పసుపు పొడి ట్రెండ్.. దీనితో మీ ఇంటినే కాదు.. చర్మాన్ని కూడా మెరిసేలా చేసుకోవచ్చు!

ఫేస్‌బుక్, ఇన్‌స్టాగ్రామ్, యూట్యూబ్ ఓపెన్ చేస్తే కొన్ని రోజుల నుంచి పసుపు పొడి నీటిలో కలిపే ట్రెండ్ వీడియోలు వైరల్ అవుతున్నాయి. సెల్ ఫోన్ టార్చ్ ఆన్ చేసి మీద నీటితో ఉన్న గాజు గ్లాస్ పెట్టి అందులో పసుపు పొడి పోయాలి. గది అంతా చీకటిగా ఉండాలి. గ్లాస్ కింద ఫోన్ ఫ్లాష్ లైట్‌లో నెమ్మదిగా పసుపు పొడి పసుపు నీటిలో కలిసిపోతుంది. ఫ్లాష్ లైట్ వెలుతురులో కళ్లలోని పసుపురంగు మెరుపు వ్యాపిస్తోంది. చీకటి గది వెలుగుతున్నట్లు అనిపిస్తుంది.

అలాంటి మెరుపు మీ చర్మానికి కూడా పొందవచ్చు. పసుపు పొడి కాకుండా పచ్చి పసుపును ప్రత్యేకంగా వాడాలి. పసుపులో కర్కుమిన్ అనే శక్తివంతమైన శోథ నిరోధక లక్షణాలు ఉన్నాయి. చర్మం ఎరుపు, వాపు, చికాకును తగ్గించడంలో ఇది చాలా ప్రభావవంతంగా ఉంటుంది. మొటిమల సమస్యలు, వడదెబ్బ చర్మం లేదా అలెర్జీల వల్ల కలిగే మంటను తొలగించడానికి పసుపు బాగా ఉపయోగపడుతుంది.

పసుపు నేచురల్ యాంటీ సెప్టిక్, యాంటీ బ్యాక్టీరియల్ గా పనిచేస్తుంది. ఇది మొటిమలకు కారణమయ్యే బ్యాక్టీరియాను నాశనం చేయడానికి సహాయపడుతుంది. స్కిన్ ఇన్ఫెక్షన్స్ నివారిస్తుంది. పసుపు కోతలు లేదా చిన్న గాయాలకు చికిత్స చేయడానికి కూడా ఉపయోగిస్తారు.

ముఖ్యంగా చర్మకాంతిని పెంచడంలో, డార్క్ స్పాట్స్ తగ్గించడంలో పసుపు ఎఫెక్టివ్‌గా పనిచేస్తుంది. పసుపును రెగ్యులర్‌గా ఉపయోగించడం వల్ల స్కిన్ టోన్ మెరుగుపడుతుంది. పిగ్మెంటేషన్‌ను కాంతివంతం చేస్తుంది. చర్మానికి నేచురల్ గ్లోను అందిస్తుంది. ఇది మెలటోనిన్ ఉత్పత్తిని నియంత్రించడం ద్వారా చర్మం ప్రకాశాన్ని పెంచుతుంది.

జిడ్డు చర్మం, మొటిమలు ఉన్నవారికి పసుపు చాలా ప్రయోజనకరంగా ఉంటుంది. ఇది చర్మంలో నూనె ఉత్పత్తిని నియంత్రించడంలో సహాయపడుతుంది. అదనపు సెబమ్ పేరుకుపోకుండా నిరోధిస్తుంది.