ఘనంగా ప్రారంభమైన ఇరువురు భామల కౌగిలిలో- రాఘవేంద్రరావు దర్శకత్వ పర్యవేక్షణ- క్లాప్ కొట్టిన నిహారిక కొణిదెల (ఫొటోలు)

తెలుగు టాప్ డైరెక్టర్ కె.రాఘవేంద్రరావు దర్శకత్వ పర్యవేక్షణలో దీపా ఆర్ట్స్‌ శ్రీనివాస గౌడ్‌ నిర్మాతగా నిర్మించిన సినిమా ఇరువురు భామల కౌగిలిలో. ఈ సినిమాకు అచ్యుత్‌ చౌదరి దర్శకత్వం వహిస్తున్నారు.

హైదరాబాద్‌ అన్నపూర్ణ స్టూడియోలో అతిరథ మహారథుల సమక్షంలో ఎంతో అట్టహాసంగా ‘ఇరువురు భామల కౌగిలిలో’ సినిమా ప్రారంభమైంది. పూజా కార్యక్రమాల అనంతరం దర్శకులు కె. రాఘవేంద్రరావు స్క్రిప్ట్‌ను నటీనటులు, దర్శక, నిర్మాతలకు అందచేశారు.

‘కమిటీ కుర్రాళ్లు’ ఫేమ్‌ త్రినాథ్ వర్మ హీరోగా, వైష్ణవి కొల్లూరు, మలినా హీరోయిన్లుగా ఇరువురు భామల కౌగిలిలో నటిస్తున్నారు. అలాగే, బ్యూటిఫుల్ అక్షర గౌడ కీలకపాత్ర పోషిస్తోంది. వీరితోపాటు ఈ చిత్రంలో ఎంతోమంది ప్రముఖ నటులు నటించనున్నారు.

ఇరువురు భామల కౌగిలిలో చిత్ర ప్రారంభోత్సవం సందర్భంగా హీరో హీరోయిన్లపై మెగా డాటర్ నిహారిక కొణిదెల క్లాప్‌నివ్వగా ప్రముఖ దర్శకులు బి.గోపాల్‌ కెమెరా స్విచాన్‌ చేశారు. ఇక ఫస్ట్‌ షాట్‌కి ప్రముఖ దర్శకులు ఎ కోదండరామిరెడ్డితో పాటు నిర్మాత, కెమెరామెన్‌ ఎస్‌ గోపాల్‌రెడ్డి గౌరవ దర్శకత్వం వహించారు.

త్వరలోనే రెగ్యులర్‌ షూటింగ్‌ జరుపుకోనున్న ఈ ఇరువురు భామల కౌగిలిలో సినిమా ఓపెనింగ్‌కి ‘కమిటీ కుర్రాళ్లు’ దర్శకుడు యదు వంశీతో పాటు ఆ సినిమాలో నటించిన నటీనటులందరూ పాల్గొన్నారు. టిల్లు స్క్వేర్ దర్శకుడు మల్లిక్‌ రామ్, దర్శకులు వర ముళ్లపూడి తదితరులు ఓపెనింగ్‌ పూజా కార్యక్రమాల్లో పాల్గొన్నారు.

ఇరువురు భామల కౌగిలిలో సినిమాకు శీను బీట్స్ సంగీతం అందించనుండగా.. డీఓపీగా శశాంక్‌ శ్రీరామ్ వర్క్ చేస్తున్నారు. అలాగే, మాటల రచయిత– శ్రీధర్‌ సీపాన, ఎడిటర్‌– రాఘవేంధ్ర వర్మ, లైన్‌ ప్రొడ్యూసర్‌– సౌజన్య, ఎగ్జిక్యూటివ్‌ ప్రొడ్యూసర్‌– సాయిరామ్‌ దేవర్ల, ప్రొడక్షన్‌ డిజైనర్‌– షర్మిలా కొప్పిశెట్టి, కాస్టూమ్స్‌– ప్రణతి, పీఆర్‌వోగా శివ మల్లాల ఉన్నారు.