పీఎం కిసాన్ 20వ విడత నిధులు ఈ తేదీలో వచ్చే అవకాశం.. లబ్ధిదారులు ఈ పని చేశారా?

దేశవ్యాప్తంగా రైతులు పీఎం కిసాన్ పథకం 20వ విడత నిధుల కోసం ఎదురు చూస్తున్నారు. ఈ విడత డబ్బు ఎప్పుడు విడుదల అవుతుంది?

దేశంలోని రైతులకు లబ్ధి చేకూర్చే పథకం పీఎం కిసాన్. ప్రధానమంత్రి కిసాన్ యోజన 20వ విడత నిధులు త్వరలో విడుదల కానున్నాయి. దేశవ్యాప్తంగా రైతులు పీఎం కిసాన్ నిధుల కోసం ఆసక్తిగా ఎదురుచూస్తున్నారు. ఈ విడత జూలై 18న రైతుల ఖాతాల్లో జమ అవుతుందని భావిస్తున్నారు. ప్రధానమంత్రి నరేంద్ర మోదీ జూలైలో బీహార్ సందర్శించే అవకాశం ఉందని తెలుస్తోంది. ఇదే సమయంలో నిధులు జమ చేసే అవకాశం ఉంది. ఈ పథకం కింద అర్హత కలిగిన రైతులకు ఏటా రూ.6,000 అందజేస్తారు.

పీఎం కిసాన్ 20వ విడత నిధులు

ప్రధానమంత్రి కిసాన్ సమ్మాన్ నిధి యోజనకు సంబంధించి వ్యవసాయ మంత్రిత్వ శాఖ కొత్త మార్గదర్శకాలను విడుదల చేసింది. రాబోయే రూ.2,000 వాయిదాను కోల్పోకుండా ఉండటానికి ప్రతి లబ్ధిదారుడు అనుసరించాల్సిన దశలను మంత్రిత్వ శాఖ వివరించింది. ప్రభుత్వం ఇంకా అధికారికంగా చెల్లింపు తేదీని నిర్ధారించనప్పటికీ.. జూలైలో 20వ విడతను విడుదల చేసే అవకాశం ఉంది.

ఈ పనులు చేశారా?

వ్యవసాయమంత్రిత్వ శాఖ ప్రకారం, అర్హత కలిగిన రైతులు తదుపరి విడత పొందడానికి కొన్ని పనులను పూర్తి చేయాలి. e-KYC పూర్తి చేయడం తప్పనిసరి. ఆధార్‌ను బ్యాంకు ఖాతాకు లింక్ చేయాలి. బ్యాంకు ఖాతా వివరాలను ధృవీకరించాలి. భూమి రికార్డు సమస్యలను పరిష్కరించాలి. లబ్ధిదారుడి స్టేటస్ చెక్ చేయాలి. మొబైల్ నంబర్‌ను అప్డేట్ చేయాలి. తప్పు ఐఎఫ్‌ఎస్‌సీ కోడ్ లేదా ఖాతా నంబర్‌లు.. ట్రాన్స్‌ఫర్ వైఫల్యానికి దారితీయవచ్చు. భూమి యాజమాన్యాన్ని డిజిటల్ రికార్డులలో ధృవీకరించాలి.

ఇలా చేయండి

పీఎం కిసాన్ వాయిదా సాధారణంగా ఫిబ్రవరి, జూన్, అక్టోబర్‌లలో వస్తుంది. ఈసారి 20వ విడత ఆలస్యం అయింది. చెల్లింపు వైఫల్యాన్ని నివారించడానికి అర్హత ఉన్న రైతులు ముందుగా e-KYCని పూర్తి చేయాలి. పీఎం కిసాన్ వాయిదాల స్థితిని తనిఖీ చేయడానికి pmkisan.gov.inని సందర్శించండి.

'మీ స్థితిని తెలుసుకోండి' పై క్లిక్ చేయండి.

మీ రిజిస్ట్రేషన్ నంబర్ లేదా ఆధార్ నంబర్‌ను నమోదు చేయండి.

మీ పేరు లబ్ధిదారుల జాబితాలో ఉందో లేదో తనిఖీ చేయండి.

eKYC పూర్తయిందని కన్ఫామ్ చేసుకోండి.

2019లో ప్రారంభించిన పీఎం కిసాన్ పథకం అతిపెద్ద డీబీటీ స్కీమ్. దీని కింద అర్హత కలిగిన రైతులకు ప్రతి నాలుగు నెలలకు రూ. 2,000 లభిస్తుంది. ఏటా రూ. 6,000 ఇస్తారు. డబ్బు నేరుగా లబ్ధిదారుల బ్యాంకు ఖాతాల్లో జమ అవుతుంది.