ఈరోజే ఐక్యూ 15 లాంచ్​- ఫీచర్స్​, ధర వివరాలు..

భారతదేశంలో బుకింగ్స్ ప్రారంభమైన మొదటి 24 గంటల్లోనే ఐక్యూఓ ఫోన్ కోసం అత్యధిక ప్రీ-లాంచ్ ప్రీ-బుకింగ్ సాధించినట్లు కంపెనీ నివేదించింది! కంపెనీ ఖచ్చితమైన సంఖ్యలను వెల్లడించలేదు కానీ ఇది 2024లో ఐక్యూ 13 కంటే ఒకటిన్నర రెట్లు ఎక్కువ!

లాంచ్​కు ముందే ఇండియాలో ఐకూ 15 ధరలు లీక్​ అయ్యాయి. 12 జీబీ+256జీబీ వేరియంట్ ధర రూ.72,999, 16జీబీ+512జీబీ వేరియంట్ ధర రూ.79,999గా ఉండవచ్చని టిప్​స్టర్​ సూచించారు. అమెజాన్​లో, ఇది ఆల్ఫా, లెజెండ్ అనే రెండు కలర్ ఆప్షన్లలో లిస్ట్​ అయ్యింది.

ఈ స్మార్ట్​ఫోన్​కి ప్రీ-బుకింగ్ నవంబర్ 20న ప్రారంభమైంది. ప్రీ-బుక్ చేసుకున్న కస్టమర్లకు రూ .1899 విలువైన ఐక్యూ టీడబ్ల్యుఎస్ ఉచితంగా లభిస్తాయని, 12 నెలల పొడిగించిన వారంటీతో పాటు లభిస్తుందని కంపెనీ తెలిపింది.

ఐక్యూ15లో 6.85-ఇంచ్​ శాంసంగ్ ఎం14 అమోఎల్​ఈడీ డిస్​ప్లే డాల్బీ విజన్​తో 2కే రిజల్యూషన్, 130హెచ్​జెడ్​ స్క్రీన్ శాంప్లింగ్ రేట్, 144హెచ్​జెడ్​ వరకు రిఫ్రెష్ రేట్ వంటివి ఉన్నాయి.

ఈ ఫోన్ 3ఎన్​ఎం ప్రాసెస్​లో తయారైన ఆక్టా-కోర్ స్నాప్​డ్రాగన్ 8 ఎలైట్ జెన్ 5 చిప్​సెట్​ను పొందుతుందని ఈ ఫోన్ ధృవీకరించింది, ఇది 4 మిలియన్లకు పైగా AnTuTu స్కోరును కలిగి ఉంటుంది. ఇది సూపర్ కంప్యూటింగ్ క్యూ3 చిప్​తో కనెక్ట్​ అయ్యి ఉంటుంది. ఈ ఫోన్ అతిపెద్ద 8000 ఎంఎం స్క్వేర్ వీసీ కూలింగ్ సిస్టమ్​ను పొందుతుంది.

ఐక్యూ 15లో ప్రధాన కెమెరా సామర్థ్యం 50 మెగాపిక్సెల్, 50 మెగాపిక్సెల్ పెరిస్కోప్ టెలిఫోటో లెన్స్, 50 మెగాపిక్సెల్ అల్ట్రావైడ్ కెమెరా ఉన్నాయి. ముందు భాగంలో సెల్ఫీ కోసం 32 మెగాపిక్సెల్ కెమెరా ఉంటుంది.

ఇది 7000 ఎంఏహెచ్ బ్యాటరీని కలిగి ఉంది, ఇది 100డబ్ల్యూ వైర్డ్, 40డబ్ల్యూ వైర్​లెస్ ఫాస్ట్ ఛార్జింగ్​కు మద్దతు ఇస్తుంది. దుమ్ము, నీటి నుంచి సురక్షితంగా ఉండేందుకు ఈ ఫోన్ ఐపీ68+69 రేటింగ్​ను పొందనుంది.