లెజండరీ నటుడు కోట శ్రీనివాసరావు మరణం.. సూపర్ స్టార్ కృష్ణ, మహేశ్ బాబు, పవన్ కల్యాణ్, సినీ నటులతో సన్నిహితంగా ఫొటోలు!

తెలుగు లెజండరీ నటుడు కోట శ్రీనివాసరావు ఇవాళ (జులై 13) ఉదయం నాలుగు గంటల సమయంలో అనారోగ్యంతో కన్నుమూశారు. దీంతో తెలుగు సినీ ఇండస్ట్రీ శోకసంద్రంలోకి వెళ్లిపోయింది.

నాలుగు దశాబ్దాల పాటు 750కిపైగా సినిమాల్లో నటించిన కోట శ్రీనివాసరావు ఎన్నో విలక్షణ పాత్రలు చేశారు. అలాంటి దిగ్గజ నటుడి మరణం పట్ల సినీ సెలబ్రిటీలు సంతాపం తెలియజేస్తున్నారు.

కోట శ్రీనివాసరావు అంటే తెలుగులో ఎంతోమందికి చాలా ఇష్టం. ఆయన మరణం నేపథ్యంలో టాలీవుడ్ అగ్ర నటీనటులతో కోట శ్రీనివాసరావు సన్నిహింతగా ఉన్న ఫొటోలపై లుక్కేద్దాం.

కోట శ్రీనివాసరావు అంటే వెంటనే గుర్తు వచ్చేది బాబు మోహన్. కోట శ్రీనివాసరావు బాబు మోహన్ కాంబినేషన్‌లో వచ్చిన సినిమాలు, కామెడీ సీన్స్ ఎవర్ గ్రీన్ అని చెప్పుకోవచ్చు. రియల్ లైఫ్‌లో కూడా వీరిద్దరి మధ్య దృఢమైన స్నేహం ఉంది.

మాటల మాంత్రికుడు త్రివిక్రమ్ శ్రీనివాస్‌తో దిగ్గజ నటుడు కోట శ్రీనివాసరావు ఇలా కనిపించారు. ఏదో సినిమా షూటింగ్ సమయంలో ఇలా ఇద్దరు కనిపించినట్లు తెలుస్తోంది.

పవర్ స్టార్, ఏపీ డిప్యూటీ సీఎం పవన్ కల్యాణ్‌తో కోట శ్రీనివాసరావు ఇలా ఆత్మీయంగా కలుసుకున్నారు. వారి పక్కనే త్రివిక్రమ్ శ్రీనివాస్ కూడా ఉన్నారు.

సూపర్ స్టార్ కృష్ణ కుటుంబానికి కోట శ్రీనివాసరావుకు మంచి సంబంధం ఉంది. ఓ ఈవెంట్‌లో మహేశ్ బాబును కోట చనువుతో బుగ్గ గిల్లాడు. దానికి మహేశ్ బాబు నవ్వుతూ స్పందించాడు. ఆ పక్కనే సూపర్ స్టార్ కృష్ణ, ఆయన భార్య విజయనిర్మల, డైరెక్టర్ శ్రీనువైట్ల ఉన్నారు.

కోట శ్రీనివాసరావు వృద్ధాప్యంలో ఉన్నప్పుడు టాలీవుడ్ టాప్ కమెడియన్స్ బ్రహ్మానందం, అలీ వెళ్లి కలిశారు. ఈ సందర్భంగా ఇలా సన్నిహితంగా తీసుకున్న ఫొటో ఇది.

వృద్ధాప్యంతో బాధపడుతున్న కోట శ్రీనివాసరావును నిర్మాత, నటుడు బండ్ల గణేష్ వెళ్లి పరామర్శించారు. ఆ సమయంలో తీసుకున్న ఫొటో ఇది.

దిగ్గజ నటుడు కోట శ్రీనివాసరావుకి ఎంతో మంది అభిమానులు ఉన్నారు. వారిలో ఒకరు ఇలా కోటతో ఫొటో దిగి అభిమానాన్ని చాటుకున్నారు.