E-Paper
Hardik Pandya : హార్దిక్ పాండ్యా కోసం విపరీతమైన పోటీ- ముంబై ఇండియన్స్ వదిలేస్తుందా?
ఇప్పుడు ఇండియన్ క్రికెట్లో హార్దిక్ పాండ్యా పేరు విపరీతంగా వినిపిస్తోంది. వచ్చే ఐపీఎల్ సీజన్లో అతను ముంబై ఇండియన్స్లో ఉండకపోవచ్చని వార్తలు వినిపిస్తున్నాయి. పాండ్యాని దక్కించుకునేందుకు సీఎస్కే, కేకేఆర్ సహా పలు జట్లు లైన్లో ఉన్నట్టు తెలుస్తంది.
View Photos in a new improved layout
భారతీయ క్రికెట్ స్టార్ హార్దిక్ పాండ్యా ఐపీఎల్ భవితవ్యంపై గత కొన్ని రోజులుగా తీవ్ర చర్చ జరుగుతోంది. ప్రస్తుతం ముంబై ఇండియన్స్కు ప్రాతినిధ్యం వహిస్తున్న ఈ ఆల్రౌండర్.. ఆ జట్టును వీడనున్నట్లు జోరుగా ప్రచారాలు సాగుతున్నాయి. ఐదుసార్లు ఛాంపియన్గా నిలిచిన ముంబై ఇండియన్స్ గత సీజన్లో పేలవ ప్రదర్శనతో తొమ్మిదో స్థానానికి పరిమితం కావడం కలకలం రేపిన విషయం తెలిసిందే. ఈ నేపధ్యంలో హార్దిక్ ట్రేడింగ్ గురించిన ఊహాగానాలు మరింత ఊపందుకున్నాయి.
View Photos in a new improved layout
గత రెండు వారాలుగా హార్దిక్ పేరు కోల్కతా నైట్ రైడర్స్ (కేకేఆర్), చెన్నై సూపర్ కింగ్స్ (సీఎస్కే) జట్లతో వినిపించినప్పటికీ, ఇప్పటివరకు ఎలాంటి అధికారిక స్పష్టత రాలేదు. లక్నో సూపర్ జెయింట్స్, రాజస్థాన్ రాయల్స్ పేర్లు కూడా వినిపించినా అవి కేవలం రూమర్లకే పరిమితమయ్యాయి.
View Photos in a new improved layout
క్రికెట్ వర్గాల సమాచారం ప్రకారం.. హార్దిక్ పాండ్యా ట్రేడింగ్ అంశంపై ముంబై ఇండియన్స్ ఫ్రాంచైజీ ఇంకా ఎలాంటి నిర్ణయం తీసుకోలేదు. హార్దిక్ను వదలకపోవచ్చని, కేకేఆర్- సీఎస్కే జట్లతో జరుగుతున్న చర్చలు ఇంకా ప్రాథమిక దశలోనే ఉన్నాయని సమాచారం. హార్దిక్ను సొంతం చేసుకోవడానికి కేకేఆర్ ఆసక్తి చూపుతున్నప్పటికీ, తమ స్టార్ ఆటగాళ్లను వదులుకోవడానికి ఆ జట్టు సిద్ధంగా లేదు. మరోవైపు కామెరాన్ గ్రీన్ ట్రేడింగ్ గురించి స్పష్టత లేనప్పటికీ, ఆస్ట్రేలియా బిజీ షెడ్యూల్ కారణంగా అతడు ఐపీఎల్ 2027 సీజన్కు అందుబాటులో ఉండే అవకాశం తక్కువగా ఉంది.
View Photos in a new improved layout
చెన్నై సూపర్ కింగ్స్ మాత్రం ఈ అంశంపై ఇంకా ఎటువంటి ముందడుగు వేయలేదు. "మేము ఇంకా ఈ విషయాలపై దృష్టి పెట్టలేదు. ముందుగా మాకు కొత్త కోచ్ కావాలి. ఆసక్తి గల పలువురి నుంచి దరఖాస్తులు వచ్చాయి. మేము కూర్చుని తుది నిర్ణయం తీసుకుంటాము," అని సీఎస్కే సీఈఓ కాశి విశ్వనాథన్ స్పష్టం చేశారు. ఐపీఎల్ 2026 సీజన్ ముగిసినప్పటి నుంచి హార్దిక్ ఆటకు దూరంగా ఉన్నాడు. ప్రస్తుతం బెంగళూరులోని సెంటర్ ఆఫ్ ఎక్సలెన్స్లో శిక్షణ పొందుతూ పూర్తి ఫిట్నెస్ సాధించే పనిలో ఉన్నారు.
View Photos in a new improved layout
2024లో ముంబై ఇండియన్స్లో తిరిగి చేరిన హార్దిక్ నాయకత్వంలో ఆ జట్టు ఆశించిన స్థాయిలో రాణించలేకపోయింది. 2024లో చివరి స్థానంలో నిలిచిన ముంబై, 2026లో తొమ్మిదో స్థానంతో సరిపెట్టుకుంది. 2025లో మాత్రం క్వాలిఫైయర్ 2 వరకు వెళ్లి పంజాబ్ కింగ్స్ చేతిలో పరాజయం చవిచూసింది. గత కొన్ని సీజన్లుగా హార్దిక్ బ్యాట్తో ఆశించిన రాణించలేకపోయినా, బౌలింగ్లో మాత్రం కీలక వికెట్లు పడగొట్టాడు.
