IPL 2026 : ఎక్కువసార్లు ట్రోఫీ గెలిచిన జట్లు.. ఇప్పుడు టేబుల్​ బాటమ్​ ర్యాంక్​ కోసం పోటీ!

ఆడిన 4 మ్యాచుల్లో 4 విజయాలతో దూసుకెళుతున్న రాజస్థాన్​ రాయల్స్​ జట్టు ప్రస్తుతం ఐపీఎల్​ 2026 పాయింట్స్​ టేబుల్​లో అగ్రస్థానంలో (8పాయింట్స్) ఉంది. అంతేకాదు, 10 జట్లల్లో ఆర్​ఆర్​కే మెరుగైన రన్​ రేట్​ ఉంది. ఇక రెండో స్థానంలో పంజాబ్​ కింగ్స్​ జట్టు (7 పాయింట్లు) ఉంది. ఇవాళ ఎస్​ఆర్​హెచ్​తో జరిగే మ్యాచ్​లో గెలిస్తే 9 పాయింట్లతో పంజాబ్​ మొదటి స్థానానికి చేరుకుంటుంది.

ఆదివారం ముంబై ఇండియన్స్​పై గెలిచిన రాయల్​ ఛాలెంజర్స్​ బెంగళూరు ఇప్పుడు ఐపీఎల్​ పాయింట్ల్​ టేబుల్​లో 3వ స్థానంలో ఉంది (6 పాయింట్లు). ఈ జట్టు ఆడిన 4 మ్యాచుల్లో 3 గెలిచి, ఒకటి ఓడిపోయింది. ఇక దిల్లీ క్యాపిటల్స్​ 4 పాయింట్లతో 4వ స్థానంలో ఉంది.

ఆదివారం మధ్యాహ్నం లక్నోతో జరిగిన మ్యాచ్​లో గెలుపుతో గుజరాత్​ టైటాన్స్​ 4 పాయింట్లతో 5వ స్థానంలో ఉంది. జీటీపై ఓటమితో లక్నో సూపర్​ జెయింట్స్​ 6వ స్థానంలో (4 పాయింట్లు) కొనసాగుతోంది. జీటీ కన్నా లక్నో రన్​ రెట్​ తక్కువగా ఉంది.

ఐపీఎల్​ 2026లో ఇప్పటివరకు ఆడిన 4 మ్యాచుల్లో సన రైజర్స్​ హైదరాబాద్​ కేవలం ఒక్కటే మ్యాచ్​ గెలిచి, 2 పాయింట్లతో 7వ పొజిషన్​లో ఉంది. ఈరోజు అతి బలమైన రాజస్థాన్​ రాయల్స్​పై గెలిస్తే, 4 పాయింట్లతో ఈ జట్టు 5వ స్థానానికి, భారీ విజయం అందుకుంటే 4వ స్థానానికి వెళ్లొచ్చు. ఎందుకంటే.. జీటీ, లక్నోకి ఎస్​ఆర్​హెచ్​ కన్నా తక్కువ రన్​ రేట్​ ఉంది. దిల్లీకి ఎస్​ఆర్​హెచ్​ కన్నా స్వల్పంగా ఎక్కువ రన్​ రేట్​ ఉంది.

ఐపీఎల్​ చరిత్రలో అత్యధిక ట్రోఫీలు గెలిచిన జట్లు సీఎస్కే, ఎంఐ, కేకేఆర్​. చెన్నై సూపర్​ కింగ్స్​, ముంబై ఇండియన్స్​ తలో 5సార్లు కప్​ కొట్టాయి. ఆ తర్వాత కోల్​కతా నైట్​ రైడర్స్​ 3సార్లు ట్రోఫీని దక్కించుకుంది. కానీ ఈ ఐపీఎల్​ 2026లో మాత్రం సీన్​ రివర్స్​ అయ్యింది!

ఇప్పటివరకు 4 మ్యాచులు ఆడిన ఎంఐ కేవలం 1 విజయంతో 8వ స్థానంలో ఉంది. సీఎస్కే కూడా ఆడిన 4 మ్యాచుల్లో ఒక్కటే గెలుపుతో 9వ స్థానంలో ఉంది. సీఎస్కే కన్నా ఎంఐకి రన్​ రేట్​ మెరుగ్గా ఉంది. ఇక కేకేఆర్​ ఇప్పటివరకు ఖాతా తెరవలేదు. 4 మ్యాచుల్లో 3 ఓడిపోయింది. పంజాబ్​తో మ్యాచ్​ వర్షం కారణంగా రద్దు అవ్వడంతో ఈ జట్టుకు 1 పాయింట్​ లభించింది.