మారుతీ సుజుకీ విక్టోరిస్​ కొనాలా? లేక గ్రాండ్​ విటారా తీసుకోవాలా? ఏ ఎస్​యూవీ బెస్ట్​?

మారుతీ సుజుకీ విక్టోరిస్​ వర్సెస్​ గ్రాండ్​ విటారా.. ఈ రెండు ఎస్​యూవీల్లో ఏది బెస్ట్​? ఎందులో ఫీచర్స్​ ఎక్కువ? దేని ధర ఎంత? పూర్తి వివరాలను ఇక్కడ చూసేయండి..

మారుతీ సుజుకీ నుంచి కొత్త ఎస్​యూవీ ఇటీవలే మార్కెట్​లోకి అడుగుపెట్టింది. దాని పేరు మారుతీ సుజుకీ విక్టోరిస్​. అయితే ఇదే సంస్థకు చెందిన గ్రాండ్​ విటారాకి కూడా మంచి డిమాండ్​ ఉంటూ ఉంటుంది. మరి ఇప్పుడు కొత్తగా ఎస్​యూవీ కొనాలనుకునే వారు ఏది తీసుకోవాలి? మారుతీ సుజుకీ విక్టోరిస్​ బెస్ట్​ ఆ? లేక మారుతీ సుజుకీ గ్రాండ్​ విటారా మంచి ఆప్షన్​ అవుతుందా? ఈ రెండింటినీ పోల్చి, పూర్తి వివరాలను ఇక్కడ తెలుసుకుందాము..

మారుతీ సుజుకీ విక్టోరిస్​ వర్సెస్​ గ్రాండ్​ విటారా

విక్టోరిస్​ వర్సెస్​ విటారా- డైమెన్షన్స్​

డైమెన్షన్స్​	వ్యత్యాసం (ఎంఎం)	మారుతీ సుజుకీ విక్టోరిస్​ (ఎంఎం)	మారుతీ సుజుకీ గ్రాండ్​ విటారా (ఎంఎం)
పొడవు	+ 15	4,360	4,345
వెడల్పు	-	1,795	1,795
ఎత్తు	+ 10	1,655	1,645
వీల్​బేస్​	-	2,600	2,600

మారుతీ సుజుకీ విక్టోరిస్​ వర్సెస్​ గ్రాండ్​ విటారా- డిజైన్​..

మారుతీ సుజుకీ విక్టోరిస్​ డిజైన్​ షార్ప్​గా, మోడర్న్​గా ఉంటుంది. బోల్డ్​ ఫ్రెంట్​ గ్రిల్​, స్లీక్​ ఎల్​ఈడీ హెడ్​ల్యాంప్స్​, క్రిస్ప్​ బాడీ లైన్స్​ వంటివి ఎస్​యూవీకి స్పోర్టీ, అగ్రెసివ్​ లుక్​ని ఇస్తాయి. యువతకు నచ్చే విధంగా ఈ వాహనాన్ని రూపొందించారు అని అనడంలో సందేహం లేదు.

కాగా, గ్రాండ్​ విటారాలో ట్రెడిషన్​ ఎస్​యూవీ లుక్​ ఉంటుంది. రోబస్ట్​, క్రోమ్​ అసెంటెడ్​ గ్రిల్​, కన్వెన్షనల్​ హెడ్​ల్యాంప్స్​ వంటివి దీని సొంతం.

మారుతీ సుజుకీ విక్టోరిస్​ వర్సెస్​ గ్రాండ్​ విటారా- ఇంటీరియర్​, ఫీచర్స్​..

మారుతీ సుజుకీ విక్టోరిస్​ కేబిన్​ అత్యాధునికంగా ఉంటుంది. పెద్ద టచ్​స్క్రీన్​ ఇన్​ఫోటైమెంట్​ సస్టెమ్​, ఫుల్లీ డిజిటల్​ ఇన్​స్ట్రుమెంట్​ క్లస్టర్​, యాంబియెంట్​ లైటింగ్​ వంటివి ఉంటాయి. లెవల్​ 2 అడాస్​ ఫీచర్స్​ దీని సొంతం. డాష్​బోర్డ్​, స్టీరింగ్​ వీల్​లు గ్రాండ్​ విటారా కన్నా మోడర్న్​గా కనిపిస్తాయి.

ఇక మారుతీ సుజుకీ గ్రాండ్​ విటారా విషయానికొస్తే, ఇందులో బేసిక్​ ఇన్​స్ట్రుమెంట్​ క్లస్టర్​, చిన్న ఇన్​ఫోటైన్​మెంట్​ స్క్రీన్​, సింపుల్​ డాష్​బోర్డ్​ వంటివి ఉంటాయి. అని అవసరమైన ఫీచర్స్​ ఇందులో ఉంటాయి కానీ విక్టోరిస్​లోని పలు అడ్వాన్స్​డ్​ టెక్నాలజీ మాత్రం ఉండదు.

మారుతీ సుజుకీ విక్టోరిస్​ వర్సెస్​ గ్రాండ్​ విటారా- మైలేజ్​..

మైలేజ్​ వివరాలు..

ఇంజిన్​	మారుతీ సుజుకీ విక్టోరిస్​ (కేఎంపీహెచ్​)	మారుతీ సుజుకీ గ్రాండ్​ విటారా (కేఎంపీహెచ్​)
స్ట్రాంగ్​ హైబ్రీడ్​	28.65	27.97
మైల్డ్​ హైబ్రీడ్​ ఎఫ్​డబ్ల్యూడీ	21.18	21.11
మైల్డ్​ హైబ్రీడ్​ ఎఫ్​డబ్ల్యూడీ ఏటీ	21.06	20.58
మైల్డ్​ హైబ్రీడ్​ ఏటీ	19.07	19.20
సీఎన్జీ	27.02 కి.మీ/కేజీ	26.6 కి.మీ/కేజీ

రెండు ఎస్​యూవీల్లోనూ మైల్డ్​ హైబ్రీడ్​ టెక్నాలజీతో కూడిన 1.5 లీటర్​ పెట్రోల్​ ఇంజిన్​, 1.5 లీటర్​ పెట్రోల్​ ఇంజిన్​తో కూడిన స్ట్రాంగ్​ ఇంజిన్​, ఆల్​ వీల్​ డ్రైవ్​ పవర్​ట్రైన్​ వంటివి ఉంటాయి. మైలేజ్​ పరంగా చూసుకుంటే గ్రాండ్​ విటారా కన్నా విక్టోరిస్​ స్వల్పంగా ముందంజలో ఉంటుంది.

మారుతీ సుజుకీ విక్టోరిస్​ వర్సెస్​ గ్రాండ్​ విటారా- ధరలు..

మారుతీ సుజుకీ విక్టోరిస్​ ప్రారంభ ఎక్స్​షోరూం ధర రూ. 10.50లక్షలు. టాప్​ ఎండ్​ మోడల్​ రూ. 19.99లక్షల (ఎక్స్​షోరూం) వరకు ఉంటుంది. ఇక గ్రాండ్​ విటారా ఎక్స్​షోరూం ధర రూ. 10.77 లక్షల నుంచి రూ. 19.72 లక్షల వరకు ఉంటుంది.

మారుతీ సుజుకీ విక్టోరిస్​ వర్సెస్​ గ్రాండ్​ విటారా- ఏది కొనాలి?

మీ ప్రయారిటీ కటింగ్​ ఎడ్జ్​ డిజైన్​, మోడర్న్​ టెక్నాలజీ అయితే విక్టోరిస్​ మంచి అప్షన్​ అవుతుంది. ట్రెడిషన్​ ఎస్​యూవీ, డ్యూరెబులిటీ కావాలనుకుంటే గ్రాండ్​ విటారా తీసుకోవచ్చు.