కొనసాగుతున్న వాయుగుండం - ఏపీలోని ఈ జిల్లాలకు భారీ వర్ష సూచన

ఏపీకి వాతావరణశాఖ రెయిన్ అలర్ట్ ఇచ్చింది. వాయుగుండం ప్రభావంతో ఇవాళ(డిసెంబర్ 3) పలు జిల్లాల్లో మోస్తారు నుంచి భారీ వర్షాలు పడే అవకాశం ఉంది. కొన్నిచోట్ల తేలికపాటి వర్షాలు పడే సూచనలున్నాయి.

బంగాళాఖాతంలో వాయుగుండం ప్రభావం కొనసాగుతోందని ఐఎండీ తెలిపింది. ఈ ప్రబావంతో బుధవారం (03-12-2025) నెల్లూరు, తిరుపతి జిల్లాల్లో అక్కడక్కడ పిడుగులతో కూడిన మోస్తరు నుంచి భారీ వర్షాలు కురిసే అవకాశం ఉంది.

కృష్ణా, ఎన్టీఆర్,గుంటూరు, బాపట్ల,పల్నాడు, ప్రకాశం,రాయలసీమ జిల్లాల్లో తేలికపాటి నుంచి మోస్తరు వర్షాలు కురిసే అవకాశం ఉంది.ప్రజలు అప్రమత్తంగా ఉండాలని ఏపీ విపత్తుల నిర్వహణ సంస్థ సూచించింది

మంగళవారం సా.5 గంటల నాటికి తిరుపతి (జి) మల్లంలో 53.5 మిమీ, తడలో 50.7, చిత్తమూరులో 50.2, పూలతోటలో 33.5 మిమీ వర్షపాతం నమోదైంది.