E-Paper
Poco C81 pro : రూ. 8300కే 6000ఎంఏహెచ్ బ్యాటరీ స్మార్ట్ఫోన్- పోకో కొత్త గ్యాడ్జెట్ హైలైట్స్ ఇవే..
Budget Smartphone : బడ్జెట్ ధరలో స్మార్ట్ఫోన్ కొనేవారి కోసం పోకో సంస్థ మరో ఆకర్షణీయమైన మొబైల్‌ను విడుదల చేసింది. భారీ బ్యాటరీ, అదిరిపోయే డిస్‌ప్లే ఫీచర్లతో వచ్చిన ఈ 'పోకో సీ81 ప్రో' విశేషాలు ఇక్కడ తెలుసుకోండి..
View Photos in a new improved layoutభారతీయ స్మార్ట్ఫోన్ మార్కెట్‌లోని బడ్జెట్ విభాగంలో గట్టి పోటీనిచ్చే పోకో, అంతర్జాతీయంగా తన క్రేజీ మోడల్ 'పోకో సీ81 ప్రో'ని ఆవిష్కరించింది. వాల్యూ ఫర్ మనీ అందించే లక్ష్యంతో వచ్చిన ఈ ఫోన్, ముఖ్యంగా విద్యార్థులు, సాధారణ వినియోగదారులను దృష్టిలో ఉంచుకుని డిజైన్ చేసినట్లు కనిపిస్తోంది. భారీ స్క్రీన్, రోజంతా ఛార్జింగ్ అవసరం లేని బ్యాటరీ దీని ప్రధాన ఆకర్షణలు.
(www.mi.com)
View Photos in a new improved layoutపోకో సి81 ప్రోలో 6.9 ఇంచ్ భారీ హెచ్‌డీ ప్లస్ ఎల్‌సీడీ ప్యానెల్‌ను అమర్చారు. సాధారణంగా ఈ ధరలో 90హెచ్జెడ్ రిఫ్రెష్ రేట్ ఇస్తుంటారు, కానీ పోకో ఏకంగా 120హెచ్జెడ్ రిఫ్రెష్ రేట్‌ను అందించి ఆశ్చర్యపరిచింది. దీనివల్ల ఫోన్ స్క్రోలింగ్, గేమింగ్ చాలా సాఫీగా సాగుతాయి. ఈ డిస్‌ప్లేకు ట్రిపుల్ TÜV Rheinland సర్టిఫికేషన్ ఉంది. అంటే, ఎక్కువ సేపు ఫోన్ చూసినా కళ్లపై ఒత్తిడి పడదు. 800 నిట్స్ పీక్ బ్రెయిట్‌నెస్ ఉండటం వల్ల ఎండలో కూడా స్క్రీన్ స్పష్టంగా కనిపిస్తుంది..
(www.mi.com)
View Photos in a new improved layoutఈ హ్యాండ్‌సెట్ యూనిఎస్ఓసీ టీ7250 ఆక్టా-కోర్ చిప్‌సెట్‌తో పనిచేస్తుంది. ఇందులో 4GB LPDDR4x ర్యామ్‌ను అందించారు. వినూత్నమైన 'వర్చువల్ ర్యామ్' టెక్నాలజీ ద్వారా దీనిని మరో 8జీబీ వరకు పెంచుకోవచ్చు. అంటే మొత్తంగా 12జీబీ వరకు ర్యామ్ పర్ఫార్మెన్స్‌ను పొందవచ్చు. స్టోరేజ్ పరంగా 64జీబీ, 128జీబీ, 256జీబీ వేరియంట్లలో ఈ ఫోన్ లభ్యమవుతుంది. మైక్రో ఎస్‌డీ కార్డ్ ద్వారా మెమరీని మరింత పెంచుకునే వెసులుబాటు ఉంది. ఇది లేటెస్ట్ హైపర్ ఓఎస్ 3పై నడుస్తుంది.
(www.mi.com)
View Photos in a new improved layoutసాధారణంగా ఫోన్లలో 5,000ఎంఏహెచ్ బ్యాటరీ ఉంటుంది. కానీ పోకో సి81 ప్రోలో ఏకంగా 6,000ఎంఏహెచ్ భారీ బ్యాటరీని అమర్చారు. ఒక్కసారి ఛార్జ్ చేస్తే సుమారు 79 గంటల పాటు మ్యూజిక్ ప్లేబ్యాక్ వస్తుందని కంపెనీ చెబుతోంది. దీనికి 15W ఫాస్ట్ ఛార్జింగ్ సపోర్ట్ ఉంది. ఫోన్ భద్రత కోసం సైడ్-మౌంటెడ్ ఫింగర్ ప్రింట్ సెన్సార్, ఫేస్ అన్‌లాక్ ఫీచర్లను అందించారు. కెమెరాల విషయానికి వస్తే, వెనుకవైపు 13 మెగాపిక్సెల్ ప్రైమరీ కెమెరా, ముందు భాగంలో సెల్ఫీల కోసం 8 మెగాపిక్సెల్ షూటర్ ఉన్నాయి.
(www.mi.com)
View Photos in a new improved layoutప్రస్తుతం ఎంపిక చేసిన అంతర్జాతీయ మార్కెట్లలో విడుదలైన ఈ ఫోన్ ధరలు ఇలా ఉన్నాయి: 4GB + 64GB: 99 డాలర్లు (సుమారు రూ. 8,300), 4GB + 128GB: 109 డాలర్లు (సుమారు రూ. 9,100), 4GB + 256GB: 129 డాలర్లు (సుమారు రూ. 10,800). బ్లాక్, గోల్డ్, గ్రీన్ రంగుల్లో లభించే ఈ ఫోన్ భారత్‌లో ఎప్పుడు లాంచ్ అవుతుందనే దానిపై పోకో ఇండియా నుంచి ఇంకా అధికారిక ప్రకటన రావాల్సి ఉంది.
(www.mi.com)
