Heroine: వ‌రుస ఫ్లాప్‌ల హీరోయిన్‌కు బంప‌రాఫ‌ర్‌.. అనిల్ రావిపూడిపైనే ఆశ‌లు.. అదృష్టం మారేనా?

ఈ హీరోయిన్ ఎవరో గుర్తుపట్టారా? తెలుగు, తమిళ, మలయాళంలో సినిమాలు చేస్తున్నా వరుస ఫ్లాప్ లు ఎదుర్కుంటోంది ఈ బ్యూటీ.

ఆ భామనే కృతి శెట్టి. వరుస ఫ్లాప్ లతో సతమతమవుతున్న ఈ బ్యూటీకి ఇప్పుడు బంపరాఫర్ తగిలింది.

విక్టరీ వెంకటేష్, నందమూరి కళ్యాణ్ రామ్ తో బ్లాక్ బస్టర్ డైరెక్టర్ అనిల్ రావిపూడి ఓ సినిమా తీస్తున్నాడు. ఇందులో హీరోయిన్ గా ఈ భామను అనౌన్స్ చేశారు.

కృతి శెట్టి తాజాగా ప్రదీప్ రంగనాథన్ తో ‘లవ్ ఇన్స్యూరెన్స్ కంపెనీ’ అనే సినిమాలో నటించింది. ఈ మూవీ ప్రి రిలీజ్ ఈవెంట్లో అనిల్ రావిపూడి ఈ ప్రకటన చేశాడు.

ఉప్పెనతో తెలుగులో అడుగుపెట్టిన కృతి శెట్టి.. ఫస్ట్ మూవీతోనే హిట్ అందుకుంది. శ్యామ్ సింగరాయ్, బంగార్రాజు సినిమాలు బాగానే ఆడాయి. కానీ ఆ తర్వాత వరుసగా మాచర్ల నియోజకవర్గం, ఆ అమ్మాయి గురించి మీకు చెప్పాలి, ది వారియర్, కస్టడీ, మనమే, ఏఆర్ఎం, వా వాతియార్ సినిమాలు చేసింది. కానీ హిట్ దక్కలేదు.