ఉరుములు నీ మువ్వలై సాంగ్ లిరిక్స్.. చంద్రలేఖలోని ఈ ఎవర్‌గ్రీన్ సాంగ్ మీకు గుర్తుందా? సందీప్ చౌతా సూపర్ మెలోడీ

ఉరుములు నీ మువ్వలై సాంగ్ మీకు గుర్తుందా? నాగార్జున, రమ్యకృష్ణ లీడ్ రోల్స్ లో నటించిన చంద్రలేఖ సినిమాలో సందీప్ చౌతా అందించిన సూపర్ మెలోడీ ఇది. 27 ఏళ్లవుతున్నా.. ఈ పాట ఇప్పటికీ తెలుగు ప్రేక్షకులను అలరిస్తూనే ఉంది.

కొన్ని పాటలు కాలాతీతం. ఎప్పుడు విన్నా, ఎన్నిసార్లు విన్నా మళ్లీ మళ్లీ వినాలని అనిపిస్తూనే ఉంటుంది. అలాంటిదే చంద్రలేఖ మూవీలోని ఉరుములు నీ మువ్వలై పాట కూడా. ఎప్పుడో 1998లో వచ్చిన చంద్రలేఖ మూవీలోని సాంగ్ ఇది. ఈ పాటలోని మెలోడీ మన మనసుల్ని తాకుతుంది. కాలంలో మనల్ని వెనక్కి తీసుకెళ్తుంది.

ఉరుములు నీ మువ్వలై సాంగ్ లిరిక్స్.. చంద్రలేఖలోని ఈ ఎవర్‌గ్రీన్ సాంగ్ మీకు గుర్తుందా? సందీప్ చౌతా సూపర్ మెలోడీ

ఉరుములు నీ మువ్వలై సాంగ్ గురించి..

తెలుగులో మ్యూజిక్ డైరెక్టర్ సందీప్ చౌతా పని చేసిన సినిమాలు చాలా తక్కువే. కానీ వాటితోనే తెలుగు ప్రేక్షకుల మనసుల్లో నిలిచిపోయాడు. నిన్నే పెళ్లాడుతా అయినా, చంద్రలేఖ అయినా.. అతని మెలోడీ మనపై తిరుగులేని ముద్ర వేసింది. కృష్ణవంశీ డైరెక్షన్ లో 1998లో వచ్చిన చంద్రలేఖలోని ఈ ఉరుములు నీ మువ్వలై పాట కూడా అలాంటిదే.

రాజేష్, సుజాత వాయిస్ ఈ పాటను మరో లెవెల్ కు తీసుకెళ్లాయి. సినిమా మొత్తం ఒకెత్తయితే ఈ సాంగ్ మరో ఎత్తు. నాగార్జున, రమ్యకృష్ణ, ఇషా కొప్పికర్, మురళీమోహన్, చంద్రమోహన్, గిరిబాబు.. ఇలా సినిమాలోని ముఖ్యమైన పాత్రలన్నీ ఇందులో కనిపిస్తాయి. మరి అలాంటి సాంగ్ లిరిక్స్ ఇక్కడ ఇస్తున్నాం.. మీరూ పాడుతూ మరోసారి ఆ కాలానికి వెళ్లండి.

ఉరుములు నీ మువ్వలై సాంగ్ లిరిక్స్

పల్లవి

ఉరుములు నీ మువ్వలై

మెరుపులు నీ నవ్వులై

తొలకరి మేఘానివై రా అలివేణి

పరుగులు నీ గానమై

తరగలు నీ తాళమై

చిలిపిగ చిందాడవే కిన్నెరసాని

కాలానికే కాలాడక.. ఆగాలి నువ్వు ఆడే వేళ

అది చూడగా.. మనసాగక.. ఆడాలి నీతో నింగినేల

తకదిమి తాళాలపై తళుకుల తరంగమై

చిలిపిగ చిందాడవే కిన్నెరసాని

మెళికల మందాకిని.. కులుకుల బృందావని

కనులకు విందీయవే ఆ అందాన్ని..

చరణం 1

చంద్రుల్లో కుందేలే మా ఇంట ఉందంటూ

మురిసింది ఈ ముంగిలి

చిందాడే కిరణంలా మా ముందు నువ్వుంటే

ప్రతి పూట దీపావళి

మా కళ్లల్లో వెలిగించవే సిరివెన్నెల..

మా ఆశలే నీ అందెలై

ఈ మంచు మౌనం మోగేవేళ

ఆ సందడే ఆనందమై

ప్రేమించు ప్రాణం పాడేవేళ

ఉరుములు నీ మువ్వలై

మెరుపులు నీ నవ్వులై

తొలకరి మేఘానివై రా కళ్యాణి

తకదిమి తాళాలపై తళుకుల తరంగమై

చిలిపిగ చిందాడవే కిన్నెరసాని

చరణం 2

నడయాడే నీ పాదం నటవేదమేనంటూ

ఈ పుడమే పులకించగా

నీ పెదవే తన కోసం అనువైన కొలువంటు

సంగీతం నిను చేరగా

మా గుండెనే శ్రుతి చేయవా.. నీ వీణలా….

ఈ గాలిలో నీ కేళితో రాగాలు ఎన్నో వేగేవేళ

నీ మేనిలో హరివిల్లులే వర్ణాల వాగై సాగేవేళ

ఉరుములు నీ మువ్వలై

మెరుపులు నీ నవ్వులై

తొలకరి మేఘానివై రా అలివేణి

తకదిమి తాళాలపై తళుకుల తరంగమై

చిలిపిగ చిందాడవే మ్..మ్..మ్..మ్…