ఈ కియా క్యారెన్స్ క్లావిస్ ఈవీలో రెండు బ్యాటరీ ప్యాక్ ఆప్షన్స్ ఉంటాయి. 42 కేడబ్ల్యూహెచ్ బ్యాటరీ ప్యాక్ని ఛార్జ్ చేస్తే 390 కి.మీ వరకు రేంజ్ని ఇస్తుంది. ఇక 51.5 కేడబ్ల్యూహెచ్ బ్యాటర్ ప్యాక్ని ఒక్కసారి ఛార్జ్ చేస్తే 473 కి.మీ వరకు రేంజ్ని ఇస్తుంది. అయితే, ఇది 490 కి.మీ వరకు కూడా వెళుతుందని సంస్థ చెబుతోంది.
కియా తొలి మేడ్-ఇన్- ఇండియా ఎలక్ట్రిక్ కారు ఈ క్యారెన్స్ క్లావిస్ ఈవీ. లాంచ్ తర్వాత ఈ మోడల్ హ్యుందాయ్ క్రెటా ఎలక్ట్రిక్, టాటా కర్వ్ ఈవీ, మహీంద్రా బీఈ6 వంటి ఈవీలతో పోటీ పడుతుంది.
కియా క్యారెన్స్ క్లావిస్ ఈవీలో 6 ఎయిర్ బ్యాగులతో పాటు అనేక అడాస్ లెవల్ 2 సేఫ్టీ ఫీచర్స్ కూడా ఉంటాయి.
కియా క్యారెన్స్ క్లావిస్ ఈవీలో అడ్వాన్స్డ్ టెక్నాలజీ ఫీచర్లకు కొదవే లేదు! ఇందులో పానోరమిక్ సన్రూఫ్, డ్యూయెల్ జోన్ ఆటోమెటిక్ క్లైమేట్ కంట్రోల్, రేర్ ఏసీ వెంట్స్, వెంటిలేటెడ్ ఫ్రెంట్ సీట్స్, వైర్లెస్ ఫోన్ ఛార్జింగ్, అనేక కార్ కనెక్టింగ్ ఫీచర్లు, 360 డిగ్రీ వ్యూ కెమెరా సిస్టెమ్ వంటివి ఉంటాయి.
ఈ ఎలక్ట్రిక్ ఎంపీవీ డిజైన్ క్యారెన్స్ క్లావిస్ ఐసీఈ ఇంజిన్నే పోలి ఉంటుంది. కాగా, ముందువైపు ఛార్జింగ్ పాయింట్ వస్తుంది. కేబిన్లో మాత్రం కొత్త స్టీరింగ్ వీల్, కన్సోల్ వంటివి ఉండొచ్చు.