E-Paper
TG LAWCET Counselling 2026 : తెలంగాణ లాసెట్ అభ్యర్థులకు అప్డేట్ - ఈనెల 26న కౌన్సెలింగ్ నోటిఫికేషన్ విడుదల
TG Lawcet Counselling 2026 : తెలంగాణలో ఎల్‌ఎల్‌బీ ప్రవేశాల కోసం నిర్వహించే లాసెట్ కౌన్సెలింగ్ ప్రక్రియకు ముహూర్తం ఖరారైంది. జూన్ 26న కౌన్సెలింగ్ నోటిఫికేషన్ విడుదల చేయాలని ఉన్నత విద్యామండలి నిర్ణయించింది.
View Photos in a new improved layoutతెలంగాణలో లా కోర్సుల్లో చేరాలని ఎదురుచూస్తున్న విద్యార్థులకు కీలక అప్డేట్ వచ్చేసింది. ఎల్‌ఎల్‌బీ, ఎల్‌ఎల్‌ఎం కోర్సుల్లో ప్రవేశాల భర్తీకి సంబంధించిన లాసెట్ (LAWCET-2026), పీజీఎల్‌సిఈటీ కౌన్సెలింగ్ నోటిఫికేషన్‌ను ఈ నెల 26వ తేదీన విడుదల చేయాలని తెలంగాణ రాష్ట్ర ఉన్నత విద్యామండలి నిర్ణయించింది.
View Photos in a new improved layoutహైదరాబాద్‌లోని ఉన్నత విద్యామండలి కార్యాలయంలో సోమవారం నాడు పీజీఈసెట్, లాసెట్ ప్రవేశాల కమిటీల ఉన్నత స్థాయి సమావేశం జరిగింది. ఈ ఉమ్మడి సమావేశంలో కౌన్సెలింగ్ ప్రక్రియకు సంబంధించిన విధివిధానాలు, షెడ్యూల్‌పై అధికారులు సుదీర్ఘంగా చర్చించారు.
View Photos in a new improved layoutఅన్ని ఏర్పాట్లను సమీక్షించిన అనంతరం, జూన్ 26వ తేదీన అధికారికంగా కౌన్సెలింగ్ నోటిఫికేషన్‌ను జారీ చేయాలని కమిటీ సభ్యులు ఏకగ్రీవంగా నిర్ణయం తీసుకున్నారు.
View Photos in a new improved layoutఈ నోటిఫికేషన్ ద్వారా రాష్ట్రవ్యాప్తంగా ఉన్న లా కాలేజీల్లో మూడేళ్ల ఎల్‌ఎల్‌బీ, ఐదేళ్ల సమగ్ర (ఇంటిగ్రేటెడ్) ఎల్‌ఎల్‌బీ కోర్సులతో పాటు పీజీ లా కోర్సుల్లో సీట్లను భర్తీ చేయనున్నారు.
View Photos in a new improved layoutఅర్హులైన అభ్యర్థులు నోటిఫికేషన్ విడుదలైన తర్వాత నిర్దేశిత వెబ్‌సైట్ ద్వారా తమ వివరాలను నమోదు చేసుకుని, వెబ్ ఆప్షన్లు ఇచ్చుకోవాల్సి ఉంటుంది. సర్టిఫికేట్ వెరిఫికేషన్, వెబ్ ఆప్షన్ల నమోదు తదితర పూర్తి స్థాయి వివరాలతో కూడిన సమగ్ర షెడ్యూల్‌ను 26న విడుదల చేసే ప్రకటనలో అధికారులు వెల్లడించనున్నారు. https://lawcet.tgche.ac.in/ వెబ్ సైట్ నుంచి ర్యాంక్ కార్డును డౌన్లోడ్ చేసుకోవచ్చు.
