నెట్‌ఫ్లిక్స్‌లో దుమ్ము రేపుతున్న ఓజీ.. ఓటీటీలో ఎక్కువ మంది చూసిన సినిమాగా టాప్‌లో.. ఎన్ని వ్యూస్ వచ్చాయో చూడండి

పవన్ కల్యాణ్ కెరీర్లో అత్యధిక వసూళ్లు సాధించిన సినిమాగా నిలిచిన ఓజీ.. నెట్‌ఫ్లిక్స్ లోనూ అలాగే దూసుకెళ్తోంది. గతవారం ఓటీటీలోకి వచ్చిన ఈ సినిమా తొలి మూడు రోజుల్లోనే ఏకంగా 3.5 మిలియన్ల వ్యూస్ తో టాప్ లోకి దూసుకెళ్లింది.

రెండో స్థానంలోనూ నెట్‌ఫ్లిక్స్ లోనే స్ట్రీమింగ్ అవుతున్న గ్రేటర్ కలష్ మూవీ ఉంది. ఈ సినిమాకు 2 మిలియన్ల వ్యూస్ వచ్చాయి.

అమెజాన్ ప్రైమ్ వీడియోలోకి వచ్చిన జాన్వీ కపూర్ మూవీ పరమ్ సుందరి 1.9 మిలియన్ల వ్యూస్ తో మూడో స్థానంలో ఉంది.

తమిళంలో శక్తి తిరమగన్ అని, తెలుగులో భద్రకాళిగా వచ్చిన విజయ్ ఆంటోనీ సినిమా జియోహాట్‌స్టార్ లో 1.7 మిలియన్ల వ్యూస్ తో నాలుగో స్థానంలో ఉంది.

నెట్‌ఫ్లిక్స్ లోని వార్ 2 సినిమాకు 1.7 మిలియన్ల వ్యూస్ రాగా.. ఐదో స్థానంలో ఉంది.