E-Paper
Praful Hinge : వైభవ్ సూర్యవంశీ డకౌట్.. ఒకే ఓవర్లో 3 వికెట్లు- ఎవరు ఈ ప్రఫుల్ హింజ్?
SRH vs RR : రాజస్థాన్ రాయల్స్ మ్యాచ్లో సైన్రైజర్స్ హైదరాబాద్ యంగ్ సెన్సేషన్ ప్రఫుల్ హింజ్ విజృంభించాడు. విధ్వంసకర వైభవ్ సూర్యవంశీని డకౌట్ చేయడమే కాకుండా, మొదటి ఓవర్లోనే 3 వికెట్లు తీసి ఎస్ఆర్హెచ్ గెలుపును ఖాయం చేశాడు. ఇంతకి ఎవరు ఈ ప్రఫుల్ హింజ్?
View Photos in a new improved layoutరెండో ఇన్నింగ్స్ మొదటి ఓవర్ వేసిన ప్రఫుల్ హింజ్.. రెండో బంతికే వైభవ్ సూర్యవంశీని పెవిలియన్ పంపాడు. ఇక నాలుగో బంతికి ధ్రువ్ జురెల్, ఆఖరి బంతికి లువాన్ డ్రే ప్రిటోరియస్‌ను అవుట్ చేసి స్టేడియాన్ని హోరెత్తించాడు. ఒకే ఓవర్లో మూడు వికెట్లు తీసి రాజస్థాన్ రాయల్స్‌ను కోలుకోలేని దెబ్బ తీశాడు. ఐపీఎల్ 2026 టేబుల్ టాపర్గా దూసుకెళుతున్న ఆర్ఆర్కి గట్టి షాకిచ్చాడు.
(HT_PRINT)
View Photos in a new improved layoutఈ పేస్ సంచలనం ఇక్కడితో ఆగిపోలేదు! తన రెండో ఓవర్లో రాజస్థాన్ కెప్టెన్ రియాన్ పరాగ్‌ను కూడా ఔట్ చేసి తన ఖాతాలో నాలుగో వికెట్ వేసుకున్నాడు. మొత్తం మీద 4 ఓవర్లలో 34 పరుగులు ఇచ్చాడు. దీనితో ఒక్కసారిగా క్రికెట్ ప్రపంచం మొత్తం ఈ కుర్రాడి వైపు చూస్తోంది. ఎవరు ఈ ప్రఫుల్ హింజ్ అని అందరు తెగ వెతికేస్తున్నారు.
(AP)
View Photos in a new improved layout24 ఏళ్ల ప్రఫుల్ హింజ్ మహారాష్ట్రలోని విదర్భ ప్రాంతానికి చెందిన రైట్ ఆర్మ్ సీమర్. దేశవాళీ క్రికెట్‌లో ముఖ్యంగా రెడ్ బాల్ (ఫస్ట్ క్లాస్) ఫార్మాట్‌లో తనదైన ముద్ర వేశాడు. ఇప్పటివరకు ఆడిన 10 ఫస్ట్ క్లాస్ మ్యాచ్‌ల్లో 27 వికెట్లు పడగొట్టి, నిలకడైన బౌలర్‌గా గుర్తింపు పొందాడు. కేవలం రూ. 30 లక్షల కనీస ధరకు సన్రైజర్స్ అతడిని సొంతం చేసుకుంది. టీ20 అనుభవం తక్కువగా ఉన్నప్పటికీ, తన లైన్ అండ్ లెంగ్త్‌తో విధ్వంసకర బ్యాటర్లను సైతం కట్టడి చేయగలనని నిరూపించాడు.
(AP)
View Photos in a new improved layout"ప్రఫుల్ హింజ్ ఒక కష్టపడే మనస్తత్వం ఉన్న బౌలర్. విదర్భ తరపున ఉమేష్ యాదవ్‌తో కలిసి బౌలింగ్ పంచుకున్న అనుభవం అతనికి ఉంది. కేవలం బ్యాకప్ బౌలర్‌గా జట్టులోకి వచ్చినప్పటికీ, అద్భుతమైన ప్రతిభను కనబరిచాడు," అని ఐపీఎల్ అధికారిక వెబ్‌సైట్ పేర్కొంది. ఈ సీజన్లో హైదరాబాద్ బౌలింగ్ విభాగం ధారాళంగా పరుగులు ఇస్తూ విమర్శలపాలైంది. ఈ క్రమంలో ప్రఫుల్ హింజ్ రాక జట్టులో కొత్త ఉత్సాహాన్ని నింపుతుంది.
(PTI)
View Photos in a new improved layoutఇక ఉప్పల్ వేదికగా జరిగిన ఈ మ్యాచ్లో ఎస్ఆర్హెచ్ ఘన విజయం సాధించింది. ఆ జట్టు ఇచ్చిన 217 పరుగుల టార్గెట్ని ఆర్ఆర్ ఛేదించలేకపోయింది. కేవలం 159కే ఆలౌట్ అయిపోయింది. తాజా గెలుపుతో ఎస్ఆర్హెచ్ ఐపీఎల్ 2026 పాయింట్స్ టేబుల్లో 4వ స్థానికి (4 పాయింట్లు) ఎగబాకింది. నెట్ రన్రేట్ కూడా బాగా మెరుగుపడింది. ఈ సీజన్లో సన్రైజర్స్ హైదరాబాద్కి ఇది రెండో గెలుపు.
(ANI Pic Service)
