అమెరికా అధ్యక్షుడు డొనాల్డ్ ట్రంప్ విధిస్తున్న టారీఫ్ల అనిశ్చితి నేపథ్యంలో దేశంలో వడ్డీ రేట్లను యథాతథంగా కొనసాగించాలని ఆర్బీఐ (రిజర్వ్ బ్యాంక్ ఆఫ్ ఇండియా) నిర్ణయించింది. ఈ మేరకు మొనేటరీ పాలసీ సమావేశం ముగింపు అనంతరం ఆర్బీఐ గవర్నర్ సంజయ్ మల్హోత్రా కీలక ప్రకటన చేశారు. ద్రవ్య విధానంలో ‘న్యూట్రల్’ వైఖరి కొనసాగుతుందని స్పష్టం చేశారు.
ఫలితంగా రెపో రేటు 5.5శాతం వద్ద కొనసాగుతుంది.
సంజయ్ మల్హోత్రా నేతృత్వంలో ఆగస్టు 4 నుంచి ఆగస్టు 6 వరకు జరిగిన ఆర్బీఐ ద్రవ్య విధాన సమీక్ష సమావేశం.. ఈ ఆర్థిక సంవత్సరానికి మూడవ ద్వైమాసిక మీటింగ్. ఈ ఆర్థిక సంవత్సరంలో ఇప్పటికే ఒకసారి రేటు కోత, 100 బేసిస్ పాయింట్ల (బీపీఎస్) సీఆర్ఆర్ తగ్గింపు ద్వారా సడలింపు చర్యలను ఆర్బీఐ ముందుగానే చేపట్టింది.
జూన్ నెల ఆర్బీఐమొనేటరీ పాలసీ మీటింగ్లో, ద్రవ్య విధాన కమిటీ కీలక వడ్డీ రేటును 6 శాతం నుంచి 5.50 శాతానికి, అంటే 50 బేసిస్ పాయింట్లు తగ్గించి అందరిని ఆశ్చర్యం కలిగించింది. అదే సమయంలో, ఎంపీసీ తమ విధాన వైఖరిని ‘అకామోడేటివ్’ నుంచి ‘న్యూట్రల్’కి మార్చింది. అంతేకాకుండా.. నగదు నిల్వల నిష్పత్తిని కూడా 4 శాతం నుంచి 3 శాతానికి, అంటే 100 బేసిస్ పాయింట్లు తగ్గించింది.
“ద్రవ్యోల్బణం తగ్గడంతో గతంలో రెపో రేటును తగ్గించడానికి వీలు కలిగింది. ద్రవ్యోల్బణం స్వల్పకాలంలో, మధ్యకాలంలో ఆర్బీఐ లిమిట్ లోపలే ఉంటుందని అంచనా వేశాము. ఆహార ద్రవ్యోల్బణం పరిస్థితి కూడా మెరుగ్గానే ఉంది. అందుకే ఈసారి ఈ నిర్ణయం తీసుకున్నాము,” అని తాజాగా జరిగిన మీటింగ్లో సంజయ్ మల్హోత్రా తెలిపారు.
భారత దేశ జీడీపీపై..
కీలక వడ్డీ రేట్లను యథాతథంగా కొనసాగించడంతో పాటు ఎఫ్వై26లో భారత దేశ జీడీపీ (6.5శాతం) అంచనాలను సైతం ఆర్బీఐ మార్చలేదు. కానీ అంతర్జాతీయ అనిశ్చితిని సంజయల్ మల్హోత్రా గుర్తుచేశారు.
{{/usCountry}}కీలక వడ్డీ రేట్లను యథాతథంగా కొనసాగించడంతో పాటు ఎఫ్వై26లో భారత దేశ జీడీపీ (6.5శాతం) అంచనాలను సైతం ఆర్బీఐ మార్చలేదు. కానీ అంతర్జాతీయ అనిశ్చితిని సంజయల్ మల్హోత్రా గుర్తుచేశారు.
{{/usCountry}}“అంతర్జాతీయంగా వాణిజ్య సవాలు కొనసాగుతున్నప్పటికీ, భారత ఆర్థిక వ్యవస్థ ప్రకాశవంతంగానే ఉంది. కానీ ప్రపంచ ఆర్థిక వృద్ధి, ద్రవ్యోల్బణం నెమ్మదించవచ్చు,” అని ఆర్బీఐ గవర్నర్ చెప్పుకొచ్చారు.
ప్రపంచ దేశాలపై సుంకాలతో విరుచుకుపడుతున్న అమెరికా అధ్యక్షుడు డొనాల్డ్ ట్రంప్, ఇండియాపైనా 25శాతం టారీఫ్లను ప్రకటించారు. రష్యాతో చమురు దిగుమతుల నేపథ్యంలో మరిన్న సుంకాలు విధిస్తానని భారత్ను హెచ్చరించారు. ఇది దేశ జీడీపీని ప్రభావితం చేస్తుందన్న ఆందోళనల మధ్య ఆర్బీఐ గవర్నర్ వ్యాఖ్యలకు ప్రాధాన్యత సంతరించుకుంది.
ఈ నేపథ్యంలోనే ఈసారి వడ్డీ రేట్ల కోత ఉండకపోవచ్చని మార్కెట్లో అంచనాలు నెలకొన్నాయి. రెపో రేటుపై ఆర్బీఐ ప్రకటన అనంతరం, ఉదయం 10 గంటల 20 నిమిషాల సమయంలో స్టాక్ మార్కెట్లు ఫ్లాట్గా కొనసాగుతున్నాయి. నిఫ్టీ50 17 పాయింట్ల నష్టంతో 24,633 వద్ద ట్రేడ్ అవుతోంది. బీఎస్ఈ సెన్సెక్స్ 30 పాయింట్లు పెరిగి 80,740 వద్ద కొనసాగుతోంది.