E-Paper
8000ఎంఏహెచ్ బడా బ్యాటరీ, 50ఎంపీ కెమెరాతో టెక్నో పోవా కర్వ్ 2- ఈరోజే సేల్ షురూ..
మీరు స్టైలిష్ లుక్, స్లిమ్ ప్రొఫైల్, పెద్ద బ్యాటరీ ఉన్న స్మార్ట్ఫోన్ కొనాలనుకుంటున్నారా? అయితే మీరు టెక్నో పోవా కర్వ్ 2 5జీ స్మార్ట్ఫోన్ గురించి తెలుసుకోవాల్సిందే. 8000ఎంఏహెచ్ బడా బ్యాటరీతో వస్తున్న ఈ స్మార్ట్ఫోన్ సేల్ ఇంకొన్ని గంటల్లో ప్రారంభంకానుంది. ఆ వివరాలు..
View Photos in a new improved layoutఈ టెక్నో పోవా కర్వ్ 2 5జీ ఫస్ట్ సేల్ ఫిబ్రవరి 20న మధ్యాహ్నం 12 గంటలకు ఫ్లిప్కార్ట్లో ప్రారంభం కానుంది. ఈ గ్యాడ్జెట్ బేస్ 8జీబీ+128జీబీ వేరియంట్ ధర రూ.27,999 కాగా, టాప్ 8జీబీ+256జీబీ వేరియంట్ ధర రూ.29,999గా ఉంది. దీనిని స్టార్మ్ టైటానియం, మెల్టింగ్ సిల్వర్, మిస్టిక్ పర్పుల్ రంగులలో కొనుగోలు చేయవచ్చు. లాంచ్ ఆఫర్ల కింద కస్టమర్లు ఎంపిక చేసిన బ్యాంక్ కార్డులపై రూ .3,000 వరకు తగ్గింపును పొందవచ్చు. ఫ్లిప్కార్ట్ వెబ్సైట్లో ఈ ఆఫర్ వివరాలను తెలుసుకోవచ్చు.
View Photos in a new improved layoutఈ టెక్నో పోవా కర్వ్ 2లో 6.78 ఇంచ్ ఫుల్ హెచ్డీ ప్లస్ కర్వ్డ్ అమోలెడ్ డిస్ప్లే, 144 హెర్ట్జ్ రిఫ్రెష్ రేట్, 93.18 శాతం స్క్రీన్-టు-బాడీ రేషియో, 4500 నిట్స్ పీక్ బ్రైట్ నెస్ ఉన్నాయి. ఈ డిస్ప్లే కార్నింగ్ గొరిల్లా గ్లాస్ 7ఐ ప్రొటెక్షన్తో వస్తుంది. ఫోన్ ఎస్జీఎస్ 5-స్టార్ డ్రాప్ రెసిస్టెంట్ రేటింగ్తో వస్తుంది, కాబట్టి అది అకస్మాత్తుగా పడిపోయినప్పుడు కూడా బ్రేక్ అవ్వదు.
View Photos in a new improved layoutఆండ్రాయిడ్ 16 ఆధారిత HiOS 16 ఆపరేటింగ్తో ఈ ఫోన్ పనిచేస్తుంది. మీడియాటెక్ డైమెన్సిటీ 7100 చిప్సెట్, 8 జీబీ ర్యామ్, 256 జీబీ వరకు స్టోరేజ్ ఉంది. ఈ ఫోన్ ర్యామ్ని 16 జీబీ వరకు పెంచుకోవచ్చు. ప్రాసెసర్ ఆర్మ్ జీ610 ఎంసీ2 జీపీయూతో జత చేసి ఉంటుంది. ఈ మిడ్ రేంజ్ స్మార్ట్ఫోన్ మూడేళ్ల వరకు అప్డేట్స్ పొందేందుకు అర్హత కలిగి ఉంటుంది. ఇది 20 5జీ బ్యాండ్లకు మద్దతు ఇచ్చే ప్రపంచంలోని మొదటి స్మార్ట్ఫోన్!
View Photos in a new improved layout50 మెగాపిక్సెల్ ప్రైమరీ కెమెరా, 2 మెగాపిక్సెల్ సెన్సార్తో డ్యూయల్ రియర్ కెమెరా సెటప్ను కలిగి ఉంది. సెల్ఫీల కోసం ముందువైపు 13 మెగాపిక్సెల్ కెమెరాను అందించారు. ఈ టెక్నో పోవా కర్వ్ 2 5జీ స్మార్ట్ఫోన్లో బలమైన సౌండ్ కోసం డాల్బీ అట్మోస్, హై-రెస్ ఆడియోకు మద్దతు ఉంది. ఈ ఫోన్లో ఏఐ సపోర్ట్ కూడా ఉంది, ఇది వివిధ భారతీయ భాషల్లో మాట్లాడటానికి మిమ్మల్ని అనుమతిస్తుంది.
View Photos in a new improved layoutఈ ఫోన్ 8000 ఎంఏహెచ్ బ్యాటరీతో ప్రపంచంలోనే అత్యంత సన్నని డివైజ్గా వస్తోంది. 192 గ్రాముల బరువున్న ఈ ఫోన్ మందం 7.42 మిల్లీమీటర్లు. ఇది 45డబ్ల్యూ వైర్డ్ ఫాస్ట్ ఛార్జింగ్కు మద్దతును కలిగి ఉంది. ఈ బాక్స్లో 45 వాట్ ఛార్జర్ ఉంది. బ్యాటరీ జీవితానికి సంబంధించి, ఇది ఒకే పూర్తి ఛార్జ్లో 48.1 గంటల కాలింగ్ సమయాన్ని, 1133 గంటల (సుమారు 47 రోజులు) స్టాండ్ బై సమయాన్ని అందించగలదని కంపెనీ పేర్కొంది.
