ఇండియాలో నెంబర్ 1గా యంగ్ హీరో- టాప్ 10లో లేని ఒక్క తెలుగు హీరో- రష్మిక, తృప్తి డిమ్రి, రుక్మిణి ఏ స్థానాల్లో ఉన్నారంటే?

2025 సంవత్సరం పూర్తి కావడానికి ఇంకా కొద్ది రోజులు మాత్రమే ఉన్నాయి. ఇలాంటి పరిస్థితుల్లో ఐఎమ్‌డీబీ 2025 ప్రముఖ భారతీయ స్టార్ల జాబితాను విడుదల చేసింది. ఈ జాబితాలో 2 కొత్త నటులు అగ్రస్థానంలో ఉన్నారు. అయితే సూపర్ స్టార్స్ అందరిని పక్కన పెట్టి ఓ యంగ్ హీరో టాప్ 1లో ఉండటం విశేషంగా మారింది. అలాగే, తెలుగు హీరోలు ఏ ఒక్కరు కూడా ఆ టాప్ 10లో లేకపోవడం గమనార్హం.

అహాన్ పాండే- సయారా హీరో అహాన్ పాండే ఐఎమ్‌డీపీ ప్రకారం అగ్రస్థానంలో ఉన్నారు. ఈ చిత్రం 2025 సంవత్సరంలో బాగా ప్రాచుర్యం పొందింది. ఇది అహాన్ పాండే తొలి చిత్రం. ఈ సినిమాలో అహాన్ పాండే యువకుల హృదయాలను గెలుచుకున్నాడు. దీంతో అహన్ టాప్ 1లో ఉండేందుకు కలిసి వచ్చింది.

అనిత్ పడ్డా - సయ్యారా మూవీ హీరోయిన్ అనిత్ పడ్డా ఐఎమ్‌డీబీ జాబితాలో రెండో స్థానంలో ఉంది. అహాన్ పాండే, అనీత్ పడ్డా ఇద్దరి కెమిస్ట్రీతో సయ్యారా బ్లాక్ బస్టర్ హిట్ అందుకుంది. దీంతో ఈ జంట పేరు మారుమోగిపోయింది.

ఐఎండీబీ పాపులర్ లిస్ట్‌లో అమీర్ ఖాన్ మూడో స్థానంలో ఉన్నాడు. 2025 సంవత్సరపు హిట్ చిత్రాలలో అతని సితారే జమీన్ పర్ సినిమా ఉంది. ఈ సినిమా హక్కులను అమీర్ ఓటీటీకి ఇవ్వలేదు. కాగా స్టార్ హీరోల్లో అమీర్ ఒక్కడే ఐఎండీబీ జాబితాలో ఉన్నాడు.

ఇషాన్ ఖట్టర్- ఇషాన్ ఖట్టర్ ఐఎండీబీ ప్రముఖ భారతీయ స్టార్ల జాబితాలో నాలుగో స్థానంలో నిలిచాడు. హోమ్ బౌండ్ సినిమా వల్లే ఆయనకు ఈ స్థానం దక్కింది.

లక్ష్య లాల్వానీ- బాలీవుడ్ నటుడు లక్ష్య లాల్వానీ కూడా ఈ సంవత్సరం ముఖ్యాంశాల్లో నిలిచాడు. ఫలికంగా ఐఎండీబీ జాబితాలో లక్ష్య 5వ స్థానం అందుకున్నాడు.

రష్మిక మందన్న- రష్మిక మందన్నా సినీ కెరీర్ ఈ ఏడాది చాలా బాగుంది. ఛావా, సికందర్, థామా, ది గర్ల్ ఫ్రెండ్ వంటి చిత్రాలతో నేషనల్ క్రష్ ఎక్కువగా వార్తల్లో నిలిచింది. ఫలితంగా బ్యూటిఫుల్ రష్మిక ఐఎండీబీ జాబితాలో 6వ స్థానంలో నిలిచింది.

కళ్యాణి ప్రియదర్శన్ - లోక: చాప్టర్ 1 హీరోయిన్ కళ్యాణి ప్రియదర్శన్ కూడా ఈ జాబితాలో ఉన్నారు. ఈ బ్యూటిపుల్ హీరోయిన్ ఐఎమ్‌డీబీలో ఏడో స్థానంలో నిలిచింది.

తృప్తి డిమ్రి - తృప్తి డిమ్రి ఈ ఏడాది ప్రముఖ నటీనటుల జాబితాలో టాప్ 5 లో చోటు దక్కించుకోలేకపోయారు. తృప్తి ఐఎమ్‌డీబీ జాబితాలో 8వ స్థానంలో ఉంది. ధడక్ 2 చిత్రం కారణంగా ఆమె ఈ సంవత్సరం వార్తల్లో నిలిచింది.

ఐఎండీబీ జాబితాలో కాంతార నటి రుక్మిణి వసంత్ 9వ స్థానంలో నిలిచింది. రిషబ్ శెట్టి తెరకెక్కించిన కాంతార చాప్టర్ 1తో రుక్మిణి వసంత్ ట్రెండింగ్‌లో నిలిచింది.

రిషబ్ శెట్టి- కంతారా చాప్టర్ 1 హీరో, దర్శకుడు రిషబ్ శెట్టి ఈ ఐఎమ్‌డీబీ జాబితాలో 10వ స్థానంలో నిలిచాడు.

ఇలా తాాజాగా ప్రకటించిన ఐఎమ్‌డీబీ 2025 పాపులర్ సెలబ్రిటీ జాబితాలో తెలుగు హీరోలు ఒక్కరు లేరు. కన్నడ, మలయాళం, హిందీ చిత్రసీమ నుంచి హీరో హీరోయిన్లు చోటు సంపాదించుకున్నారు.