హైదరాబాద్ మెట్రో టైమింగ్స్‌లో మార్పులు.. ఇక ఈ టైమ్ నుంచి ఇప్పటివరకు!

హైదరాబాద్ మెట్రో రైలు మరోసారి ప్రయాణ వేళల్లో మార్పులు చేసింది. ఈ మేరకు కొత్త సవరణ సమయం నవంబర్ 3వ తేదీ నుంచి అమల్లోకి వస్తుంది.

సవరించిన ప్రయాణ వేళల ప్రకారం వారంలోని అన్నిరోజుల్లో, అన్ని టెర్మినల్ స్టేషన్ల నుంచి మెట్రో సేవలు ఉదయం 6:00 గంటల నుంచి రాత్రి 11:00 గంటల వరకు నడుస్తాయని నోటిఫికేషన్‌లో పేర్కొన్నారు.

కొత్తగా సవరించిన ప్రయాణ వేళలు నవంబరు 3వ తేదీ నుంచి అమల్లోకి వస్తాయని హైదరాబాద్ మెట్రో ప్రకటించింది. ఈ విషయాన్ని మెట్రో ప్రయాణికులు గమనించాలని అధికారులు ఓ ప్రకటన విడుదల చేశారు.

అయితే ప్రస్తుతం సమయాలు వేర్వేరుగా ఉన్నాయి. సోమవారం నుంచి శుక్రవారం వరకు ఉదయం 6 గంటల నుంచి రాత్రి 11.45 వరకు నడుస్తాయి. అదే శనివారం ఉదయం 6 గంటల నుంచి రాత్రి 11 గంటల వరకు ఉంటాయి. ఇక ఆదివారం మాత్రం ఉదయం 7 గంటల నుంచి రాత్రి 11 గంటల వరకు నడుస్తున్నాయి. కానీ ఈ సమయాలు నవంబర్ 3 నుంచి మారుతాయి. ఉదయం 6 నుంచి రాత్రి 11 గంటల వరకు నడుస్తాయి.