అక్కినేని అఖిల్ పెళ్లి ఫొటోలు చూశారా? సోషల్ మీడియాలో వైరల్

అక్కినేని అఖిల్ ఓ ఇంటివాడయ్యాడు. శుక్రవారం (జూన్ 6) తన ప్రియురాలు జైనాబ్ రవ్జీనీ పెళ్లి చేసుకున్నాడు. ఉదయం సన్నిహితుల మధ్య మూడు ముళ్ల బంధంతో వీళ్లు ఒక్కటయ్యారు.

అఖిల్, జైనాబ్ ఎంగేజ్ మెంట్ గతేడాది జరిగింది. ఈ విషయాన్ని నవంబర్ 26న సోషల్ మీడియాలో అఖిల్ అనౌన్స్ చేశాడు.

అఖిల్, జైనాబ్ రెండేళ్లుగా ప్రేమించుకున్నారు. ఇప్పుడు మూడు ముళ్లతో ఒక్కటయ్యారు. పారిశ్రామిక వేత్త జుల్ఫి రవ్జీ తనయ జైనాబ్. ఆమె పెయింటింగ్ ఆర్టిస్ట్. సోషల్ మీడియా ఇన్ ఫ్లుయెన్సర్ గా ఫేమస్ అయ్యారు.

శుక్రవారం ఉదయం జూబ్లిహిల్స్ లోని నాగార్జున నివాసంలో అఖిల్, జైనాబ్ పెళ్లి జరిగింది. ఈ సందర్భంగా అఖిలతో పాటు తల్లిదండ్రులు నాగార్జున, అమల ఇలా పూజలో పాల్గొన్నారు.

అఖిల్, జైనాబ్ పెళ్లికి చిరంజీవి దంపతులు, రామ్ చరణ్ దంపతులు అటెండ్ అయ్యారు. వీళ్ల రిసెప్షన్ వేడుక జూన్ 8న అన్నపూర్ణ స్టూడియోస్ లో ఘనంగా నిర్వహించనున్నారు.