ఈ రోజు స్టాక్​ మార్కెట్​లకు భారీ లాభాలు- ఈ స్టాక్స్​లో ట్రేడ్​తో ప్రాఫిట్స్​..!

ట్రేడర్లు నేడు ట్రాక్​ చేయాల్సిన స్టాక్స్​ టు బై లిస్ట్​ని నిపుణులు వెల్లడించారు. గిఫ్టీ నిఫ్టీ వాల్యూతో పాటు లేటెస్ట్​ స్టాక్​ మార్కెట్​ అప్డేట్స్​ని ఇక్కడ తెలుసుకోండి..

దీపావళి బలిప్రద సందర్భంగా దేశీయ స్టాక్​ మార్కెట్​లకు బుధవారం సెలవు. ఇక మంగళవారం జరిగిన ముహురత్​ ట్రేడింగ్​ సెషన్​లో సూచీలు ఫ్లాట్​గా ముగిశాయి. బీఎస్​ఈ సెన్సెక్స్​ 62 పెరిగి 84,426 వద్ద స్థిరపడింది. నిఫ్టీ50.. 25 పాయింట్లు వృద్ధిచెంది 25,868 వద్ద సెషన్​ని ముగించింది. ఇక బ్యాంక్​ నిఫ్టీ 26 పాయింట్లు పడి 58,007 వద్దకు చేరింది.

స్టాక్​ మార్కెట్​ అప్డేట్స్​.

ఈరోజు స్టాక్​ మార్కెట్​ ఎలా ఉండబోతోంది?

భారత్​- అమెరికా ట్రేడ్​ డీల్​పై సానుకూల వాతావరణం నేపథ్యంలో గురువారం ట్రేడింగ్​ సెషన్​ని దేశీయ స్టాక్​ మార్కెట్​లు భారీ లాభాల్లో ప్రారంభించే అవకాశం ఉంది. గిఫ్ట్​ నిఫ్టీ దాదాపు 375 పాయింట్ల లాభంలో ఉండటం ఇందుకు కారణం.

“నిఫ్టీ50తో పాటు మార్కెట్​ సెంటిమెంట్​ బుల్లిష్​గా ఉంది. స్వల్పకాలంలో సూచీ 26,000-26,200 వరకు వెళ్లొచ్చు. 25,700 వద్ద కీలక సపోర్ట్​ ఉంది,” అని ఎల్​కేపీ సెక్యూరిటీస్​ సీనియర్​ టెక్నికల్​ ఎనలిస్ట్​ రూపక్​ దే తెలిపారు.

అమెరికా స్టాక్​ మార్కెట్​లు..

బుధవారం ట్రేడింగ్​ సెషన్​ని అమెరికా స్టాక్​ మార్కెట్​లు నష్టాల్లో ముగించాయి. డౌ జోన్స్​ 0.71 శాతం పతనమైంది. ఎస్​ అండ్​ పీ 500​ 0.53శాతం పడింది. టెక్​ ఇండెక్స్​ నాస్​డాక్ 0.93 శాతం డౌన్​ అయ్యింది.

ఆసియా స్టాక్​ మార్కెట్​లు గురువారం ట్రేడింగ్​ సెషన్​లో నష్టాల్లో కొనసాగుతున్నాయి.

స్టాక్స్​ టు బై..

గోదావరి పవర్​ అండ్​ ఇస్పాట్​ లిమిటెడ్​- బై రూ. 252.35, స్టాప్​ లాస్​ రూ. 240, టార్గెట్​ రూ. 275

నేషనల్​ అల్యుమీనియం కంపెనీ (నాల్కో)- బై రూ. 226.03, స్టాప్​ లాస్​ రూ. 215, టార్గెట్​ రూ. 245

ఐఈఎక్స్​- బై రూ. 138, స్టాప్​ లాస్​ రూ. 132, టార్గెట్​ రూ. 146

హౌజింగ్​ అండ్​ అర్బన్​ డెవలప్​మెంట్​ కార్పొరేషన్​ (హుడ్​కో)- బై రూ. 229, స్టాప్​ లాస్​ రూ. 223, టార్గెట్​ రూ. 240

ఇన్ఫోసిస్​- బై రూ. 1461, స్టాప్​ లాస్​ రూ. 1420, టార్గెట్​ రూ. 1520

(గమనిక:- ఇవి నిపుణుల అభిప్రాయాలు మాత్రమే. హిందుస్థాన్​ టైమ్స్​ తెలుగుకు ఎలాంటి సంబంధం లేదు. ఏదైనా ట్రేడ్​ తీసుకునే ముందు ట్రేడర్లకు సొంతంగా ఎనాలసిస్​ ఉండటం శ్రేయస్కరం.)