ఏపీ జిల్లా కోర్టుల్లో 1620 ఉద్యోగాలు - పరీక్ష తేదీలు ఖరారు, హాల్ టికెట్లు ఎప్పుడంటే..?

ఏపీ జిల్లా కోర్టు ఉద్యోగాల భర్తీపై కీలక అప్డేట్ వచ్చేసింది. ఇప్పటికే దరఖాస్తుల ప్రక్రియ ముగియగా.. తాజాగా పరీక్షల షెడ్యూల్ విడుదలైంది. ఆగస్టు 20 నుంచి 24 తేదీల మధ్య పరీక్షలు జరగనున్నాయి. ఆగస్టు 13 నుంచి హాల్ టికెట్లు అందుబాటులోకి వస్తాయి.

ఏపీలోని జిల్లా కోర్టుల్లో ఖాళీల భర్తీ కోసం నోటిఫికేషన్లు విడుదలైన సంగతి తెలిసిందే. ఇప్పటికే ఆన్ లైన్ దరఖాస్తుల ప్రక్రియ ముగిసింది. రాష్ట్రవ్యాప్తంగా ఉన్న పలు కోర్టుల్లోకలిపి మొత్తం 1,620 ఖాళీలను రిక్రూట్ చేయనున్నారు. అయితే ఈ ఉద్యోగాల భర్తీకి సంబంధించిన రాత పరీక్షలు తేదీలు వచ్చేశాయ్. ఈ మేరకు హైకోర్టు వెబ్ సైట్ లో వివరాలను పేర్కొన్నారు.

ఏపీ జిల్లా కోర్టుల్లో ఉద్యోగాలు

మొత్తం 1,620 ఖాళీలను రిక్రూట్చేస్తుండగా.... వీటిల్లో అత్యధికంగా ఆఫీస్ సబార్డినేట్(651) ఖాళీలు ఉండగా… ఆ తర్వాత జూనియర్ అసిస్టెంట్ పోస్టులు 230 ఉన్నాయి. ఇవే కాకుండా ప్రాసెస్ సర్వర్, కాపీయిస్ట్, స్టెనో గ్రాఫర్, డ్రైవర్పోస్టులను కూడా భర్తీ చేయనున్నారు. ఆగస్టు 20వ తేదీ నుంచి ఎగ్జామ్స్ పారంభమై... ఆగస్టు 24వ తేదీతో ముగుస్తాయి. కంప్యూటర్ బేస్డ్ విధానంలో... సెషన్ల వారీగా ఈ పరీక్షలను నిర్వహిస్తారు.

పరీక్ష తేదీలు

• డ్రైవర్, ప్రాసెస్ సర్వర్ - 20.08.2025
• ఆఫీస్ సబార్డినెట్ - 21.08.2025
• కాపీయిస్ట్, ఎగ్జామనిర్, రికార్డ్ అసిస్టెంట్ 22.08.2025
• స్టెనోగ్రాఫ్ గ్రేడ్-III/ 23.08.2025.
• జూనియర్ అసిస్టెంట్, టైపియిస్ట్

ఆగస్టు 13న హాల్ టికెట్లు

ఈ పరీక్షలకు సంబంధించిన హాల్ టికెట్లు ఆగస్టు 13వ తేదీన అందుబాటులోకి వస్తాయి. https://aphc.gov.in వెబ్ సైట్ నుంచి వీటిని డౌన్లోడ్ చేసుకోవాలని అధికారులు సూచించారు. ఎగ్జామ్ సెంటర్ వివరాలతో పాటు టైమింగ్స్ కూడా ఇందులో ఉంటాయి.

ఖాళీల వివరాలు:

1. ఆఫీస్ సబార్డినేట్ – 651
2. జూనియర్ అసిస్టెంట్ – 230
3. కాపీయిస్ట్ – 193
4. ప్రాసెస్ సర్వర్ – 164
5. టైపిస్ట్ – 162
6. స్టెనోగ్రాఫర్ – 80
7. ఫీల్డ్ అసిస్టెంట్ – 56
8. ఎగ్జామినర్ – 32
9. రికార్డు అసిస్టెంట్ – 24
10. డ్రైవర్ - 28

కోర్టు ఉద్యోగాలకు రాత పరీక్ష నిర్వహిస్తారు. మొత్తం 80 మార్కులకు ఉంటుంది. ఇందులో జనరల్ నాల్డెజ్ కి 40, జనరల్ ఇంగ్లీష్ 10, మెంటల్ ఎబిలీటికి 30 మార్కులు ఉంటాయి. సమయం 90 నిమిషాలు కేటాయిస్తారు. ప్రతి ప్రశ్నకు ఒక మార్కు ఉంటుంది. ప్రశ్నాపత్రం ఇంగ్లీష్ తో పాటు తెలుగు మీడియంలోనూ ఇస్తారు. జనరల్ ఇంగ్లీష్, జనరల్ నాల్డెజ్ ఆధారంగా ప్రశ్నలు ఇస్తారు. కొన్ని ఉద్యోగాలకు నైపుణ్య పరీక్ష కూడా రాయాల్సి ఉంటుంది. మార్కులతో పాటు రిజర్వేషన్ల ఆధారంగా మెరిట్ జాబితాను ప్రకటిస్తారు.

రాత పరీక్షలో ఈడబ్యూఎస్ అభ్యర్థులు కనీసం 40 శాతం మార్కులు సాధించాలి. ఇక బీసీ అభ్యర్థులు 35 శాతం, ఎస్సీ, ఎస్టీ, దివ్యాంగ అభ్యర్థులకు కనీసం 30 శాతం మార్కులు రావాల్సి ఉంటుందని నోటిఫికేషన్ లో పేర్కొన్నారు. రాత పరీక్షలో సాధించిన మార్కుల ఆధారంగా మెరిట్ జాబితాను ప్రకటిస్తారు.