నెట్‌ఫ్లిక్స్ టాప్ 10 ట్రెండింగ్ వెబ్ సిరీస్ ఇవే.. తొలి స్థానంలో క్రైమ్ థ్రిల్లర్ సిరీస్.. ఓ తెలుగు కామెడీ షో కూడా..

ఇండియాలో నెట్‌ఫ్లిక్స్ ట్రెండింగ్ వెబ్ సిరీస్‌ల జాబితాలో కేవలం 4 ఇండియన్ షోలు మాత్రమే ఉన్నాయి. మిగిలినవి ఇంగ్లీష్, కొరియన్, జపనీస్ కావడం గమనార్హం.

ఇమ్రాన్ హష్మీ నటించిన క్రైమ్ థ్రిల్లర్ వెబ్ సిరీస్ తస్కరీ: ది స్మగ్లర్స్ వెబ్ తొలి స్థానంలో ఉంది. ఎయిర్ పోర్ట్ లో స్మగ్లింగ్ చేసే వారి చుట్టూ తిరిగే సిరీస్ ఇది. ఇమ్రాన్ నటనకు మంచి ప్రశంసలు దక్కుతున్నాయి. ఇందులో అతడు కస్టమ్స్ ఆఫీసర్ పాత్రలో నటించాడు.

ది గ్రేట్ ఇండియన్ కపిల్ షో - కపిల్ శర్మ షో ది గ్రేట్ ఇండియన్ కపిల్ షో రెండో స్థానంలో ఉంది. ఈ షోలో పాల్గొన్న యువరాజ్ సింగ్, వీరేంద్ర సెహ్వాగ్, మహ్మద్ కైఫ్ వంటి క్రికెటర్లు పాల్గొన్న తాజా ఎపిసోడ్ కు మంచి ఆదరణ లభిస్తోంది.

కెన్ దిస్ లవ్ బి ట్రాన్స్‌లేటెడ్- ఈ జాబితాలో మూడవ స్థానంలో ఉన్న కొరియన్ వెబ్ సిరీస్ ఇది.

హిస్ అండ్ హెర్స్ - నాలుగో స్థానంలో ఉన్న వెబ్ సిరీస్ ఇది. ఈ థ్రిల్లర్ వెబ్ సిరీస్ కు మంచి ఆదరణ లభిస్తోంది.

సింగిల్ పాపా -ఇదో కామెడీ వెబ్ సిరీస్. విడాకులు తీసుకున్న తర్వాత కూడా తండ్రి కావాలనుకొని అనుకోకుండా దొరికిన బిడ్డను కంటికి రెప్పలా చూసుకునే యువకుడి కథ ఇది.

జుజుట్సు కైసెన్ - ఆరో స్థానంలో జపనీస్ సిరీస్ జుజుట్సు కైసెన్ ఉంది. ఈ సిరీస్ లో ఇది మూడో సీజన్.

సింగిల్స్ ఇన్ఫెర్నో - ఈ వెబ్ సిరీస్ ఏడో స్థానంలో ఉంది. ఇది 9 మంది యువ కొరియన్ సింగిల్స్.. ప్రేమను వెతుక్కుంటూ ఒక ఐలాండ్ కు వెళ్లే స్టోరీని చూపిస్తుంది.

స్ట్రేంజర్ థింగ్స్ - ఎనిమిదో స్థానంలో స్ట్రేంజర్ థింగ్స్ ఐదో సీజన్ ఉంది. ఈ చివరి సీజన్ కు ఇండియాలో సూపర్ రెస్పాన్స్ వచ్చింది.

సెవెన్ డయల్స్ - నెట్‌ఫ్లిక్స్ లో 9వ స్థానంలో ఉన్న మర్డర్ మిస్టరీ థ్రిల్లర్ వెబ్ సిరీస్ సెవెన్ డయల్స్.

ఈటీవీ విన్ కు చెందిన తెలుగు కామెడీ వెబ్ సిరీస్ 90s ఎ మిడిల్ క్లాస్ బయోపిక్ పదో స్థానంలో ఉండటం విశేషం. కొన్నాళ్ల నుంచి ఈటీవీ విన్ లోని కంటెంట్ నెట్‌ఫ్లిక్స్ లోనూ అందుబాటులోకి వచ్చిన విషయం తెలిసిందే.