దృఢమైన, నిగనిగలాడే జుట్టు కోసం ఇంట్లో తయారు చేసే కరివేపాకు హెయిర్ ఆయిల్

ప్రతి ఒక్కరూ జుట్టు ఆరోగ్యంగా, దృఢంగా, నిగనిగలాడుతూ ఉండాలని కోరుకుంటారు. ఇందుకోసం రకరకాల పద్ధతులను పాటిస్తారు. కానీ చుండ్రు, జుట్టు రాలడం, జుట్టు నెరవడం, తలలో పేలు అనేవి సర్వసాధారణ సమస్యలు. అయితే కరివేపాకు, వేప ఆకులను ఉపయోగించడం ద్వారా చాలా జుట్టు సమస్యల నుంచి బయటపడవచ్చు.

ఇంట్లో అందుబాటులో ఉండే కరివేపాకు, తాజా వేప ఆకులను ఉపయోగించి తల నూనెను ఎలా తయారు చేయాలో తెలుసుకుందాం. వేప ఆకులు, కరివేపాకు, ఏడు నుండి ఎనిమిది మల్లె ఆకులు, పువ్వులు, కొబ్బరి నూనె తీసుకోండి.

ముందుగా మీరు కరివేపాకు, వేప ఆకులు, మల్లె ఆకులు, మల్లె పువ్వులను శుభ్రంగా కడిగి ఎండలో ఆరబెట్టండి. తరువాత వాటిని రుబ్బుకోండి. పొయ్యి మీద గిన్నె పెట్టి కొద్దిగా కొబ్బరి నూనె వేసి వేడి చేయండి. తర్వాత రుబ్బిన మిశ్రమాన్ని వేసి కాస్త మరగనివ్వండి. మరికొంత కొబ్బరి నూనె వేసి కలిపి, మరగనివ్వాలి.

స్టవ్ ఆపి, దాన్ని చల్లారనివ్వండి. కొన్ని టేబుల్ స్పూన్ల నూనె తీసుకుని, మీకు కావలసినప్పుడు మీ జుట్టుకు రాసుకోండి. రాత్రిపూట రాసుకుంటే ఇంకా మంచిది. నుదుటి నుండి జుట్టు చివర్ల వరకు నూనెను పట్టించండి. తర్వాత స్నానం చేయాలి.