6500ఎంఏహెచ్​ బ్యాటరీ, 50ఎంపీ సెల్ఫీ కెమెరాతో వివో కొత్త స్మార్ట్​ఫోన్​- ధర ఎంతంటే..

50ఎంపీ సెల్ఫీ కెమెరా, 50ఎంపీ రేర్​ కెమెరా సెటప్​, 6500ఎంఏహెచ్​ బ్యాటరీతో వివో సంస్థ సరికొత్త స్మార్ట్​ఫోన్​ని ఇండియాలోకి తీసుకొచ్చింది. ఈ వివో వీ60 5జీ ఫీచర్స్​, ధర వంటి వివరాలను ఇక్కడ తెలుసుకోండి..

వివో ఇండియా మార్కెట్‌లో తన కొత్త కెమెరా ఫోకస్డ్ స్మార్ట్‌ఫోన్​ని లాంచ్​ చేసింది. దాని పేరు వివో వీ60 5జీ. ఈ ఫోన్‌లో స్నాప్‌డ్రాగన్ 7 జెన్ 4 ప్రాసెసర్, అమోలెడ్ డిస్‌ప్లే, ఐపీ68/ఐపీ69 వాటర్ రెసిస్టెన్స్ వంటి ప్రత్యేకతలు ఉన్నాయి. ఈ నేపథ్యంలో ఈ ఈ మొబైల్​ ధర, ఫీచర్స్​ వివరాలను ఇక్కడ తెలుసుకుందాము..

వివో వీ60 5జీ స్మార్ట్​ఫోన్​..

వివో వీ60 5జీ స్మార్ట్​ఫోన్​- ధరలు..

వివో వీ60 5జీ వివిధ వేరియంట్లలో లభిస్తుంది.

• 8జీబీ ర్యామ్ + 128జీబీ స్టోరేజ్: రూ. 36,999
• 8జీబీ ర్యామ్ + 256జీబీ స్టోరేజ్: రూ. 38,999
• 12జీబీ ర్యామ్ + 256జీబీ స్టోరేజ్: రూ. 40,999
• 12జీబీ ర్యామ్ + 512జీబీ స్టోరేజ్: రూ. 45,999 (టాప్-ఎండ్ మోడల్)

ఈ స్మార్ట్ఫోన్ ప్రీ-బుకింగ్స్ ఇప్పటికే మొదలయ్యాయి. ఆగస్ట్​ 19 నుంచి వివో అధికారిక వెబ్‌సైట్, అమెజాన్, ఫ్లిప్‌కార్ట్, ఆఫ్‌లైన్ స్టోర్లలో అందుబాటులో ఉంటుంది. ఇది మిస్ట్ గ్రే, మూన్‌లిట్ బ్లూ, ఆస్పిషియస్ గోల్డ్ అనే మూడు ఆకర్షణీయమైన కలర్స్​ లభిస్తుంది.

వివో వీ60 5జీ స్పెసిఫికేషన్స్..

డిస్‌ప్లే: వివో వీ60 5జీలో 6.77 ఇంచ్​ 120హెచ్​జెడ్​ క్వాడ్-కర్వ్డ్ అమోలెడ్ డిస్‌ప్లే ఉంది. దీని పీక్ బ్రైట్‌నెస్ 5,000 నిట్స్ వరకు ఉంటుంది. స్క్రీన్ రిజల్యూషన్ 2392x1080 పిక్సెల్స్. ఈ ఫోన్‌కు ఐపీ68, ఐపీ69 వాటర్, డస్ట్ రెసిస్టెన్స్ రేటింగ్‌లు ఉన్నాయి. అంటే, ఇది 1.5 మీటర్ల నీటిలో దాదాపు 80 నిమిషాల వరకు ఉన్నా సమస్య ఉండదు!

ప్రాసెసర్, ర్యామ్, స్టోరేజ్: ఈ ఫోన్ స్నాప్‌డ్రాగన్ 7 జెన్ 4 ప్రాసెసర్‌తో పనిచేస్తుంది. 8జీబీ, 12జీబీ, 16జీబీ LPDDR4x ర్యామ్ ఆప్షన్లలో, అలాగే 128జీబీ, 256జీబీ, 512జీబీ యూఎఫ్​ఎస్​ 2.2 స్టోరేజ్ ఆప్షన్లలో ఇది లభిస్తుంది.

కెమెరా: కెమెరా విభాగంలో వివోవీ60 5జీకి జీస్ బ్రాండింగ్ ఉంది. వెనుకవైపు ట్రిపుల్ కెమెరా సెటప్ ఉంది. ఇందులో ఆప్టికల్ ఇమేజ్ స్టెబిలైజేషన్ సపోర్ట్‌తో కూడిన 50ఎంపీ ప్రైమరీ సెన్సార్, 50ఎంపీ టెలిఫొటో లెన్స్, 8ఎంపీ అల్ట్రా-వైడ్-యాంగిల్ షూటర్ ఉన్నాయి. సెల్ఫీలు, వీడియో కాల్స్ కోసం ముందువైపు 50ఎంపీ కెమెరా సెన్సార్‌ను అమర్చారు.

బ్యాటరీ & సాఫ్ట్‌వేర్: ఈ ఫోన్‌లో దాని మునుపటి వెర్షన్‌తో పోలిస్తే మెరుగైన 6,500ఎంఏహెచ్​ బ్యాటరీని అందించారు. ఇది 90డబ్ల్యూ వైర్డ్ ఫాస్ట్ ఛార్జింగ్‌కు సపోర్ట్ చేస్తుంది. ఆండ్రాయిడ్ 15 ఆధారిత ఫన్‌టచ్ ఓఎస్ 15పై ఈ ఫోన్ పనిచేస్తుంది. వివో ఈ ఫోన్‌కు నాలుగు సంవత్సరాల ఆండ్రాయిడ్ అప్‌డేట్‌లు, ఆరు సంవత్సరాల సెక్యూరిటీ ప్యాచ్‌లను అందిస్తామని హామీ ఇచ్చింది.

మరి ఈ వివో కొత్త స్మార్ట్​ఫోన్​ వీ60ని మీరు కొంటారా?