E-Paper
Bikes under 1 lakh : 3 బడ్జెట్ ఫ్రెండ్లీ బైక్స్- దేని ఈఎంఐ తక్కువ? మధ్యతరగతి వారికి ఏది బెస్ట్?
దేశంలో అత్యంత ఆదరణ పొందిన 100 సీసీ బైకులైన హీరో స్ల్పెండర్ ప్లస్, హోండా షైన్ 100, బజాజ్ ప్లాటినా 100 బైకుల్లో ఏది ఎంచుకోవాలో అర్థం కావడం లేదా? అయితే ఇది మీకోసమే! వీటి నెలవారీ ఈఎంఐ వివరాలు ఎలా ఉన్నాయో తెలుసుకోండి..
భారతీయ టూ-వీలర్ మార్కెట్లో 100 సీసీ ఎంట్రీ-లెవెల్ బైకులకు ఉండే క్రేజే వేరు. తక్కువ ధర, అద్భుతమైన మైలేజీ, రోజువారీ ప్రయాణానికి ఎంతో అనుకూలంగా ఉండటంతో సామాన్యులు, మధ్యతరగతి ప్రజలు వీటిని ఎక్కువగా కొనుగోలు చేస్తుంటారు. ఈ సెగ్మెంట్లో హీరో స్ల్పెండర్ ప్లస్, హోండా షైన్ 100, బజాజ్ ప్లాటినా 100 బైకులు టాప్లో ఉన్నాయి. మరి.. నమ్మకానికి మారుపేరైన హీరో స్ల్పెండర్, బడ్జెట్ ఫ్రెండ్లీ హోండా షైన్, లాంగ్ రైడ్ కంఫర్ట్ ఇచ్చే బజాజ్ ప్లాటినాలో ఏది కొనాలనే ఆలోచనలో ఉన్నారా? అయితే ఈ మూడు బైకులకు నెలవారీ ఈఎంఐ ఎంత పడుతుందో ఇక్కడ చూద్దాము..
3 బడ్జెట్ బైకులు- వాటి వేరియంట్లు, ధరల వివరాలు..
| హీరో స్ల్పెండర్ ప్లస్ vs హోండా షైన్ 100 vs బజాజ్ ప్లాటీనా 100: నెలవారీ ఈఎంఐలు ఇలా.. | ||||
|---|---|---|---|---|
| మోడల్, వేరియంట్ | లోన్ (100% ఎక్స్షోరూం ధర) | వడ్డీ రేటు | రీపేమెంట్ టెన్యూర్ | నెలవారీ ఈఎంఐ |
| Hero Splendor Plus | రూ. 77,777 | 9.5% | 24 నెలలు | రూ. 3,571 |
| Hero Splendor Plus Xtec | రూ. 81,213 | రూ. 3,729 | ||
| Hero Splendor Xtec 2.0 | రూ. 83,414 | రూ. 3,830 | ||
| Honda Shine 100 | రూ. 65,642 | రూ. 3,014 | ||
| Honda Shine 100 DX | రూ. 72,146 | రూ. 3,313 | ||
| Bajaj Platina 100 | రూ. 72,942 | రూ. 3,349 | ||
ఈ మూడు పాపులర్ మోడళ్ల ఈఎంఐ లెక్కలను అంచనా వేయడానికి వాటి అన్ని వేరియంట్లను పరిగణలోకి తీసుకోవడం జరిగింది.
హీరో స్ల్పెండర్ ప్లస్ మూడు వేరియంట్లలో లభిస్తుంది. ఎక్స్-షోరూమ్ ధరల ప్రకారం.. స్ల్పెండర్ ప్లస్ రూ. 77,777, స్ల్పెండర్ ప్లస్ ఎంటెక్ వెర్షన్ రూ. 81,213, అలాగే స్ల్పెండర్ ప్లస్ ఎంటెక్ 2.0 ధర రూ. 83,414గా ఉంది.
హొండా షైన్ 100 రెండు వేరియంట్లలో వస్తోంది. షైన్ 100 ధర రూ. 65,642 కాగా, షైన్ 100 డీఎక్స్ ధర రూ. 72,146గా ఉంది. ఇక బజాజ్ ప్లాటినా 100 ఎక్స్-షోరూమ్ ధర రూ. 72,942గా ఉంది.
నెలవారీ ఈఎంఐ లెక్కింపు ఎలా?
ఈ లోన్ లెక్కింపు కోసం ఎక్స్-షోరూమ్ ధరపై నూటికి నూరు శాతం రుణ మొత్తాన్ని పరిగణలోకి తీసుకున్నారు. అలాగే రీపేమెంట్ టెన్యూర్ 24 నెలలు (రెండేళ్లు), వడ్డీ రేటు 9.5 శాతంగా అంచనా వేశారు.
ఈ లెక్కల ప్రకారం.. హీరో స్ల్పెండర్ ప్లస్ ఎంచుకున్న వేరియంట్ను బట్టి నెలకు రూ. 3,571 నుంచి రూ. 3,830 వరకు ఈఎంఐ చెల్లించాల్సి ఉంటుంది. అదే హోండా షైన్ 100 అయితే వేరియంట్ను బట్టి నెలకు రూ. 3,014 నుంచి రూ. 3,313 వరకు పడుతుంది. ఇక బజాజ్ ప్లాటినా 100 బైకుకు నెలవారీ ఈఎంఐ సుమారు రూ. 3,349 వరకు ఉంటుంది.
గమనిక- అయితే మీరు ఎంచుకునే వేరియంట్, డౌన్ పేమెంట్ మొత్తం, తీసుకునే లోన్ అమౌంట్, వడ్డీ రేటు, రుణం చెల్లించే కాలపరిమితిని బట్టి ఈఎంఐ మొత్తాలు మారుతుంటాయని గమనించాలి.
