ఈ నటి కూతురు పెట్రోల్ బంకులో కాఫీ అమ్మింది.. తర్వాత పెద్ద స్టార్‌గా మారి 5 నేషనల్ అవార్డులు గెలిచింది.. ఎవరో తెలుసా?

ఈ బాలీవుడ్ నటి మంచి చదువుకున్న కుటుంబంలో నుంచి వచ్చినదే. కానీ పెట్రోలు బంకులో కాఫీలు కూడా అమ్మంది. తర్వాత తన నటనతో ఎంతో మంది అభిమానులను సొంతం చేసుకుంది.

ఆమె మరెవరో కాదు బాలీవుడ్ నటి షబానా అజ్మి. ఆమె 1950లో జన్మించింది. ఆమె తల్లిదండ్రుల పేర్లు కైఫీ అజ్మీ, షౌకత్ అజ్మీ. తండ్రి కవి కాగా.. తల్లి నటి.

అలాంటి కుటుంబం నుంచి వచ్చినా కూడా తల్లిదండ్రులపై ఆధారపడకూడదు అనుకుంది షబానా. కాలేజీలో చేరడానికి ముందు పెట్రోల్ బంకులో పని చేయడం మొదలుపెట్టింది. కాఫీలు అమ్మి రోజుకు రూ.30 సంపాదించేది.

షబానా కుటుంబానికి డబ్బు కొరత లేదు. ఆమె తల్లి షౌకత్ అజ్మీ రంగస్థల కళాకారిణి, నటి. అయినా ఆమె తన తల్లిదండ్రుల సహాయం తీసుకోలేదు.

షబానా 1974లో అంకుర్ సినిమాతో బాలీవుడ్ లోకి అడుగుపెట్టింది. ఈ సినిమాకు గాను ఆమెకు జాతీయ అవార్డు లభించింది.

ఆ తర్వాత ఆమె మొత్తంగా 5 జాతీయ అవార్డులను గెలుచుకుంది. కెరీర్ మొత్తం అద్భుతమైన నటనతో ఆకట్టుకుంది.

షబానా వ్యక్తిగత జీవితం కూడా చాలా చర్చనీయాంశమైంది. అప్పటికే పెళ్లి చేసుకున్న ప్రముఖ బాలీవుడ్ రచయిత జావెద్ అక్తర్ తో ప్రేమలో పడింది. తర్వాత వారిద్దరూ వివాహం చేసుకున్నారు. ఐఎండీబీ రిపోర్టు ప్రకారం వీరిద్దరి సంపద విలువ రూ.206 కోట్లు.

షబానా చివరిగా రాకీ అండ్ రాణీ లవ్ స్టోరీలో కనిపించింది. అందులో ఆమె ధర్మేంద్రతో ముద్దు సీన్ లో నటించడం సంచలనం రేపింది.