కర్నూలు ప్రభుత్వ మెడికల్ కాలేజీలో ఉద్యోగ ఖాళీలు - దరఖాస్తు విధానం, నోటిఫికేషన్ వివరాలివే
కర్నూలు ప్రభుత్వం మెడికల్ కాలేజీలో ఖాళీల భర్తీకి నోటిఫికేషన్ జారీ అయింది. మొత్తం 43 ఖాళీలను రిక్రూట్ చేయనున్నారు. అర్హులైన అభ్యర్థులు…. జూలై 16వ తేదీలోపు దరఖాస్తు చేసుకోవాల్సి ఉంటుంది.
Published on: Jul 13, 2025 3:11 PM IST
Share via
Copy link
కర్నూలు ప్రభుత్వ మెడికల్ కాలేజీలో పలు పోస్టుల భర్తీకి నోటిఫికేషన్ జారీ అయింది. మొత్తం 43 పోస్టులున్నాయి. వీటిని కాంట్రాక్ట్, ఔట్ సోర్సింగ్ విధానంలో భర్తీ చేయనున్నారు. ప్రస్తుతం దరఖాస్తుల ప్రక్రియ కొనసాగుతోంది. ఈ గడువు జూలై 16వ తేదీతో పూర్తవుతుంది. ఆఫ్ లైన్ లో అప్లికేషన్ చేసుకోవాల్సి ఉంటుంది.
కర్నూల్ మెడికల్ కాలేజీలో ఉద్యోగాలు - ముఖ్య వివరాలు
- ఉద్యోగ ప్రకటన - ప్రభుత్వ మెడికల్ కాలేజీ, కర్నూల్, ఆంధ్రప్రదేశ్.
- ఖాళీల వివరాలు : ఫిజియో థెరఫిస్ట్ - 02 స్పీచ్ థెరపిస్ట్ - 02, సీ-ఆర్మ్ టెక్నీషియన్ - 02, ఓటీ టెక్నీషియన్ - 2, EEG టెక్నీషియన్ - 02, డయాలిసిస్ టెక్నీషియన్ -2, జనరల్ డ్యూటీ అటెండెంట్ - 8, అడియోమెట్రి టెక్నీషియన్ - 01, మేల్ నర్సింగ్ - 11, ఫీమేల్ నర్సింగ్ - 11 ఖాళీలు ఉన్నాయి.
- అర్హతలు -పైన పేర్కొన్న పోస్టులను అనుసరించి సంబంధిత విభాగంలో డిగ్రీ, బీఎస్సీ, డిప్లొమా, ఇంటర్, పదో తరగతి పాసై ఉండాలి. పని చేసిన అనుభవం కూడా కలిగి ఉండాలి. https://kurnool.ap.gov.in/ వెబ్ సైట్ లో పూర్తి వివరాలు ఉంటాయి.
- దరఖాస్తు చేసుకునే అభ్యర్థులు 42 ఏళ్ల లోపు ఉండాలి.
- దరఖాస్తు విధానం - ఆఫ్ లైన్
- దరఖాస్తుల స్వీకరణకు చివరి తేదీ - 16 జూలై 2025
- అప్లికేషన్ ఫీజు కింద ఓసీ అభ్యర్థులు రూ.250 చెల్లించాలి. ఇక ఎస్సీ, ఎస్టీ, బీసీ, ఈడబ్ల్యూఎస్, పీడబ్ల్యూబీడీ అభ్యర్థులు రూ.200 కట్టాలి.
- అప్లికేషన్ ఫామ్ ను https://kurnool.ap.gov.in/ వెబ్ సైట్ నుంచి డౌన్లోడ్ చేసుకోవాలి. పూర్తి చేసిన ఫారమ్ ను “ఆఫీస్ ఆఫ్ ది ప్రిన్సిపల్, కర్నూలు మెడికల్ కాలేజీ” చిరునామాకు పంపాలి.
- వంద మార్కులను ప్రమాణికంగా తీసుకుని ఎంపిక చేస్తారు.(అకడమిక్స్ ఉత్తీర్ణత శాతంతో పాటు పని చేసిన అనుభవం ఆధారంగా మార్కులను కేటాయిస్తారు)
- అధికారిక వెబ్ సైట్ - https://kurnool.ap.gov.in/
