E-Paper
Hanuman Ansh : 'హనుమాన్ అంశ' సునామీ! 2026లో బాలీవుడ్లో థర్డ్ హయ్యెస్ట్ కలెక్షన్లు..
తక్కువ బడ్జెట్‌తో తెరకెక్కిన ఆధ్యాత్మిక చిత్రం 'హనుమాన్ అంశ' బాక్సాఫీస్ వద్ద సరికొత్త చరిత్ర సృష్టించింది. కేవలం రూ.1.75 కోట్లతో నిర్మించిన ఈ సినిమా రూ.300 కోట్ల మార్కును దాటి 2026లో అత్యధిక వసూళ్లు సాధించిన మూడో హిందీ చిత్రంగా నిలిచింది.
View Photos in a new improved layoutకంటెంట్ బలంగా ఉంటే చిన్న చిత్రాలు కూడా బాక్సాఫీస్ వద్ద ఎంతటి విధ్వంసం సృష్టిస్తాయో మరోసారి రుజువైంది. ఉత్తరాఖండ్‌కు చెందిన ప్రముఖ ఆధ్యాత్మిక గురువు నీమ్ కరోలీ బాబా జీవిత ఆధారంగా తెరకెక్కిన ఆధ్యాత్మిక చిత్రం 'హనుమాన్ అంశ' సినీ వర్గాలను, ప్రేక్షకులను విస్మయానికి గురిచేస్తోంది. విడుదలై ఆరు వారాలు గడుస్తున్నా థియేటర్లలో ఈ సినిమా జోరు తగ్గడం లేదు. అంతేకాదు, ప్రపంచవ్యాప్తంగా ఇప్పటికే రూ.300 కోట్ల క్లబ్‌లో చేరి భారీ వసూళ్లతో దూసుకుపోతోంది.
View Photos in a new improved layoutకేవలం రూ.1.75 కోట్ల అత్యల్ప బడ్జెట్‌తో రూపుదిద్దుకున్న ఈ చిత్రం, పెట్టిన పెట్టుబడికి దాదాపు 150 రెట్ల లాభాలను తెచ్చిపెట్టింది. ఈ అపూర్వ విజయంతో 2026లో అత్యధిక వసూళ్లు సాధించిన హిందీ చిత్రాల జాబితాలో 'ధురంధర్ 2', 'బోర్డర్ 2' తర్వాత మూడో స్థానంలో నిలిచింది.
View Photos in a new improved layoutఈ సినిమా ప్రయాణం ఆరంభంలో అంత సులభంగా సాగలేదు. థియేటర్లలో విడుదలైన తొలి రోజుల్లో బిగ్ బాక్సాఫీస్ పోరును ఎదుర్కొంది. 'బట్వారా 1947', 'ఆవారాపన్ 2' వంటి పెద్ద చిత్రాలు పోటీగా రావడంతో 'హనుమాన్ అంశ' స్క్రీన్ల సంఖ్య ఏకంగా 25కి పడిపోయింది. అయితే భారీ అంచనాలతో వచ్చిన ఇతర సినిమాలు ఆశించిన స్థాయిలో రాణించలేకపోవడంతో, ప్రేక్షకులు నీమ్ కరోలీ బాబా కథ వైపు మొగ్గు చూపారు. సహజమైన మౌత్ టాక్ ప్రచారంతో థియేటర్లకు జనాలు పోటెత్తారు. దానితో డిమాండ్‌కు అనుగుణంగా డిస్ట్రిబ్యూటర్లు ప్రదర్శనల సంఖ్యను, థియేటర్ల సంఖ్యను పెంచుకుంటూ వచ్చారు.
View Photos in a new improved layoutవిశాల్ చతుర్వేది దర్శకత్వంలో తెరకెక్కిన ఈ చిత్రంలో ఉత్తరాఖండ్‌లో పూజలందుకునే ఆధ్యాత్మిక గురువు నీమ్ కరోలీ బాబా (అసలు పేరు లక్ష్మణ్ నారాయణ్ శర్మ) ప్రారంభ జీవితాన్ని ఆవిష్కరించారు. తల్లి మరణంతో తీవ్ర శోకంలో మునిగిపోయిన యంగ్ లక్ష్మణ్ నారాయణ్, దైవాన్వేషణలో ఆధ్యాత్మిక ప్రయాణాన్ని ప్రారంభిస్తాడు. ఉత్తర భారతదేశమంతటా పర్యటిస్తూ జీవితం, మరణం, మానవ సమస్యలకు సమాధానాలు వెతికే క్రమంలో ఆయన నీమ్ కరోలీ బాబాగా ఎలా మారారనేది కథాంశం. ప్రేమ, సేవ, దయ అనే సిద్ధాంతాలతో లక్షలాది మంది జీవితాలను ప్రభావితం చేసిన మహనీయుడి కథను దర్శకుడు అత్యంత మనసుకు హత్తుకునేలా మలిచారు.
View Photos in a new improved layoutఈ చిత్రంలో నీమ్ కరోలీ బాబా పాత్రలో శోభినావ్ సత్య జీవించగా, విహాన్ షెడ్గే, చందన్ కె ఆనంద్, పూర్ణిమ తివారీ, అనిల్ రస్తోగి, గుల్షన్ పాండే, భగవాన్‌దాస్ పటేల్ కీలక పాత్రలు పోషించారు. భారతీయ సినిమాలో భక్తిరస చిత్రాలకు పాఠకులు ఎప్పుడూ బ్రహ్మరథం పడతారని ఈ సినిమా మరోసారి చాటిచెప్పింది.
