Subscribe Now! Get features like
ఏపీ పీజీఈసెట్-2025 హాల్ టికెట్లు విడుదల - ఇలా డౌన్లోడ్ చేసుకోండి
ఏపీ పీజీఈసెట్ -2025 హాల్ టికెట్లు విడుదలయ్యాయి. దరఖాస్తు చేసుకున్న అభ్యర్థులు cets.apsche.ap.gov.in వెబ్ సైట్ నుంచి డౌన్లోడ్ చేసుకోవచ్చు. జూన్ 6 నుంచి 8 తేదీల్లో ఎగ్జామ్స్ జరగనున్నాయి.
రాష్ట్రంలో పీజీ ఇంజినీరింగ్లో ప్రవేశాలకు నిర్వహించే ఏపీ పీజీఈసెట్ - 2025కు సంబంధించిన హాల్ టికెట్లు వచ్చేశాయి. దరఖాస్తు చేసుకున్న అభ్యర్థులు cets.apsche.ap.gov.in వెబ్ సైట్ నుంచి డౌన్లోడ్ చేసుకోవాలని అధికారులు ఓ ప్రకటన ద్వారా సూచించారు. ఈ ఎంట్రెన్స్ ఎగ్జామ్ ద్వారా ఎంటెక్, ఎం.ఫార్మసీ, ఫార్మా డీ కోర్సుల్లో ప్రవేశాలను కల్పిస్తారు. ఈ సెట్ను ఆంధ్రా యూనివర్శిటీ (ఏయూ) నిర్వహిస్తోంది.
హాల్ టికెట్ ఇలా డౌన్లోడ్ చేసుకోండి:
- అభ్యర్థులు ముందుగా https://cets.apsche.ap.gov.in/PGECET/ వెబ్ సైట్ లోకి వెళ్లాలి.
- డౌన్లోడ్ హాల్ టికెట్ లింక్ పై క్లిక్ చేయాలి.
- ఇక్కడ రిజిస్ట్రేషన్ నెంబర్, క్వాలిఫైయింగ్ ఎగ్జామినేషన్ నెంబర్, పుట్టిన తేదీ వివరాలను నమోదు చేయాలి.
- సబ్మిట్ చేస్తే మీ హాల్ టికెట్ డిస్ ప్లే అవుతుంది.
- ప్రింట్ లేదా డౌన్లోడ్ ఆప్షన్ పై నొక్కి కాపీని పొందవచ్చు.
జూన్ 6 నుంచి జూన్ 8 వరకు ఏపీ పీజీఈసెట్-2025 ఎంట్రెన్స్పరీక్షలు జరుగుతాయి. ఉదయం 9 గంటల నుంచి 11 గంటల వరకు ఒక సెషన్ , మధ్యాహ్నం 2 గంటల నుంచి 4 గంటల వరకు మరో సెషన్ ఉంటుంది. ప్రిలిమినరీ కీని జూన్ 11న సాయంత్రం 4 గంటలకు విడుదల చేస్తారు. జూన్ 14 రాత్రి 11.59 గంటల వరకు అభ్యంతరాలను స్వీకరిస్తారు. జూన్ 24వ తేదీన ఫలితాలను ప్రకటిస్తారు.
