ఆశ్వయుజ మాసాన ఉయ్యాలో
ఆకసాన వెన్నెలలు ఉయ్యాలో
తెలంగాణ పోరునేల ఉయ్యాలో
పండుగై మెరిసెనుగా ఉయ్యాలో!
గుమ్మడి పూలల్లా ఉయ్యాలో
తంగేడు తంగుల్లో ఉయ్యాలో
పట్టుకుచ్చుల విరులు ఉయ్యాలో
తల్లీ నిను కొలిచెదము ఉయ్యాలో!
రామ రామ ఉయ్యాలో
రామచంద్ర ఉయ్యాలో
సీతామహాదేవి ఉయ్యాలో
శ్రీరాముని తోడూగా ఉయ్యాలో!
వాగులు వంకల్లో ఉయ్యాలో
పారేటి జలకాన ఉయ్యాలో
గౌరమ్మను నిలిపితిమి ఉయ్యాలో
పసుపుకుంకుమల తోటి ఉయ్యాలో!
అక్కా చెల్లెండ్లంతా ఉయ్యాలో
ఒక్కటై వచ్చిరిగా ఉయ్యాలో
పట్టుచీరల వెలుగు ఉయ్యాలో
ముంగిట్లో కదలాడే ఉయ్యాలో!
చుట్టూ తిరుగుతు ఉయ్యాలో
చప్పట్ల తాళాన ఉయ్యాలో
పాటల పూదోట ఉయ్యాలో
పరవశించి పాడంగ ఉయ్యాలో!
పాలపిట్ట కూతలతో ఉయ్యాలో
చేలల్లో పసిడి పంట ఉయ్యాలో
మా యిండ్ల సిరులన్నీ ఉయ్యాలో
మెండుగా నింపవమ్మ ఉయ్యాలో!
సాంబ్రాణి ధూపాన ఉయ్యాలో
సత్తుపిండి నైవేద్యం ఉయ్యాలో
సల్లగా చూడవమ్మ ఉయ్యాలో
మా ఇంటి బతుకమ్మ ఉయ్యాలో!
రామ రామ ఉయ్యాలో
రామచంద్ర ఉయ్యాలో
మళ్ళీ రావమ్మా ఉయ్యాలో
మరలొచ్చే ఏడాదికి ఉయ్యాలో!
తెలంగాణ పల్లెల్లో ఎక్కువగా పడే మరో 2 బతుకమ్మ పాటల లిరిక్స్ మీ కోసం అందిస్తున్నాం. వాటిని చూసి ఈసారి పాడేయండి.
బతుకమ్మ బతుకమ్మ ఉయ్యాలో
బతుకమ్మ బతుకమ్మ ఉయ్యాలో
బంగారు బతుకమ్మ ఉయ్యాలో
ఈడేకి వచ్చితివి ఉయ్యాలో
ఏమి కోరేవమ్మ ఉయ్యాలో
ఉత్తరాన ఉండు ఉయ్యాలో
ఉత్తమరాజు కూతురు ఉయ్యాలో
దక్షిణాన ఉండు ఉయ్యాలో
దాసరి రాజు కూతురు ఉయ్యాలో
వారిద్దరి పెండ్లి ఉయ్యాలో
{{/usCountry}}వారిద్దరి పెండ్లి ఉయ్యాలో
{{/usCountry}}వైభవంగా చేసే ఉయ్యాలో
చేనులోని పువ్వులు ఉయ్యాలో
చేరి కోసి తెచ్చిరి ఉయ్యాలో
గుమ్మడి తంగేడు ఉయ్యాలో
గుత్తులుగా పేర్చిరి ఉయ్యాలో
గౌరమ్మను చేసి ఉయ్యాలో
కోరికలు కోరిరి ఉయ్యాలో
సల్లంగా చూడమ్మ ఉయ్యాలో
సౌభాగ్యమియ్యమ్మ ఉయ్యాలో!
ఆకేసి పువ్వేసి చందమామ పాట
ఆకేసి పువ్వేసి చందమామ - ఒకటైంది గౌరమ్మ చందమామ
రెండేసి పువ్వులేసి చందమామ - రత్నాల గౌరమ్మ చందమామ
మూడేసి పువ్వులేసి చందమామ - ముచ్చటైన గౌరమ్మ చందమామ
నాలుగేసి పువ్వులేసి చందమామ - నాణ్యమైన గౌరమ్మ చందమామ
ఐదేసి పువ్వులేసి చందమామ - అందాల గౌరమ్మ చందమామ
ఆరేసి పువ్వులేసి చందమామ - ఆనంద గౌరమ్మ చందమామ
ఏడేసి పువ్వులేసి చందమామ - ఏడంతల గౌరమ్మ చందమామ
ఎనిమిదేసి పువ్వులేసి చందమామ - లక్ష్మీదేవి గౌరమ్మ చందమామ
తొమ్మిదేసి పువ్వులేసి చందమామ - తొలిసంధ్య గౌరమ్మ చందమామ
పదేసి పువ్వులేసి చందమామ - పదికాలాలు మమ్మేలు చందమామ!