Budget smartphone : 50ఎంపీ కెమెరాతో లావా కొత్త స్మార్ట్​ఫోన్​- బోల్డ్​ 2 5జీ ధర రూ. 15వేల కన్నా తక్కువే

ఈ లావా బోల్డ్​ 2 స్మార్ట్​ఫోన్​లో 6.67- ఇంచ్​ ఫుల్​ హెచ్​డీ+ అమోఎల్​ఈడీ స్క్రీన్. ఇది 120 హెచ్​జెడ్​ రిఫ్రెష్ రేట్‌తో వస్తుంది, దీనివల్ల ఫోన్ వాడకం చాలా స్మూత్‌గా ఉంటుంది. ఇందులో శక్తివంతమైన మీడియాడెక్​ డైమెన్సిటీ 7060 చిప్‌సెట్‌ను వాడారు. దీని అంటుటు (AnTuTu) స్కోరు 5 లక్షలకు పైగా ఉందని కంపెనీ చెబుతోంది.

ఈ స్మార్ట్​ఫోన్​ ఆండ్రాయిడ్ 15 ఓఎస్‌తో పనిచేస్తుంది. ముఖ్యంగా ఇందులో ఎలాంటి అన్వాంటెడ్ యాప్స్, యాడ్స్ ఉండవని లావా హామీ ఇచ్చింది. లావా బోల్డ్​ 2 5జీలో వెనుక వైపు 50 మెగాపిక్సెల్ సోనీ సెన్సార్‌తో కూడిన ఏఐ మెయిన్ కెమెరా ఉంది. సెల్ఫీల కోసం ముందు వైపు 8 మెగాపిక్సెల్ కెమెరాను అందించారు.

5,000ఎంఏహెచ్​ బ్యాటరీ ఈ స్మార్ట్​ఫోన్​ సొంతం. దీనితో పాటు 33 డబ్ల్యూ ఫాస్ట్ ఛార్జింగ్ సపోర్ట్ కూడా ఉంది. ఇన్-డిస్‌ప్లే ఫింగర్‌ప్రింట్ స్కానర్, దుమ్ము- నీటి చినుకుల నుంచి రక్షణ కోసం ఐపీ64 రేటింగ్ వంటివి ఉన్నాయి. ఈ ఫోన్ కేవలం 7.55 ఎంఎం మందంతో చాలా స్లిమ్‌గా ఉంటుంది.

లావా బోల్డ్​ 2 6 జీబీ ర్యామ్ + 128 జీబీ స్టోరేజ్ వేరియంట్ ధర రూ. 13,999గా ఉంది. పరిమిత కాలం పాటు అన్ని రకాల పేమెంట్ పద్ధతులపై రూ. 1,000 డిస్కౌంట్ కూపన్ అందుబాటులో ఉంది. అంటే ఆఫర్‌లో ఈ ఫోన్ రూ. 12,999కే లభిస్తుంది.

మార్చి 19న మధ్యాహ్నం 12 గంటలకు అమెజాన్ ద్వారా ఈ లావా బోల్డ్​ 2 5జీ స్మార్ట్​ఫోన్​ సేల్స్​ ప్రారంభమవుతాయి. ఫెదర్ వైట్, మిడ్‌నైట్ బ్లాక్ రంగుల్లో ఇది లభిస్తుంది.