IPL 2026: వాట్ ఏ థ్రిల్లర్.. లాస్ట్ ఓవ‌ర్లో స‌న్‌రైజ‌ర్స్‌కు షాక్‌.. ఉప్ప‌ల్‌లో ల‌క్నో విక్ట‌రీ

ఐపీఎల్ 2026లో లక్నో సూపర్ జెయింట్స్ బోణీ కొట్టింది. ఆదివారం (ఏప్రిల్ 5) ఉప్పల్ లో జరిగిన మ్యాచ్ లో లక్నో 5 వికెట్ల తేడాతో స‌న్‌రైజ‌ర్స్ హైద‌రాబాద్‌పై గెలిచింది.

లాస్ట్ ఓవర్ థ్రిల్లర్ లో లక్నో అదుర్స్ అనిపించింది. 157 రన్స్ ఛేజింగ్ ను 19.5 ఓవర్లలో కంప్లీట్ చేసింది. లక్నో ఓపెనర్ మార్ క్రమ్ 45 రన్స్ తో మెరిశాడు.

లక్నో కెప్టెన్ రిషబ్ పంత్ 68 రన్స్ తో నాటౌట్ గా నిలిచాడు. 50 బంతులాడిన అతను 9 ఫోర్లు కొట్టాడు. లాస్ట్ వరకు క్రీజులో ఉండి టీమ్ ను గెలిపించాడు.

అంతకుముందు ఉప్పల్ స్టేడియంలో ఫస్ట్ బ్యాటింగ్ చేసిన సన్ రైజర్స్ 20 ఓవర్లలో 9 వికెట్లకు 156 రన్స్ చేసింది. వైజాగ్ కుర్రాడు నితీశ్ కుమార్ రెడ్డి మరోసారి రాణించాడు. 33 బాల్స్ లో 56 రన్స్ కొట్టాడు. ఇందులో 3 ఫోర్లు, 5 సిక్సర్లున్నాయి.

సన్ రైజర్స్ డేంజరస్ ప్లేయర్ క్లాసెన్ 62 రన్స్ తో రాణించాడు. అయితే బౌలింగ్ లో ఫెయిల్ అయిన టీమ్ ఓటమిని మూటగట్టుకుంది. మూడు మ్యాచ్ ల్లో సన్ రైజర్స్ కు ఇది రెండో ఓటమి.