రైల్వేలో రిక్రూట్మెంట్ కోసం ఎదురుచూస్తున్న యువతకు పెద్ద అప్డేట్ వచ్చింది. రైల్వే రిక్రూట్మెంట్ బోర్డు (ఆర్ఆర్బీ) టెక్నీషియన్ పోస్టుల భర్తీకి నోటిఫికేషన్ విడుదల చేసింది. మీరు కూడా రైల్వేలో పనిచేయాలనుకుంటే ఇది మీకు గోల్డెన్ ఛాన్స్. ఈ నియామక ప్రక్రియ ద్వారా మొత్తం 6180 మంది అభ్యర్థులను నియమించనున్నారు. టెక్నీషియన్ గ్రేడ్ 1 సిగ్నల్, టెక్నీషియన్ గ్రేడ్ 3 పోస్టులను భర్తీ చేస్తున్నారు.
ముఖ్యమైన తేదీలు
ఈ రిక్రూట్మెంట్ కోసం దరఖాస్తు ప్రక్రియ 28 జూన్ 2025 నుండి ప్రారంభమవుతుంది. ఆన్లైన్ ద్వారా ద్వారా దరఖాస్తులు పూర్తి చేసేందుకు చివరితేదీ 28 జూలై 2025. rrbapply.gov.in అధికారిక వెబ్సైట్లో లింక్ యాక్టివేట్ అయిన తర్వాత అభ్యర్థులు దరఖాస్తు చేసుకోవచ్చు.
ఖాళీల వివరాలు
ఈ రిక్రూట్మెంట్లో భాగంగా మెుత్తం 6180 పోస్టులను భర్తీ చేయనున్నారు. టెక్నీషియన్ గ్రేడ్ 1 సిగ్నల్- 180 పోస్టులు, టెక్నీషియన్ గ్రేడ్ 3 - 6000 పోస్టులకు నియామక ప్రక్రియ జరుగుతుంది.
అర్హతలు
ఈ పోస్టులకు దరఖాస్తు చేసుకోవడానికి అభ్యర్థి గుర్తింపు పొందిన బోర్డు/సంస్థ నుండి 10వ తరగతి ఉత్తీర్ణులై ఉండాలి. అలాగే సంబంధిత రంగంలో ITI/ BSc/ BE/ BTech/ 3 సంవత్సరాల పాలిటెక్నిక్ డిప్లొమా మొదలైన వాటిలో ఉత్తీర్ణులై ఉండాలి. అభ్యర్థుల కనీస వయస్సు 18 ఏళ్లు, గరిష్ట వయస్సు 33 ఏళ్లుగా నిర్ణయించారు. అభ్యర్థుల వయస్సును 2025 జూలై 1 ఆధారంగా లెక్కిస్తారు. రిజర్వ్డ్ కేటగిరీ అభ్యర్థులకు గరిష్ట వయోపరిమితిలో సడలింపు ఉంటుంది.
దరఖాస్తు ప్రక్రియ
ఈ నియామకంలో దరఖాస్తు చేసుకునేటప్పుడు కేటగిరీల వారీగా నిర్దేశించిన రుసుమును డిపాజిట్ చేయడం తప్పనిసరి. రుసుము లేకుండా నింపిన ఫారమ్లు అంగీకరించరు. జనరల్, ఓబీసీ, ఈడబ్ల్యూఎస్ కేటగిరీ అభ్యర్థులు దరఖాస్తుతో పాటు రూ. 500 రుసుమును డిపాజిట్ చేయాల్సి ఉంటుంది. ఎస్సీ, ఎస్టీ, పీహెచ్, మహిళా అభ్యర్థులు రూ. 250 రుసుమును చెల్లించాలి.
ఎలా దరఖాస్తు చేసుకోవచ్చు?
ఆర్ఆర్బీ టెక్నీషియన్ దరఖాస్తు ఫారమ్ 2025 నింపడానికి అధికారిక వెబ్సైట్ rrbapply.gov.inని సందర్శించాలి.
{{/usCountry}}ఆర్ఆర్బీ టెక్నీషియన్ దరఖాస్తు ఫారమ్ 2025 నింపడానికి అధికారిక వెబ్సైట్ rrbapply.gov.inని సందర్శించాలి.
{{/usCountry}}హోమ్ పేజీలో అప్లై బటన్పై క్లిక్ చేయండి. ఆపై ముందుగా ఖాతాను సృష్టించు లింక్పై క్లిక్ చేసి అవసరమైన సమాచారాన్ని పూరించడం ద్వారా నమోదు చేసుకోండి.
దీని తరువాత అభ్యర్థులు ఇప్పటికే ఖాతా కలిగి ఉన్నారు లింక్పై క్లిక్ చేయడం ద్వారా ఇతర వివరాలను పూరించగలరు.
చివరగా పోస్ట్ ప్రకారం రుసుము చెల్లించి పూర్తిగా నింపిన ఫారమ్ను సమర్పించండి. దాని ప్రింటవుట్ తీసుకొని మీ వద్ద భద్రంగా ఉంచుకోండి.