గ్యాస్ స్టవ్ మీద పాలు పొంగిపోకుండా 5 సింపుల్ చిట్కాలు

పాలు వేడిచేసే పాత్రలో ఒక చెక్క గరిటెను ఉంచి వేడి చేయండి. గరిటె వేడిని సమానంగా పంచి, ఆవిరి బయటకు రావడానికి సహాయపడుతుంది. దీనివల్ల పాలు విరిగిపోకుండా ఉంటాయి.

పాలు పోయడానికి ముందు, మీ వేలితో పాత్ర అంచు చుట్టూ కొద్దిగా నూనె లేదా నెయ్యి రాయండి. ఇది ఒక అడ్డుగోడలా పనిచేస్తుంది. పాలు ఆ ప్రాంతానికి అంటుకుని ఆగిపోతాయి.

పాత్ర బయటి అంచు చుట్టూ తడి గుడ్డను చుట్టి, ఆ తర్వాత పాలు పోయండి. తడి గుడ్డ చల్లగా ఉంటుంది కాబట్టి పాలు అంత త్వరగా మరిగి.. పొంగిపోవు. ఈ చిట్కా మన అమ్మమ్మల కాలం నుండి వాడుకలో ఉంది.

సగం నిండిన చిన్న పాత్రలో పాలను ఎప్పుడూ వేడి చేయవద్దు. పాల పరిమాణానికి రెండింతలు పెద్దగా ఉండే, మందపాటి అడుగు ఉన్న పాత్రను వాడండి. మందపాటి అడుగు వేడిని సమానంగా పంచి, పాలు మాడిపోకుండా నివారిస్తుంది.

పాలను మధ్యస్థ మంట మీద పెట్టి మరిగే వరకు వేచి ఉండి, ఆ తర్వాత సిమ్‌లో పెట్టండి. ప్రతి నిమిషానికి అంచున ఉన్న పొరను ఒక చెంచాతో విడదీసి కలపండి. ఇలా చేయడం వల్ల, పైన పొర ఏర్పడదు. అంత ఈజీగా పాలు పొంగవు.