బిగ్ బాస్ 9 తెలుగులో రఫ్పాడిస్తున్న తెలుగు సీరియల్ హీరోయిన్- ఉత్తమ నటిగా అవార్డ్- ఎవరీ ఆయేషా జీనత్? ఆమె సినిమాలు, షోలు!

బిగ్ బాస్ తెలుగు 9 సీజన్ జోరుగా సాగుతోంది. ప్రస్తుతం హౌజ్‌లో 15 మంది కంటెస్టెంట్స్ ఉన్నారు. వీరిలో వైల్డ్ కార్డ్‌తో ఎంట్రీ ఇచ్చిన కంటెస్టెంట్స్ ఉన్నారు. అక్టోబర్ 12న బిగ్ బాస్ తెలుగు 9 గ్రాండ్ లాంచ్ 2.Oతో ఎంట్రీ ఇచ్చిన ముద్దుగుమ్మ ఆయేషా జీనత్.

బ్యూటిఫుల్ ఆయేషా జీనత్ తెలుగు బుల్లితెరపై సీరియల్‌తో అట్రాక్ట్ చేసింది. అయితే, ఇప్పటికే బిగ్ బాస్ 9 తెలుగులో మరో సీరియల్ బ్యూటి తనూజ గౌడ ఉంది. ఆమెతోపాటు పలువురు బుల్లితెర సెలబ్రిటీలు సైతం ఆటతో అలరిస్తున్నారు.

వీరందరితో పోటీ పడటానికి రీసెంట్‌గా రాయల్ కార్డ్‌గా ఎంట్రీ ఇచ్చిన ఆయేషా జీనత్ బిగ్ బాస్ హౌజ్‌లో రఫ్పాడిస్తుంది. తన అందచందాలతోనే కాకుండా అరుపులు, టాస్క్‌లతో జోరు చూపిస్తుంది.

ఆయెషా జీనత్ మొదటగా తమిళ సినీ ఇండస్ట్రీతో పరిచయం అయింది. తమిళంలో సీరియల్స్, టీవీ షోలు, సినిమాలతో పాపులర్ అయింది. అంతేకాకుండా బిగ్ బాస్ తమిళ సీజన్ 6లో కూడా పాల్గొని ఎంటర్‌టైన్ చేసింది.

2023లో ఊర్వశివో రాక్షసివో సీరియల్‌తో తెలుగు బుల్లితెరకు హీరోయిన్‌గా పరిచయం అయింది ఆయేషా జీనత్. అయితే, ఆ సీరియల్ ఒక ఏడాదికే అంటే 2024లోనే ముగిసిపోయింది.

ఊర్వశివో రాక్షసివో సీరియల్‌ తర్వాత సావిత్రమ్మ గారి అబ్బాయి అనే మరో సీరియల్ చేసింది ఆయేషా జీనత్. వీటి తర్వాత తెలుగులోనే కిర్రాక్ బాయ్స్ ఖిలాడీ గర్ల్స్ టీవీ షోలో పాల్గొంది. ఈ షోలో కూడా తన గ్లామర్‌, మాటలతో అందరి హృదయాలను కొల్లగొట్టింది ఈ బ్యూటిఫుల్ ఆయేషా.

ఇవే కాకుండా తమిళంలో రాంబో సినిమాలో కూడా నటించింది ఆయేషా జీనత్. తమిళంతోపాటు మలయాళ సినిమాలు కూడా చేస్తోంది ఈ ముద్దుగుమ్మ. మలయాళంలో డాక్టర్ బెన్నట్ చిత్రం చేస్తోంది ఆయేషా.

తమిళంలో స్టార్ హీరో విజయ్ ఆంటోనీతో లాయర్ అనే మూవీ కూడా చేస్తోంది బ్యూటిపుల్ ఆయేషా జీనత్. మరో కోలీవుడ్ సినిమా మోయి విరుందు పోస్ట్ ప్రొడక్షన్ పనులు జరుపుకుంటోంది.

ఇదిలా ఉంటే, 2019లో జీ తెలుగు కుటుంబం విరుతుగల్ పురస్కారాల్లో ఉత్తమ నటిగా అవార్డ్ సైతం అందుకుంది ఆయేషా జీనత్. బెస్ట్ యాక్ట్రెస్‌తోపాటు బెస్ట్ ఆన్ స్క్రీన్ పెయిర్ అవార్డ్ కూడా అందుకుంది ముద్దుగుమ్మ ఆయేషా జీనత్.

ఇలా ఎంతో వెండితెర, బుల్లితెర బ్యాక్‌గ్రౌండ్ ఉన్న ఆయేషా జీనత్ బిగ్ బాస్ తెలుగు 9 సీజన్‌లోకి కంటెస్టెంట్‌గా వైల్డ్ కార్డ్‌తో ఎంట్రీ ఇచ్చింది. బిగ్ బాస్ హౌజ్‌లోకి రాగానే తన గ్లామర్‌తో తెలుగు యూత్ హృదయాలను కొల్లగొట్టింది ఈ ముద్దుగుమ్మ.

ఓవైపు అందంగా, క్యూట్‌గా కనిపిస్తూనే మరోవైపు టాస్క్‌లు బాగా ఆడుతూ అవసరం అయినప్పుడు, అవసరం లేకున్నా తోటి కంటెస్టెంట్స్‌పై అరుస్తూ బాగానే కంటెంట్ ఇస్తోంది ఈ బ్యూటిఫుల్ ఆయేషా జీనత్. మరి ఈ ముద్దుగుమ్మ ఎన్నిరోజులు బిగ్ బాస్ 9 తెలుగు హౌజ్‌లో అలరిస్తుందో చూడాలి.