E-Paper
OnePlus 15T : 7500ఎంఏహెచ్ బ్యాటరీ, 50ఎంపీ డ్యూయెల్ కెమెరాతో వన్ప్లస్ కొత్త స్మార్ట్ఫోన్- ధర..
OnePlus 15T price in India : వన్ప్లస్ తన ఫ్లాగ్‌షిప్ సిరీస్‌లో కొత్త స్మార్ట్ఫోన్ ‘వన్ప్లస్ 15టీ’ని చైనాలో విడుదల చేసింది. భారీ బ్యాటరీ, అదిరిపోయే గేమింగ్ పవర్‌తో వచ్చిన ఈ స్మార్ట్ఫోన్, టెక్ ప్రియులను విశేషంగా ఆకర్షిస్తోంది. పూర్తి వివరాలను ఇక్కడ చూసేయండి..
View Photos in a new improved layoutప్రముఖ స్మార్ట్ఫోన్ దిగ్గజం వన్ప్లస్ తన ఫ్లాగ్‌షిప్ లైనప్‌లో సరికొత్త సంచలనం 'వన్ప్లస్ 15టీ'ని ఇటీవలే చైనాలో ఆవిష్కరించింది. మూడు ఆకర్షణీయమైన రంగుల్లో, ఐదు వేర్వేరు స్టోరేజ్ వేరియంట్లలో ఈ ఫోన్ అందుబాటులోకి వచ్చింది. ముఖ్యంగా గేమర్స్, పవర్ యూజర్లను దృష్టిలో ఉంచుకుని అత్యంత శక్తివంతమైన ఫీచర్లతో దీనిని రూపొందించారు.
View Photos in a new improved layoutచైనాలో వన్ప్లస్ 15టీ బేస్ వేరియంట్ (12GB+256GB) ధర సీఎన్వై 4,299 (సుమారు రూ. 58,000) నుంచి ప్రారంభమవుతుంది. అత్యంత ఖరీదైన టాప్-ఎండ్ మోడల్ (16GB+1TB) ధర సీఎన్వై 5,699 (సుమారు రూ. 78,000) గా ఉంది. ఈ ఫోన్ చైనాలో మార్చి 25 ఉదయం నుంచి అమ్మకానికి రానుంది. ఇవి హీలింగ్ వైట్ చాక్లెట్, ప్యూర్ కోకో, రిలాక్సింగ్ మచ్చా రంగుల్లో లభిస్తాయి.
View Photos in a new improved layoutవన్ప్లస్ 15Tలో ప్రధాన ఆకర్షణ దీని 7,500ఎంఏహెచ్ భారీ బ్యాటరీ. ఒక్కసారి ఛార్జ్ చేస్తే 22.8 గంటల పాటు ఆన్‌లైన్ వీడియో ప్లేబ్యాక్ ఇస్తుందని కంపెనీ పేర్కొంది. ఇక డిస్‌ప్లే విషయానికి వస్తే.. ఇందులో 6.32- ఇంచ్ ఫుల్-హెచ్డీ+ అమోఎల్ఈడీ స్క్రీన్‌ను అమర్చారు. ఇది 60Hz నుంచి 165హెచ్జెడ్ వరకు రిఫ్రెష్ రేట్‌ను సపోర్ట్ చేస్తుంది. 1,800 నిట్స్ పీక్ బ్రైట్‌నెస్‌తో ఎండలో కూడా స్క్రీన్ స్పష్టంగా కనిపిస్తుంది. కంటి రక్షణ కోసం దీనికి TUV Rheinland సర్టిఫికేషన్ కూడా లభించింది.
View Photos in a new improved layoutఈ ఫోన్‌లో క్వాల్కమ్ నుంచి వచ్చిన అత్యంత శక్తివంతమైన స్నాప్డ్రాగన్ ఇలైట్ జెన్ 5 చిప్‌సెట్‌ను వాడారు. గేమింగ్ కోసం ప్రత్యేకంగా ‘ఈ-స్పోర్ట్స్ ట్రిపుల్ కోర్’ టెక్నాలజీని ఇందులో చేర్చారు. దీనివల్ల గేమింగ్ సమయంలో ఎక్కడా లాగ్ లేకుండా స్మూత్ ఎక్స్‌పీరియన్స్ లభిస్తుంది. అన్‌టుటు బెంచ్‌మార్క్ ప్లాట్‌ఫామ్‌పై ఈ ఫోన్ ఏకంగా 44,50,000 పాయింట్లను సాధించి రికార్డు సృష్టించింది. ఇది ఆండ్రాయిడ్ 16 ఆధారిత ఒప్పో కలర్ఓస్ 16పై పనిచేస్తుంది.
(Representative image)
View Photos in a new improved layoutవన్ప్లస్ 15Tలో డ్యూయల్ రియర్ కెమెరా సెటప్ ఉంది. 50 మెగాపిక్సెల్ సోనీ అల్ట్రా విజన్ సెన్సార్తో కూడిన ప్రధాన కెమెరా, 50 మెగాపిక్సెల్ పెరిస్కోప్ లెన్స్ (3.5x ఆప్టికల్ జూమ్, 7x లాస్‌లెస్ డిజిటల్ జూమ్) దీని సొంతం. ఫ్రెంట్లో 16 మెగాపిక్సెల్ షూటర్. ఈ ఫోన్ ద్వారా 8కే నాణ్యతతో వీడియోలను రికార్డ్ చేసుకోవచ్చు. అదనంగా, ఇది దుమ్ము, నీటి నుంచి రక్షణ కోసం ఐపీ66, ఐపీ68, ఐపీ69, ఐపీ69K వంటి అత్యున్నత రేటింగ్లను కలిగి ఉంది.
(Representative image)
