E-Paper
Walnuts : మెదడు చురుకుదనం నుంచి గుండె ఆరోగ్యం వరకు.. వాల్‌నట్స్‌తో బోలెడు లాభాలు!
పోషకాల గని అయిన వాల్‌నట్స్‌తో గుండె ఆరోగ్యం మెరుగవుతుంది. రోజూ గుప్పెడు వాల్‌నట్స్ తింటే మెదడు చురుగ్గా పనిచేయడమే కాకుండా బరువు అదుపులో ఉంటుంది. జీర్ణక్రియను మెరుగుపరిచే ఈ సూపర్ ఫుడ్ గురించిన పూర్తి వివరాలు మీకోసం..
View Photos in a new improved layoutప్రకృతి మనకు ప్రసాదించిన అద్భుతమైన పోషకాల గని వాల్‌నట్స్. వీటిలో మొక్కల ఆధారిత ప్రోటీన్లు, పీచుపదార్థం (ఫైబర్), గుండెకు మేలు చేసే మంచి కొవ్వులు పుష్కలంగా ఉంటాయి. ముఖ్యంగా మన శరీరానికి ఎంతో అవసరమైన ఒమేగా-3 ఫ్యాటీ యాసిడ్ అయిన ‘ఆల్ఫా-లినోలెనిక్ యాసిడ్’ వాల్‌నట్స్‌లో చాలా ఎక్కువగా ఉంటుంది. రోజుకు ఒక చిన్న గుప్పెడు (దాదాపు 28 గ్రాములు) వాల్‌నట్స్ తింటే చాలు.. శరీరంలో వాపులు, నొప్పులు తగ్గుతాయి, మెదడు చురుగ్గా పనిచేస్తుంది, జీర్ణవ్యవస్థ కూడా ఎంతో ఆరోగ్యంగా మారుతుంది. వాల్‌నట్స్‌ను రోజూ మన ఆహారంలో భాగం చేసుకోవడం వల్ల ఎలాంటి శాస్త్రీయ ప్రయోజనాలు కలుగుతాయో ఇప్పుడు చూద్దాము..
View Photos in a new improved layoutగుండె ఆరోగ్యం పదిలం- వాల్‌నట్స్ చెడు కొలెస్ట్రాల్, ట్రైగ్లిజరైడ్ల స్థాయిలను తగ్గించి, కొలెస్ట్రాల్ ప్రొఫైల్‌ను మెరుగుపరుస్తాయని అందరికీ తెలిసిందే. వీటిలో ఉండే ఒమేగా-3 ఫ్యాటీ యాసిడ్స్, పాలీఫెనాల్స్ రక్తనాళాలను ఆరోగ్యంగా ఉంచడంలో, రక్తపోటును (బీపీ) అదుపు చేయడంలో అద్భుతంగా సహాయపడతాయి.
View Photos in a new improved layoutమెదడుకు మేత, చురుకైన జ్ఞాపకశక్తి- చూడటానికి మెదడు ఆకారంలోనే ఉండే వాల్‌నట్స్‌ను 'బ్రెయిన్ ఫుడ్' అని పిలుస్తుంటారు. దీనిలోని యాంటీఆక్సిడెంట్లు, విటమిన్ ఈ మెదడు కణాలను దెబ్బతినకుండా కాపాడతాయి. రోజూ వీటిని తినడం వల్ల జ్ఞాపకశక్తి, ఏకాగ్రత పెరుగుతాయని, వయసు పెరగడం వల్ల వచ్చే మానసిక క్షీణత నెమ్మదిస్తుందని పలు అధ్యయనాలు చెబుతున్నాయి.
View Photos in a new improved layoutబరువు నియంత్రణ- వాల్‌నట్స్‌లో క్యాలరీలు ఎక్కువే ఉన్నప్పటికీ.. వీటిలో ఉండే ప్రోటీన్, ఫైబర్, మంచి కొవ్వుల కలయిక వల్ల కడుపు నిండిన అనుభూతి కలుగుతుంది. ఇది మీ ఆకలిని నియంత్రణలో ఉంచి, అతిగా తినకుండా అడ్డుకుంటుంది. తద్వారా బరువు తగ్గాలనుకునే వారికి ఇది మంచి ఎంపికగా మారుతుంది.
View Photos in a new improved layoutజీర్ణక్రియ మెరుగుపడుతుంది, మెరిసే చర్మం లభిస్తుంది- వాల్‌నట్స్ తినడం వల్ల మన పొట్టలో మేలు చేసే ప్రోబయోటిక్ బ్యాక్టీరియా వృద్ధి చెందుతుంది. ఇది మైక్రోబయోమ్‌ను ఆరోగ్యంగా ఉంచి, జీర్ణవ్యవస్థ పనితీరును మెరుగుపరుస్తుంది. ఇక దీనిలోని విటమిన్ ఈ, ఒమేగా-3 ఫ్యాటీ యాసిడ్స్ తల చర్మానికి (స్కాల్ప్) మంచి పోషణను అందిస్తాయి. అలాగే చర్మంలో తేమను కాపాడటం ద్వారా పొడి చర్మం సమస్యను దూరం చేసి, వయసు పైబడిన లక్షణాలు త్వరగా రాకుండా చూస్తాయి.
View Photos in a new improved layoutఎన్ని తినాలి? ఎలా తినాలి?- రోజుకు 12 నుండి 14 వాల్‌నట్ ముక్కలు (సుమారు పావు కప్పు) తినడం ఆరోగ్యానికి ఎంతో మంచిదని పోషకాహార నిపుణులు సూచిస్తున్నారు. వీటిని నేరుగా అయినా తినవచ్చు లేదా ఓట్ మీల్, స్మూతీలలో కలిపి తీసుకోవచ్చు. అయితే, వాల్‌నట్స్ కొద్దిగా చేదుగా అనిపించినా లేదా అరగడం కష్టంగా ఉన్నా.. రాత్రిపూట నీళ్లలో నానబెట్టి, మరుసటి రోజు ఉదయం తినాలని ఆయుర్వేదం వంటి సాంప్రదాయ పద్ధతులు చెబుతున్నాయి. ఇలా చేయడం వల్ల అవి మెత్తబడటమే కాకుండా, వాటిలోని పోషకాలు శరీరానికి మరింత బాగా అందుతాయి.
