E-Paper
సింగిల్ ఛార్జ్తో 320 కి.మీ రేంజ్- అదిరిపోయే బుకింగ్స్ పొందిన ఈ ఎలక్ట్రిక్ బైక్పై బిగ్ అప్డేట్!
ఎక్స్47 క్రాసోవర్ ఎలక్ట్రిక్ బైక్ డెలివరీలను ప్రారంభించింది అల్ట్రావైలెట్. ఈ బైక్ గరిష్ఠంగా 323 కి.మీ రేంజ్ని ఇస్తుంది. అంతేకాదు ఇందులో అనేక భద్రతా ఫీచర్స్ ఉన్నాయి. పూర్తి వివరాలను ఇక్కడ చూసేయండి..
బెంగళూరుకు చెందిన ప్రముఖ ఎలక్ట్రిక్ వాహనాల తయారీ సంస్థ అల్ట్రావైలెట్ ఆటోమోటివ్ తమ సరికొత్త ఎలక్ట్రిక్ ఎక్స్47 క్రాసోవర్ మోడల్ డెలివరీలను ప్రారంభించింది. ఈ బైక్ను ఆవిష్కరించిన కొద్ది వారాల్లోనే కస్టమర్లకు అందించడం విశేషం. ఇంతకుముందు పర్ఫార్మెన్స్ ఎఫ్77 మోటార్సైకిల్తో గుర్తింపు పొందిన ఈ కంపెనీ, ఇప్పుడు ఎక్స్47 ద్వారా పెద్ద మార్కెట్ను లక్ష్యంగా చేసుకుంటోంది. ఎక్స్47 బైక్ని పూర్తిగా భారతదేశంలోనే డిజైన్, అభివృద్ధి, తయారీ చేయబడం జరిగింది. ఇది అల్ట్రావైలెట్ ఇంజనీరింగ్ సామర్థ్యాన్ని చాటిచెబుతోంది.
ఈ ఎలక్ట్రిక్ బైక్ బుకింగ్లు ప్రారంభించిన మొదటి 24 గంటల్లోనే 3,000కు పైగా బుకింగ్లు వచ్చాయని సమాచారం. హై-పర్ఫార్మెన్స్ బైక్ల మీద ఆసక్తి ఉన్న వారిని మాత్రమే టార్గెట్ చేసే అల్ట్రావైలెట్ సంస్థ, ఇప్పుడు ఎక్స్47 ద్వారా సాధారణ ఎలక్ట్రిక్ ద్విచక్ర వాహన కొనుగోలుదారుల వైపు అడుగులు వేస్తోంది!
అల్ట్రావైలెట్ ఎక్స్47 క్రాసోవర్: ధరలు, వేరియంట్లు..
అల్ట్రావైలెట్ ఎక్స్47 క్రాసోవర్ మొత్తం నాలుగు వేరియంట్లలో లభిస్తుంది. అవి ఒరిజినల్, ఒరిజినల్+, రెకాన్, రెకాన్+. వీటి ఎక్స్-షోరూమ్ ధరలు రూ. 2.49 లక్షల నుంచి రూ. 3.99 లక్షల మధ్య ఉన్నాయి.
ఒరిజినల్, ఒరిజినల్+ వేరియంట్లలో 7.1 కేడబ్ల్యూహెచ్ బ్యాటరీ ప్యాక్ ఉంటుంది. రెకాన్, రెకాన్+ వేరియంట్లలో దీని కంటే పెద్దదైన 10.3 కేడబ్ల్యూహెచ్ బ్యాటరీ యూనిట్ లభిస్తుంది.
భారతదేశంలోని కొన్ని ప్రధాన నగరాల్లో అధికారికంగా డెలివరీలు మొదలయ్యాయి. పెరుగుతున్న ఆర్డర్లకు అనుగుణంగా ఉత్పత్తిని సైతం క్రమంగా పెంచుతామని కంపెనీ ప్రకటించింది. నిర్దిష్ట నగరాల వారీగా సంఖ్యలను అల్ట్రావైలెట్ విడుదల చేయనప్పటికీ, ఈ దశలవారీ డెలివరీ విధానం ఎక్కువ సంఖ్యలో బైక్లను ఉత్పత్తి చేసే ముందు ప్రారంభ డెలివరీలను, కస్టమర్ అనుభవాలను పకడ్బందీగా చేయాలనే దాని ప్రాధాన్యతను సూచిస్తుంది.
అల్ట్రావైలెట్ ఎక్స్47 క్రాసోవర్- ఆకర్షణీయమైన డిజైన్..
డిజైన్ విషయానికి వస్తే, అల్ట్రావైలెట్ ఎక్స్47 క్రాసోవర్ ఒక అడ్వెంచర్ బైక్ను పోలినట్టు ఉంటుంది. దాని గంభీరమైన స్టాన్స్, లేయర్డ్ బాడీవర్క్, వెడల్పాటి హ్యాండిల్బార్ దీనికి ప్రత్యేకమైన రూపాన్ని ఇస్తాయి.
ఈ ఎలక్ట్రిక్ బైక్ని ఎఫ్77 ఆర్కిటెక్చర్ ఆధారంగా రూపొందించినప్పటికీ, కాస్ట్-అల్యూమినియం సబ్ఫ్రేమ్, అప్డేట్ చేసిన స్టీరింగ్ జియోమెట్రీతో విభిన్నంగా ఉంటుంది.
దాదాపు 200 ఎంఎం గ్రౌండ్ క్లియరెన్స్తో, ఎక్స్47 బైక్ కఠినమైన పట్టణ రోడ్లు, చిన్నపాటి ఆఫ్-రోడ్ ట్రయల్స్కు సిద్ధంగా ఉంది. అయితే, సాధారణ పెట్రోల్ అడ్వెంచర్ మోటార్సైకిళ్ల కంటే ఇది కొంత బరువుగా ఉంటుంది!
ఈ ఈ- బైక్ రైడింగ్ పొజిషన్ను సుదీర్ఘ ప్రయాణాలకు అనుగుణంగా సౌకర్యవంతంగా మార్చారు. హ్యాండిల్బార్ న్యూట్రల్గా అందుబాటులో ఉంటుంది.
మొత్తం మీద ఈ బైక్ స్పోర్టీ పర్ఫార్మెన్స్, రోజువారీ ప్రాక్టికల్ ఉపయోగం మధ్య తేడాను తగ్గిస్తుందని చెప్పవచ్చు.
అల్ట్రావైలెట్ ఎక్స్47 క్రాసోవర్- ఇంజన్, బ్యాటరీ సామర్థ్యం..
ఎక్స్47 బైక్లో పర్మనెంట్-మాగ్నెట్ సింక్రోనస్ ఎలక్ట్రిక్ మోటార్ను ఉపయోగించారు. దీనికి రెండు బ్యాటరీ ప్యాక్ ఎంపికలు జత చేశారు. అవి..
7.1 కేడబ్ల్యూహెచ్ (చిన్నది)- 211 కి.మీ రేంజ్
10.3 కేడబ్ల్యూహెచ్ (పెద్దది)- 323 కి.మీ రేంజ్
రెకాన్+ సుమారు ఎనిమిది సెకన్లలో 0 నుంచి 100 కేఎంపీహెచ్ వేగాన్ని అందుకోగలదు. దీని గరిష్ట వేగం 145 కేఎంపీహెచ్.
ఈ బైక్లో ఇంటి వద్ద ఛార్జింగ్ కోసం 1.6 కేడబ్ల్యూ ఆన్బోర్డ్ ఛార్జర్ ఉంది. తక్కువ సమయంలో ఛార్జింగ్ చేయాలనుకునే వారి కోసం వేగవంతమైన ఛార్జింగ్ సొల్యూషన్స్కు కూడా ఇందులో అవకాశం ఉంది.
అత్యాధునిక ఫీచర్లు: యూవీ హైపర్సెన్స్ రాడార్ టెక్నాలజీ..
అల్ట్రావైలెట్ ఎక్స్47 క్రాసోవర్ ఎలక్ట్రిక్ బైక్ దాని సామర్థ్యంతో పాటు, ఈ సెగ్మెంట్లో పరిచయం చేసిన అత్యాధునిక సాంకేతికత కారణంగా ప్రత్యేకంగా నిలుస్తుంది.
దీని ముఖ్య ఫీచర్లలో ఒకటి రాడార్ ఆధారిత భద్రతా వ్యవస్థ, దీనిని UV Hypersense అని పిలుస్తారు. ఈ ధరలో ఉన్న మోటార్సైకిళ్లలో ఈ ఫీచర్ చాలా అరుదు.
ఈ వ్యవస్థలో వెనుక నుంచి ఢీకొనే ప్రమాదాలకు హెచ్చరిక, బ్లైండ్-స్పాట్ అలర్ట్లు, లేన్-చేంజ్ అసిస్టెన్స్ వంటి ఫీచర్లు ఉన్నాయి.
ముందు భాగంలో 200 మీటర్ల వరకు వాహనాలను గుర్తించి, ట్రాక్ చేయగల సామర్థ్యం దీనికి ఉంది. ఇది నగరాలు, హైవేల్లో రైడర్కు అదనపు భద్రతను అందిస్తుంది.
ఇతర ఫీచర్లు..
- మల్టీ-లెవెల్ ట్రాక్షన్ కంట్రోల్
- స్విచ్చెబుల్ డ్యూయల్-ఛానల్
- హిల్-హోల్డ్ అసిస్టెన్స్
- తొమ్మిది-దశల రీజనరేటివ్ బ్రేకింగ్
సమాచార ప్రదర్శన కోసం 5-ఇంచ్ ఫుల్లీ కలర్ టీఎఫ్టీ డిస్ప్లేని ఈ ఎలక్ట్రిక్ బైక్లో అందించారు. ఇది బ్లూటూత్ కనెక్టివిటీ, నావిగేషన్ సామర్థ్యం, లైవ్ డయాగ్నస్టిక్ సమాచారాన్ని అందిస్తుంది. ఎక్కువ ధర ఉన్న వేరియంట్లలో సోనీ సెన్సార్లతో డ్యూయల్ డ్యాష్ కెమెరాలు, ఇంటిగ్రేటెడ్ స్టోరేజ్ కూడా లభిస్తాయి. దీని ద్వారా రైడర్లు తమ ప్రయాణాలను రికార్డ్ చేసుకోవచ్చు.
అదనంగా, ఈ ఎక్స్47 క్రాసోవర్లో మూడు ప్రధాన రైడింగ్ మోడ్లు ఉన్నాయి. అవి గ్లైడ్, కాంబాట్, బాలిస్టిక్. ఇవి రైడర్ అవసరాలకు అనుగుణంగా పవర్ డెలివరీ, థ్రాటిల్ ప్రతిస్పందన, రీజనరేషన్ తీవ్రతను ఇవి మారుస్తాయి.
