శాంసంగ్​ గెలాక్సీ ఎం17- ది బెస్ట్​ బడ్జెట్​ ఫ్రెండ్లీ స్మార్ట్​ఫోన్​ ఇది..

50ఎంపీ ట్రిపుల్​ కెమెరా సెటప్​తో కూడిన శాంసంగ్​ కొత్త బడ్జెట్​ ఫ్రెండ్లీ స్మార్ట్​ఫోన్​ లాంచ్​ అయ్యింది. దాని పేరు శాంసంగ్​ గెలాక్సీ ఎం17. ఈ స్మార్ట్​ఫోన్​​ ఫీచర్స్​ సహా ఇతర వివరాలను ఇక్కడ చూసేయండి..

శాంసంగ్ తన కొత్త తరం గెలాక్సీ ఎం సిరీస్ స్మార్ట్​ఫోన్​ని తాజాగా ఇండియాలో లాంచ్​ చేసింది. దాని పేరు శాంసంగ్ గెలాక్సీ ఎం17. ఇదొక 5జీ గ్యాడ్జెట్​. దీని ధర రూ. 15,000 లోపే ఉండటం విశేషం. మంచి ఫీచర్లు కోరుకుంటూ, సరసమైన ధరలో బడ్జెట్​ ఫ్రెండ్లీ స్మార్ట్​ఫోన్ కోసం చూస్తున్న వారికి ఈ శాంసంగ్ గెలాక్సీ ఎం17 5జీ సరైన ఎంపిక కానుంది. ఈ స్మార్ట్‌ఫోన్ ట్రిపుల్ కెమెరా సెటప్, అద్భుతమైన ఏఐ సామర్థ్యాలు, సుదీర్ఘ కాలం పాటు ఆపరేటింగ్ సిస్టమ్ (ఓఎస్​) అప్‌గ్రేడ్‌లతో వస్తోంది. ఇవి వినియోగదారులను ఎంతగానో ఆకట్టుకునే అవకాశం ఉంది. దీనికి ముందు మోడల్.. స్టాక్ అయిపోయిన కొద్ది రోజులకే శాంసంగ్ గెలాక్సీ ఎం17 5జీ మార్కెట్‌లోకి రావడం, కొత్త తరం మోడల్‌ను సొంతం చేసుకోవడానికి వినియోగదారులకు ఇది సరైన సమయంగా మారింది!

శాంసంగ్​ గెలాక్సీ ఎం17 (Samsung)

శాంసంగ్ గెలాక్సీ ఎం17 5జీ: స్పెసిఫికేషన్లు, ఫీచర్లు..

డిస్‌ప్లే: శాంసంగ్ గెలాక్సీ ఎం17 5జీ స్మార్ట్​ఫోన్​లో 6.7-ఇంచ్​ ఫుల్​హెచ్​డీ+ సూపర్ అమోఎల్​ఈడీ డిస్‌ప్లే ఉంది. ఈ స్క్రీన్ 1100 నిట్స్ వరకు హెచ్​బీఎం పీక్ బ్రైట్‌నెస్‌ను అందిస్తుందని కంపెనీ చెబుతోంది.

ప్రాసెసర్, స్టోరేజ్: ఈ స్మార్ట్‌ఫోన్ 6ఎన్​ఎం ఆధారిత ఎక్సినోస్​ 1330 ప్రాసెసర్‌తో పనిచేస్తుంది.

కెమెరా: ఫొటోగ్రఫీ కోసం, ఈ ఫోన్ వెనుకవైపు ట్రిపుల్ కెమెరా సెటప్‌తో వస్తుండటం విశేషం!

50ఎంపీ ప్రధాన కెమెరా (ఓఐఎస్​ మద్దతుతో, అంటే షేక్-ఫ్రీ కెమెరా)

5ఎంపీ అల్ట్రావైడ్ కెమెరా

2ఎంపీ మ్యాక్రో లెన్స్

ముందు భాగంలో 13ఎంపీ సెల్ఫీ కెమెరా కూడా ఉంది.

బ్యాటరీ, ఛార్జింగ్: ఈ శాంసంగ్​ గెలాక్సీ ఎం17 స్మార్ట్‌ఫోన్‌లో 5000ఎంఏహెచ్​ బ్యాటరీ ఉంది. ఇది 25డబ్ల్యూ వైర్డ్ ఫాస్ట్ ఛార్జింగ్ సపోర్ట్‌తో వస్తుంది.

సాఫ్ట్‌వేర్, అప్‌గ్రేడ్స్: శాంసంగ్ గెలాక్సీ ఎం17 ఫోన్ లేటెస్ట్ One UI 7 ఆపరేటింగ్ సిస్టమ్‌తో లభిస్తుంది. ముఖ్యంగా, ఈ ఫోన్‌కు ఏకంగా ఆరు సంవత్సరాల ఓఎస్​ అప్‌గ్రేడ్‌లు, ఆరు సంవత్సరాల సెక్యూరిటీ అప్‌డేట్‌లు ఇస్తామని శాంసంగ్ ప్రకటించింది!

శాంసంగ్ గెలాక్సీ ఎం17 5జీ: ధర, లభ్యత..

శాంసంగ్ గెలాక్సీ ఎం17 5జీ రెండు రంగుల వేరియంట్లలో లభిస్తుంది: మూన్‌లైట్ సిల్వర్, సఫైర్ బ్లాక్.

• 4GB RAM + 128GB స్టోరేజ్ రూ. 12,499- లాంచ్​ ఆఫర్​ రూ. 11,999
• 6GB RAM + 128GB స్టోరేజ్ రూ. 13,999- లాంచ్​ ఆఫర్​ రూ. 13,499
• 8GB RAM + 128GB స్టోరేజ్ రూ. 15,499- లాంచ్​ ఆఫర్​ రూ. 14,999

ఈ ఫోన్ అమ్మకాలు అక్టోబర్ 13, 2025 నుంచి భారతదేశంలో ప్రారంభమవుతాయి. దీనిని అమెజాన్, శాంసంగ్ ఇండియా వెబ్‌సైట్, ఎంపిక చేసిన రిటైల్ స్టోర్‌లలో కొనుగోలు చేయవచ్చు. లాంచ్ ఆఫర్‌ల కింద, పైన తెలిపిన విధంగా రూ. 500 తగ్గింపుతో అన్ని వేరియంట్ల ధరలు ఇంకా తక్కువగా లభిస్తాయి.