E-Paper
Hyundai Bayon : హ్యుందాయ్ కొత్త ఎస్యూవీ లాంచ్ రేపే- రూ. 9.5లక్షలకు బేయాన్!
భారత మార్కెట్లో హ్యుందాయ్ మోటార్స్ తన సరికొత్త ఎస్యూవీ 'బేయాన్'ని అక్టోబర్ 26న లాంచే చేసి, ధరలను వెల్లడించనుంది. ఈ నేపథ్యంలో వెన్యూ, క్రెటా కార్ల మధ్య విభాగాన్ని లక్ష్యంగా చేసుకుని వస్తున్న ఈ క్రాస్‌ఓవర్ ఎస్యూవీ విశేషాలను ఇక్కడ చూసేయండి..
View Photos in a new improved layoutఈ సరికొత్త హ్యుందాయ్ బేయాన్ క్రాస్‌ఓవర్ ఎస్యూవీ కొనుగోలుపై ఆసక్తి ఉన్న వినియోగదారులు రూ. 11,000 టోకెన్ అమౌంట్ చెల్లించి సంస్థ అధికారిక వెబ్‌సైట్ ద్వారా లేదా సమీపంలోని డీలర్‌షిప్‌లలో బుకింగ్ చేసుకోవచ్చు. కస్టమర్ ప్రీవ్యూ, టెస్ట్ డ్రైవ్‌ల కోసం ఇప్పటికే ఈ కారు హైదరాబాద్, విజయవాడ సహా తెలుగు రాష్ట్రాల్లోని ప్రధాన నగరాల్లో ఉన్న హ్యుందాయ్ షోరూమ్‌లకు చేరుకుంది. అక్టోబర్ 26న అధికారిక విడుదల ముగిసిన వెంటనే, నవంబర్ మొదటి వారం నుంచి వాహనాల డెలివరీలను కంపెనీ ప్రారంభించనుంది!
View Photos in a new improved layoutకంపెనీ ఈ బేయాన్ ఎస్‌యూవీని మొత్తం 5 రకాల వేరియంట్లలో మార్కెట్లోకి తీసుకువస్తోంది. అవి — HX2, HX4, HX6, HX8, HX10. భారత మార్కెట్లో ఈ కారు ధర (ఎక్స్-షోరూమ్) రూ. 9.5 లక్షల నుంచి ప్రారంభమై, టాప్-ఎండ్ మోడల్ రూ. 15.5 లక్షల వరకు ఉండే అవకాశం ఉందని మార్కెట్ విశ్లేషకులు భావిస్తున్నారు. ఆటోమొబైల్ విభాగంలో కొత్త సాంకేతికతను కోరుకునే యువతకు, బడ్జెట్‌లో లగ్జరీ అనుభూతిని కోరుకునే కుటుంబాలకు ఇది సరైన ఎంపికగా మారుతుందని అభిప్రాయపడుతున్నారు.
View Photos in a new improved layoutBayon will feature Hyundai’s latest design language.
View Photos in a new improved layout4.25 మీటర్ల పొడవుతో వచ్చే ఈ బేయాన్ విశాలమైన క్యాబిన్ స్థలం లభిస్తుంది.
దీని పొడవు 4245 ఎంఎం, వెడల్పు 1810 ఎంఎం, ఎత్తు 1605 ఎంఎం, వీల్‌బేస్ 2600 ఎంఎం, గ్రౌండ్ క్లియరెన్స్ 205 ఎంఎం (మన రోడ్లపై ఉన్న గుంతలు, స్పీడ్ బ్రేకర్లను సులువుగా దాటేందుకు ఇది ఉపయోగపడుతుంది) బూట్ స్పేస్ 505 లీటర్లు. 43 లీటర్ల ఫ్యూయల్ ట్యాంక్ దీని సొంతం.
View Photos in a new improved layoutహ్యుందాయ్ తన 'ఆర్ట్ ఆఫ్ స్టీల్' డిజైన్ శైలితో బేయాన్‌ను రూపొందించింది. బోనెట్‌పై పదునైన గీతలు, క్రాస్‌ఓవర్ రూఫ్‌లైన్, హెచ్-ఎడ్జ్ ఎల్‌ఈడీ హెడ్‌లాంప్‌లు, టెయిల్-లాంప్‌లు కారుకు స్పోర్టీ లుక్‌ను ఇస్తాయి. ఇంటీరియర్‌లో డ్యూయల్ 12.3-అంగుళాల కర్వ్‌డ్ పానోరమిక్ డిస్‌ప్లే ప్రత్యేక ఆకర్షణగా నిలుస్తుంది. ఇందులో ఒక స్క్రీన్ ఇన్ఫోటైన్‌మెంట్ కోసం, మరొకటి డిజిటల్ ఇన్‌స్ట్రుమెంట్ క్లస్టర్‌గా పనిచేస్తుంది. జెనరేటివ్ ఏఐ వాయిస్ అసిస్ట్, వెంటిలేటెడ్ ఫ్రంట్ సీట్లు, 8-స్పీకర్ల బోస్ సౌండ్ సిస్టమ్, పనోరమిక్ సన్‌రూఫ్ దీని సొంతం.
View Photos in a new improved layoutభద్రత పరంగా ఈ కారులో లెవెల్-2 అడాస్ సాంకేతికతను జోడించారు. అడాప్టివ్ క్రూయిజ్ కంట్రోల్, లేన్ అసిస్ట్, అటానమస్ ఎమర్జెన్సీ బ్రేకింగ్ వంటి 23 రకాల అడ్వాన్స్‌డ్ భద్రతా ఫీచర్లు ఇందులో ఉన్నాయి. వీటితో పాటు 360-డిగ్రీ కెమెరా, బ్లైండ్-స్పాట్ వ్యూ మానిటర్, 6 ఎయిర్‌బ్యాగ్‌లు, ఈఎస్సీ, టైర్ ప్రెజర్ మానిటరింగ్ సిస్టమ్ (టీపీఎంఎస్) వంటి ఫీచర్లతో ప్రయాణికులకు పూర్తి రక్షణ లభిస్తుంది. లాంచ్ అనంతరం ఈ హ్యుందాయ్ బేయాన్ పూర్తి వివరాలు అందుబాటులోకి వస్తాయి.
