Mehreen Wedding Photos: ఇంట‌ర్నెట్‌ను షేక్ చేస్తున్న మెహ్రీన్ పెళ్లి ఫొటోలు-స‌డెన్ స‌ర్‌ప్రైజ్ అంటూ కామెంట్లు-అదే కారణమా

తెలుగు సినిమాతో సినీ కెరీర్ స్టార్ట్ చేసిన మెహ్రీన్ పిర్జాదా పెళ్లి చేసుకుంది. దాంపత్య జీవితంలోకి అడుగుపెట్టింది.

ఆదివారం (ఏప్రిల్ 4) మెహ్రీన్ పిర్జాదా పెళ్లి జరిగింది. అర్ష్ ఔలక ను ఆమె వెడ్డింగ్ చేసుకుంది.

సడెన్ గా పెళ్లి ఫొటోలను మెహ్రీన్ తన ఇన్ స్టాగ్రామ్ లో పోస్టు చేసి అందరికీ షాక్ ఇచ్చింది.

మెహ్రీన్ పెళ్లి ఫొటోలు ఇంటర్నెట్ ను షేక్ చేస్తున్నాయి. బ్యూటీఫుల్ మెహ్రీన్ సడెన్ సర్ ప్రైజ్ చేసిందని ఫ్యాన్స్ కామెంట్లు పెడుతున్నారు.

అయితే పెళ్లి గురించి ముందస్తుగా ఎలాంటి ప్రకటన లేకుండా మెహ్రీన్ సర్ ప్రైజ్ చేయడం వెనుక ఓ కారణం ఉందని అంటున్నారు. గతంలో మెహ్రీన్ నిశ్చితార్థం క్యాన్సిల్ అయింది.

హర్యానాకు చెందిన యువ పొలిటికల్ లీడర్ భవ్య బిష్ణోయ్ తో 2021లో మెహ్రీన్ ఎంగేజ్మెంట్ జరిగింది. ఆ తర్వాత కొన్ని నెలలకే పరస్పర అంగీకారంతో వీళ్లు నిశ్చితార్థం రద్దు చేసుకున్నారు.

నాని హీరోగా వచ్చిన కృష్ణగాడి వీరప్రేమ గాథ సినిమాతో మెహ్రీన్ డెబ్యూ చేసింది. ఆ తర్వాత తెలుగులో మహానుభావుడు, రాజా ది గ్రేట్, కేరాఫ్ సూర్య, జవాన్, పంతం, కవచం, ఎఫ్2, చాణక్య, ఎంత మంచివాడవురా, అశ్వత్థామ, మంచి రోజులొచ్చాయి, ఎఫ్3 సినిమాలు చేసింది.