ధర్మేంద్ర నటించిన టాప్ 7 మూవీస్ ఇవే.. తొలి స్థానంలో ఉన్న సినిమా ఏదో తెలుసా?

బాలీవుడ్ హీ-మ్యాన్ గా ప్రసిద్ధి చెందిన లెజెండరీ నటుడు ధర్మేంద్ర నవంబర్ 24న కన్నుమూసిన విషయం తెలుసు కదా. ారు దశాబ్దాల కెరీర్ లో 600కు పైగా సినిమాలు చేశాడు. కానీ ఐఎండీబీలో అత్యధిక రేటింగ్ లు పొందిన అతని టాప్ 7 సినిమాల గురించి మీకు తెలుసా?

హకీఖత్ - ధర్మేంద్ర నటించిన ఈ హకీఖత్ మూవీ అత్యధిక ఐఎండీబీ రేటింగ్ సినిమాల్లో 7వ స్థానంలో ఉంది. కేవలం రూ.4 కోట్ల వ్యయంతో తెరకెక్కిన ఈ సినిమా రూ.6.25 కోట్లు వసూలు చేసింది. (IMDb రేటింగ్: 7.8)

2007లో విడుదలైన ధర్మేంద్ర నటించిన మల్టీస్టారర్ మూవీ 'జానీ గదర్' బాక్సాఫీస్ వద్ద పెద్దగా వసూలు చేయలేదు. ఈ సినిమా నష్టాలు చవిచూసింది. కానీ టాప్ 7 జాబితాలో 6వ స్థానంలో ఉంది. (IMDb రేటింగ్: 7.8)

ధర్మేంద్ర నటించిన 'సూరత్ ఔర్ సీరత్' మూవీ ఈ జాబితాలో 5వ స్థానంలో ఉంది. 1962లో వచ్చిన ఈ సినిమాకు మంచి రెస్పాన్స్ వచ్చింది. (IMDb రేటింగ్: 7.9)

ధర్మేంద్ర నటించిన మేరా నామ్ జోకర్ ఈ జాబితాలో నాలుగో స్థానంలో నిలిచింది. ఈ చిత్రంలో ధర్మేంద్ర ఒక ముఖ్యమైన పాత్ర పోషించాడు. కానీ అతను ప్రధాన పాత్రలో లేడు. (IMDb రేటింగ్: 7.9)

ఈ టాప్ 7 జాబితాలో బాలీవుడ్ హిస్టారికల్ మూవీ షోలే మూడో స్థానంలో నిలిచింది. ఈ ఇద్దరు హీరోల మూవీలో అమితాబ్ బచ్చన్, ధర్మేంద్ర ప్రధాన పాత్రల్లో నటించారు. (IMDb రేటింగ్: 8.1)

ధర్మేంద్ర 1969లో నటించిన 'సత్యకం' మూవీ రెండో స్థానంలో ఉంది. ఈ సినిమా IMDb రేటింగ్: 8.2.

ధర్మేంద్ర నటించిన 1975 మూవీ చుప్కే చుప్కే టాప్ 7 చిత్రాలలో మొదటి స్థానంలో నిలిచింది. కేవలం రూ.15 లక్షల బడ్జెట్ తో తెరకెక్కిన ఈ చిత్రం ప్రపంచవ్యాప్తంగా రూ.1.50 కోట్ల వసూళ్లు సాధించింది. (IMDb రేటింగ్: 8.3)