడా ఓ క్రైమ్ థ్రిల్లర్ మూవీయే. ఓ నకిలీ గొలుసు తాకట్టు కేసు ఓ తీవ్రమైన అమ్మాయిల బ్లాక్‌మెయిల్, ఆత్మహత్యల కేసును ఎలా తెరపైకి తెస్తుంది? దానికి ఓ పోలీస్ ఆఫీసర్ ఎలా ఛేదిస్తాడన్నది ఈ మూవీ స్టోరీ. ఈ సినిమా బాక్సాఫీస్ దగ్గర రూ.54.25 కోట్లు వసూలు చేసింది. నెట్‌ఫ్లిక్స్ లో తెలుగులోనూ అందుబాటులో ఉంది.

5. ఆలప్పుళ జింఖానా - సోనీలివ్

ప్రేమలు ఫేమ్ నస్లెన్ మరోసారి నవ్వులు పూయించిన మూవీ ఈ ఆలప్పుళ జింఖానా. ఖాలిద్ రెహమాన్ డైరెక్షన్ లో వచ్చిన ఈ సినిమా ప్రపంచవ్యాప్తంగా రూ.52.23 కోట్లు వసూలు చేసింది. కొందరు యువకులు, వాళ్ల బాక్సింగ్ కష్టాల చుట్టూ తిరిగే ఈ స్టోరీ బాగా నవ్విస్తోంది. సోనీలివ్ ఓటీటీలో తెలుగులోనూ అందుబాటులో ఉంది.

6. నరివెట్ట

అనురాజ్ మనోహర్ దర్శకత్వంలో, టొవినో థామస్ లీడ్ రోల్లో నటించిన మూవీ నరివెట్ట. వయనాడ్ లో జరిగిన ఓ నిజ జీవిత ఘటన ఆధారంగా ఈ మూవీని తెరకెక్కించారు. ఈ సినిమా కూడా బాక్సాఫీస్ దగ్గర సక్సెస్ సాధించింది. మే 23న థియేటర్లలో రిలీజ్ అయిన ఈ సినిమా కూడా తెలుగులోనూ రిలీజైంది. అయితే ఇప్పటి వరకూ ఓటీటీలోకి స్ట్రీమింగ్ కు రాలేదు. ఓటీటీ ప్లాట్‌ఫామ్ కూడా ఇంకా ఫైనల్ కాలేదు.